Friday, June 26, 2009

ဆေးရုံ

ဆေးရုံဆိုတာ ကိုယ့်အတွက်တော့ တကယ့်ကိုစိမ်းသက်လွန်းတဲ့နေရာလေ။ ကိုယ်လူမှန်းသိတတ်စအချိန်မှာ အမေဆေးရုံတခါတက်ဘူးပေမယ့် ကိုယ်တကယ်သိတတ်လာတဲ့အချိန်မှာတော့ အမေကဆေးခန်းနဲ့အိမ်ကို ကူးချည်သန်းချည်လုပ်နေတာလောက်ပဲ ကြုံခဲ့တာပါ။ နောက်သူငယ်ချင်းတွေဆေးကျောင်းတက်ကြပြီး ဟောက်စ်ဆင်းကြတဲ့အခါ ဆေးရုံကိုသွားသွားလည်ပါတယ်။ ညဘက်ဂျူတီကျတဲ့အခါသရဲကြောက်တတ်တဲ့ သူငယ်ချင်းတွေအကြောင်း၊ လူနာတွေကိုသနားပေမယ့် အပြောအဆိုကြမ်းတဲ့ဆရာဝန်တွေအကြောင်း၊ ရှေ့က AS (Assistant Surgeon) မမတွေရဲ့ပညာပြပုံ၊ မျက်နှာလိုက်ပုံအကြောင်းတွေကစလို့ ဟောက်စ်ဆင်းတဲ့ ဆရာဝန်ပေါက်စ လူပျိုချောလေးတွေကို ညုတတ်တဲ့နာ့စ်ပေါက်စလေးတွေအကြောင်းအထိ ဟာသလုပ်နားထောင်ခဲ့ဖူးပါတယ်။ အစိုးရဆေးရုံဖြစ်နေတော့လည်း ဆေးရုံမှာမတတ်နိုင်တဲ့လူတန်းစားတွေ များပါတယ်။ လူနာစောင့်လာတဲ့လူတွေ၊ လူနာတွေရဲ့ မျှော်လင့်ချက်မဲ့တဲ့မျက်နှာတွေကို (မရှက်တမ်းဝန်ခံရရင်) စိတ်ထဲမှာမကောင်းပေမယ့် ခပ်အေးအေးပဲဖြတ်ကျော်ခဲ့ဖူးပါတယ်။ ပိုက်ဆံတတ်နိုင်တဲ့တချို့တလေ ဆေးရုံရောက်လာပြန်တော့လည်း တစုံတယောက်ကိုငါပိုင်တယ် ငါ့ပိုက်ဆံအိတ်ထည့်ထားနိုင်တဲ့အထာမျိုးတွေ ကိုခပ်ချဉ်ချဉ်နဲ့မျက်စောင်းထိုးဖူးပါတယ်။ ဒါပေမယ့် တကယ်တန်းကိုယ်ဆေးရုံတက်ရမယ်ဆိုတော့ ကြောက်တာမှ အရိုးတောင်တုန်တယ်ပြောရမလားပဲ။


