ကံ့ကော်လမ်း

လမ်းအမော်

ကံ့ကော်နံ့သင်း။

ချိုးအကွေ့

ကြည်မွေ့ဖို့ဘယ်ညာ

ငွေဝတ်လွှာခင်း။

လမ်းတလျှောက်

ပန်းကောက်စို့အတူ

တေးကျူလို့လေး။

နောင်စခန်း

တို့လမ်းဆိုင်ရင်ဖြင့်

ပန်းမပြိုင်ကြေး။ ။

ဇင်

နေရဉ္ဇရာမြစ်ကမ်း အိပ်မက်ပန်းတို့ ဒိုင်ယာရီ

အမှာစာ

“ဒီစာအုပ်ကိုထုတ်ချင်လို့ထုတ်တာပါ”
ဤသို့ဆိုလျှင် ကျွန်တော်တို့အငေါ်တူးသည်ဟု ထင်ကောင်းထင်မိကြမည်ဖြစ်၏။
သို့သော်ကျွန်တော်တို့သည် အားမနာစွာဖြင့်
ထိုသို့သာဆိုချင်၏။
“စာရေးတာ ကိုဖိုးသိလုပ်တာ”ဟု
ဆရာတင်မောင်သန်းပြောဖူး၏။
ထို့ကြောင့်ကျွန်တော်တို့၏
…… နေရဉ္ဇရာမြစ်ကမ်း အိပ်မက်ပန်းတို့ ဒိုင်ယာရီ……
ကို
ခံစားတတ်လို့၊
ရူးသွပ်တတ်လို့၊
ဘာလို့၊ ညာလို့ဟု မပြောတော့ပါ၊
တခုသာဆိုရန်ရှိ၏၊
ကျွန်တော်တို့အတန်းအတွက်၊
သူငယ်ချင်းများအတွက်
အမှတ်တရရှိစေချင်သော ဆန္ဒပါးပါးလေးမျှသာ၊
အတ္တတခုမျှသာပါ။
ကျွန်တော်တို့သည်…ကျွန်တော်တို့…ပြောချင်သည်ကို
အားမနာလျှာမကျိုး ……ပြောခဲ့သလို
စာဖတ်သူသဘောမကျလျှင်
“……သောက်သုံးမကျဘူး……”ဟုပြောရန်အခွင့်ရှိပါ၏။

ကျောင်းတုန်းက သူငယ်ချင်းတွေနဲ့ထုတ်ဖြစ်ခဲ့တဲ့ကဗျာစာအုပ်လေးပါ။ သူငယ်ချင်းတယောက်ရေးတဲ့အမှာစာပါ။ ပြန်ဖတ်မိတော့ ငယ်ဘ၀ပုံရိပ်တွေနဲ့အတူ စိမ်းလန်းတဲ့ရနံ့သစ်ကိုရှုရှိုက်မိလိုက်သလိုပါ။ နုပျိုတဲ့စိတ်ကူးတွေ၊ မျှော်လင့်ချက်တွေ၊ အိပ်မက်တွေတလှေကြီးနဲ့တက်ကြွလတ်ဆတ်နေစဉ်အချိန်ပေါ့။ ပန်းနုရောင်သန်းတဲ့ကဗျာလေး တွေရဲ့အငွေ့အသက်က ကံ့ကော်တောနဲ့ချစ်ခဲ့ဖူးသူတွေကိုလည်း အမှတ်ရစေပြန်တယ်။ ကဗျာတွေကို တပုဒ်စီတင်ပေးပါ့မယ်။ အချစ်ဆုံးသူငယ်ချင်းတွေရဲ့ကဗျာတွေကိုပဲတင်မှာပါ။ ဒီနေ့တော့ တပုဒ်တင်ပေးလိုက်ပါတယ်။

အချစ်

တခိုင်၊ နှစ်ခိုင်။
အနု၊ အယဉ် အသွင်ဆန်းတဲ့
ပန်းတွေကမြိုင်။

ရင်ထဲထိလှိုင်
တခိုင်သာမွှေး။

(သို့ပေမယ့်)
ဆွတ်လိုတဲ့ပန်းက အလှမ်းခက်တယ်
နီးလျက်ကယ်ဝေး။

ကိုသီ

မိမာယာ

မင်းရဲ့အကြောင်းကိုလွယ်လွယ်နဲ့ သိမှာစိုးလို့
မင်းကိုယ့်ကိုလှည့်စားတယ်ပေါ့
မင်းရဲ့မျက်ရည်တွေကို ဖုံးကွယ်ဖို့
ရယ်မောသံလေးတွေနဲ့ ကိုယ့်မျက်လုံးကိုကန်းစေတယ်
မင်းရဲ့အတတ်ပညာကို ကိုယ်သိပါတယ်
မင်းပြောရမယ့်စကားကို မင်းဘယ်တော့မှမပြောဘူး။

မင်းကိုတန်ဖိုးမထားမှာစိုးလို့
နည်းပေါင်းရာထောင်နဲ့ မင်းကိုယ့်ကိုရှောင်တယ်၊
မင်းကိုလူတွေကြားထဲမှာ ရောသွားမှာစိုးလို့
မင်းဘေးမှာထွက်ရပ်နေတယ်၊
မင်းရဲ့အတတ်ပညာကို ကိုယ်သိပါတယ်
မင်းလျှောက်ရမယ့်လမ်းကို
မင်းဘယ်တော့မှ မလျှောက်ဘူး။


မင်းရဲ့တောင်းဆိုမှုတွေဟာ တခြားသူတွေထက်ပိုတယ်
ဒါကြောင့်မင်းကဆိတ်ဆိတ်နေတယ်
ပရိယာယ်ကြွယ်ဝတဲ့ ဥပေက္ခာပြုဟန်လေးတွေနဲ့
ကိုယ့်လက်ဆောင်တွေကို ငြင်းပယ်တယ်၊
မင်းရဲ့အတတ်ပညာကို ကိုယ်သိပါတယ်
မင်း ရယူမယ့်အရာကို ဘယ်တော့မှ ယူမှာမဟုတ်ဘူး။ ။

မိုးမိုး (အင်းလျား)

ရာဘင်ဒြာနသ်တဂိုး
မှ တဂိုးစာနုယဉ်

စိတ်ကူး

လူသံနဲ့ဝေး

တောအုပ်ဘေးမှာ

တဲကုပ်လေးနဲ့ နေချင်တယ်။

တဲဘေးနောက်ဖက်

ရေထွက်ပေါက်က

စီးကျစမ်းရေ တသွယ်သွယ်…။

ငှက်တေးသံဆင်

ချိုနားဝင်လို့

ပန်းဆင်ဒန်းလည်း ထားရမယ်…။

အိမ်ရှေ့မှာလည်း

သီးပင်စိုက်လို့

ရာသီလိုက်တော့ စားချင်ဖွယ်…။

ပန်းရနံ့လှိုင်

မေတ္တာကြိုင်တယ်

လုံခြုံမှေးမယ် အေးရိပ်ဝယ်။

လူသူနဲ့ဝေး

တောအုပ်ဘေးမှာ

ချစ်တဲ့သူနဲ့ နေချင်တယ်။