မြန်မာပြည်ကစပြန်ရောက်ကတည်းကဘူးသီးလောက်နီးပါးဖောင်းကားနေတဲ့ ကိုယ့်ခြေထောက်ကိုအကိုတွေက စိတ်ပူကြပါတယ်။ မအိပ်ခင်၂ညလောက်ဆက်တိုက် မူးမူးပြီးအန်ပြီးတဲ့နောက်မှာတော့ သောကြာနေ့သူတို့စာတမ်းတင်ပြီးရင် ဆေးခန်းပြရမယ်ဆိုတဲ့အမိန့်ကိုချမှတ်လိုက်ပါတော့တယ်။ ကိုယ်ကလည်းသွားဆိုတော့ သွားပေါ့။ အဲဒီအန်တဲ့ညကလည်းဆရာဝန်အကိုကလာစမ်းသပ်ပြီး နားကျပ်နဲ့ဟိုထောက်ဒီထောက် လက်သီးနဲ့ဟိုထုဒီထု လုပ်ပါတယ်။ နာရင်ပြောတဲ့။ သူ့လက်သီးကြီးနဲ့ထုတဲ့နောက်မနာဘဲနေမလား။ အဲဒါကိုပဲ နာရင်ပြောတဲ့။ ဘယ်ပြောရဲပါ့မလဲ။ အဲဒါနဲ့ ဒီနေ့ကျတော့ဆေးခန်းသွားမယ်လုပ်ရော။ ဆေးခန်းလိုက်ပို့မယ့်သူတွေက ဇွဲကောင်းကောင်းနဲ့ အိမ်အောက်ဧည့်ခန်းထဲကစောင့်ပြီး ကိုယ်ကတော့အိပ်ခန်းထဲကနေ ၉နာရီနှိုးစက်ကိုပိတ်လိုက်၊ ၉နာရီခွဲကိုပြောင်းလိုက် ပြန်အိပ်လိုက်၊ ၉နာရီခွဲမြည်လာတော့ ပိတ်ပြီး ဟိုဘက်ဒီဘက်လှိမ့်လိုက်လုပ်ပါတယ်။ နောက်ဆုံးဘယ်လိုနေလို့မရတော့ဘူးထင်လာတော့မှထပြီး ရေချိုး၊ အ၀တ်အစားလဲပြီးဆင်းလာတော့ ဧည့်ခန်းထဲမှာ တယောက်၊ ဟိုဘက်လမ်းကအိမ်မှာတယောက်၊ ကျောင်းမှာတယောက်နဲ့ ဆေးခန်းလိုက်ပို့မယ့်တပ် ကအဆင်သင့်စောင့်နေပါတယ်။


ဆေးခန်းရောက်တော့ ကိုယ်ကျတဲ့အခန်းကဆရာဝန်အဘိုးကြီးပါ။ အဘိုးကြီးပေမယ့်လည်း ဟိုထုဒီထုလုပ်တော့နာတာပဲ။ ဆရာဝန်အကိုကအခန်းထဲအထိလိုက်လာပြီး ဘာညာကွိကွ သူတို့ဘာသာစကားနဲ့ (medical terms လို့ပြောတာပါ :P) လုပ်လိုက်တော့ ပြီးသွားရော။ ဟိုထုဒီထုလုပ် ပြီးတော့ နာရင်ပြောတဲ့။ ပြီးတော့ ခွက်ကလေးတလုံးပေးပြီး ဆီးသွားခိုင်းတယ်။ သွားဆိုတော့လည်းသွားပေါ့။ ဆီးစစ်ပြီးတော့ NUH (National University Hospital) ကိုသွားပါတဲ့။ သူကတော့ ဆေးရုံတက်စေချင်တယ်တဲ့။ ဟိုကလူတွေဘာပြောမလဲမသိဘူးတဲ့။

အဲဒါနဲ့ NUH သွားရော။ ဟိုရောက်တော့ဝက်တုပ်ကွေးအစွမ်းနဲ့ Emergency Unit ထဲကိုလူနာမှအပမ၀င်ရတွေဖြစ်ကုန်ရော။ အဲဒါနဲ့ဒူးတုန်တုန်နဲ့ပဲတယောက်တည်း ၀င်ရတော့တာပေါ့။ ခြေထောက်တွေညောင်းချိနေအောင်စောင့်ပြီးမှ ဆရာဝန်နဲ့တွေ့ရတယ်။ ဆရာဝန်ကအသက်၃၀ကျော်လောက် ပဲရှိမယ်။ ပါးစပ်ကပြောလိုက်၊ ကွန်ပျူတာမှာရိုက်လိုက်နဲ့ပဲ။ ပြီးတော့ခုတင်ပေါ်တက်ခိုင်း၊ ယောင်နေတဲ့ခြေထောက် ကိုကြည့်ပေါ့။ ဒီမှာလဲ ထုတာပဲ။ ထိုင်ခိုင်း ကျောကုန်းကိုထု။ နာရင်ပြောတဲ့။ ဒီလောက်ထုနေတာမနာပဲနေမလား။ ပြီးတော့ဆေးရုံတက်တာကောင်းမယ်ဆိုပြီး ကိုယ့်ကိုရှင်းပြပါတယ်။ ဘာဖြစ်တယ်။ ညာဖြစ်တယ်ပေါ့။ ကျောက်ကပ်ဆိုတာ ဆီးထဲမှာပရိုတင်းတွေပါမသွားအောင် စစ်ပေးတာပေါ့။ အခုတော့စစ်တဲ့အပေါက် တွေကကျယ်နေလို့ ပရိုတင်းတွေကဆီးထဲကိုပါကုန်တယ်ပေါ့။ ၂ရက်လောက်အလွန်ဆုံးပဲဆေးရုံမှာနေရမှာပါတဲ့။ ကိုယ်ကတော့ဟုတ်ကဲ့ ဟုတ်ကဲ့ပေါ့။ အဲဒါနဲ့သူရှင်းပြပြီးတော့ သူ့နာ့စ်မကိုလွှဲပေးလိုက်တယ်။ သူ့နာ့စ်မကလည်း ဆက်ရှင်းပြတယ်။ ဆေးရုံတက်ရင် အဆင့်လေးဆင့်ခွဲထားတဲ့အကြောင်း၊ အမြင့်ဆုံးကတယောက်ခန်း၊ အဲကွန်းနဲ့။ အနိမ့်ဆုံးက ၈ယောက်ခန်း အဲကွန်းမပါဆိုတဲ့အကြောင်းပေါ့။ ကိုယ့်မှာလည်း ဘာမှကိုယ်တိုင်မဆံုးဖြတ်နိုင်ဆိုတော့ အပြင်ကလူတွေကိုသွားပြန်မေးလိုက်ဦးမယ်ပေါ့။ အဲဒါနဲ့မေးတော့ အကိုတွေကလည်း ဆေးရုံတယောက်မှမတက်ဘူး တော့မသိဘူး။ အဓိကကကျောင်းကလုပ်ပေးထားတဲ့ကျန်းမာရေးအာမခံကဘယ်ဟာအထိအကျုံးဝင်သလဲပေါ့။ အနိမ့်ဆုံးဆိုဘယ်လောက်၊ အမြင့်ဆုံးဆိုဘယ်လောက်ပေါ့။ သူတို့ကအတွေ့အကြုံရှိအောင်ဆေးရုံတက်မထား ကြတော့ ကိုယ်ကပဲကျောင်းကိုဖုန်းဆက်မေးရတယ်။ ကျောင်းက Admin ကလည်းချစ်ဖို့ကောင်းတယ်။ အနိမ့်ဆုံးအခန်းကို ယူတဲ့။ ဟွန်း။ အဲဒါနဲ့ C အဆင့်(တည ၁၅၅ ဒေါ်လာ) ပဲယူပါ့မယ်ပေါ့။ အဲဒါနဲ့အဲဒီစာရင်းသွင်းတဲ့လူကြီးက ရစ်သေးတယ်။ ဒေါ်လာသုံးဆယ်ပဲကွာတာဘာလို့ B (ဒေါ်လာ ၁၈၆) ကိုမယူတာလဲချည်းပဲမေးနေတာပဲ။ အဲဒီဒေါ်လာ၃၀ကိုသူပေးမှာ ကျနေတာပဲ။ အာမခံကမပေးရင်ကိုယ့်ဘာသာ တည၃၀အပိုပေးနေရဦးမှာ။ အဲဒါနဲ့ပစ္စည်းတွေသွားပြန်ယူရော။ တကယ်ကဆေးရုံကအ၀တ်လည်းပေးမှာဆိုတော့ နည်းနည်းပါးပါးပဲယူရတာပါ။ ပြီးတော့အင်တာနက်ရရင်သုံးဖို့ဆို လက်တော့လည်းယူတာ။ အကိုတွေကိုပြန်မလိုက်နဲ့တော့လို့ အလုပ်ရှုပ်တယ်။ အထဲဝင်ရတာလည်း မဟုတ်ပဲနဲ့ဆိုပြီး ထားသာထားခဲ့တာစိတ်ကတော့ အားငယ်လိုက်တာ။ ငါဟဲ့ မိန်းမဆိုပြီး အားတင်းရတာပေါ့လေ။ ပြန်လာတဲ့တက်စီသမားကလည်း စကားများတော့နည်းနည်းတော့စိတ်ပေါ့သား။ အကိုတွေကတော့ ဘာမှလျှောက်မတွေးနဲ့။ သူရဲအကြောင်းတွေလည်းမတွေးနဲ့တဲ့ မှာလိုက်တာလေ။


ပြန်လည်းရောက်ရောခုနကနာ့စ်မကမျက်နှာချိုလာသွေးတယ်။ ခုတင်မရသေးလို့ စောင့်ရမယ်တဲ့။ ဒါလားဟဲ့စင်္ကာပူလို့တောင်အော်လိုက်ချင်တယ်။ အစောကလူကြီးကရောက်လာပြန်ရော။ ငါစဉ်းစားနေတာ ဒေါ်လာ၃၀ပဲကွာတာကိုနင်ဘာလို့ B ကိုမယူတာလဲတဲ့။ လူကလည်းတင်းနေတော့ ပြောပလိုက်တယ်။ အဲဒီ B ယူရင်ခုတင်အခုရမှာလားလို့။ ရမယ်ဆိုယူမယ်လို့ပြောလိုက်တာပေါ့။ အဲဒါလည်းစောင့်ရတာပဲ။ ခုတင်မှာရှိတဲ့သူတွေကိုဘယ်သွားထိုးထည့်နေလို့ကြာတာလည်းမသိပါဘူး။ အဲလိုအရှုပ်အရှက်တွေ ကြားမှာတောင် နာ့စ်မလေးတွေကခွက်တလုံးနဲ့လိုက်လာသေးတယ်။ ဆီးနည်းနည်းပေါက်ပေးပါဦးတဲ့။ အမြင်ကတ်ကတ်ရှိတာနဲ့ တဘူးအပြည့်ပေးလိုက်တယ်။ မှတ်ကရော။


စောင့်နေရတော့ဗိုက်ကဆာလာရော။ အဲဒါနဲ့မုန့်သွားစားမယ်ဆိုပြီးထွက်လာရင်းနဲ့ အကိုတွေဆီဖုန်းဆက်တယ်။ အဲဒါနဲ့ပဲ တယောက်တည်းစောင့် နေရတယ်ဆိုပြီး အကိုတယောက်ကပြန်လာတယ်။ သူ့ကိုမုန့်မစားဘဲ ထိုင်စောင့်ရတော့အဆာလွန်သွားပြန်ရော။ အော် အဲဒါပဲကြည့်။ အကိုရောက်လာပြီး စားသောက်နေတော့မှ ဖုန်းဆက်တယ်လေ။ ခုတင်ရပြီ လာပါတော့တဲ့။ ဘယ်လောက်ထုချင်စရာကောင်းလဲဆိုတာ။ စားလက်စတွေရပ်၊ မစားရသေးတဲ့ပေါက်စီကိုအိတ်ထဲပြန်ထည့်ပြီး ထလာရတယ်။ ရောက်လဲရောက်ရော အိန္ဒိယနွယ်ဖွားတယောက်က ၀ှီးချဲကြီးနဲ့ရပ်စောင့်နေတယ်။ ကိုယ့်ကိုတင်ပြီး တွန်းဖို့ပေါ့လေ။ စိတ်ထဲမှာပြုံးစိစိတောင်ဖြစ်သွားသေးတယ်။ ဒါမျိုးကိုရုပ်ရှင်တွေထဲမှာပဲတွေ့ဘူးတာလေ။ ပြီးတော့မလျှောက်နိုင်တဲ့လူနာမှပဲ အဲဒီအပေါ်တင်တယ်မှတ်နေတာ။ ဘာပဲဖြစ်ဖြစ်ကိုရီးယားကားတွေထဲမှာ ကြည့်ဖူးတဲ့မင်းသမီးလေးတွေလိုစိတ်ထဲမှာ ကိုယ့်ကိုကိုယ်မြင်ယောင်ပစ်လိုက်တယ်။ ဟုတ်တယ်လေသူတို့ဆို ကင်ဆာဖြစ်နေတာတောင် ကိုယ့်ဘာသာကီမိုလာသွင်းတာ၊ အထုတ်ကလေးတထုတ်နဲ့။ မင်းသားလိုက်လာရင် ထွက်ပြေးသွားပြန်ရော။ ကိုယ်ကတော့ တသက်မှာတခါဆေးရုံတက်တာ လိုက်လာရင်ထွက်မပြေးပါဘူး။ မုန့်သာဝယ်ခဲ့။ လုံးဝထွက်မပြေးဘူး။


အဲဒါနဲ့အဲဒီလူကြီးကကိုယ့်ကိုဝှီးချဲပေါ်တင်ပြီး တွန်းလာတာပိတ်ထားတဲ့ တံခါးတွေကအော်တိုတွေဆိုတော့ ကိုယ်တို့ရှေ့မှာရပ်လိုက်ရင်အလိုလိုပွင့်သွားတယ်။ ဒါကတော့ စင်္ကာပူစတိုင်ပေါ့နော်။ ဘာမဆိုအော်တိုမစ်တစ်။ ဒါပေမယ့် ကိုယ်ကတော့သရဲကားတွေမြင်ယောင်မိပြီး ကျောတောင်ချမ်းတယ်။ တံခါးတွေကိုယ့်နောက်မှာပြန်ပိတ်သွားတဲ့ တူ ဟူ ဟူဆိုတဲ့ အသံကြီးကအစ ချောက်ခြားစရာ ကောင်းနေသလိုပဲ။ ဓါတ်လှေကားနဲ့ ၃ခါလောက်တက်ရတယ်။ စိတ်ထဲမှာဒီဝှီးချဲတွန်းလာတဲ့လူက ငါ့ကိုတခုခုများ ဓါတ်လှေကားပေါ်မှာလုပ်လိုက်ရင်ဘယ်သူမှသိမှာမဟုတ်ဘူးလို့ တွေးမိသေးတယ်။ ဒါပေမယ့် အပေါ်တက်မလာခင် နာ့စ်မကသူ့နာမည်မေးပြီးမှတ်နေတာတော့တွေ့တယ်။ မိုဟန်ဆိုလားပဲ။ အင်း သူပို့တဲ့လူနာပျောက်တယ်ဆိုရင် ဆေးရုံကအရေးယူမှာပဲ။ ငါလူမသိသူမသိတော့ဘာမှမဖြစ်သွားလောက်ပါဘူးလို့လဲ ကိုယ့်ကိုကိုယ်အားပေးရသေးတယ်။ နောက်ဆုံးမှပဲကိုယ်နေရမဲ့အခန်းကိုရောက်တော့တယ်။

ကိုယ်ခုတင်ပေါ်မှာထိုင်နေတုန်း အိန္ဒိယနွယ်ဖွားဆရာဝန်ခပ်ငယ်ငယ်တယောက်လာပြီး မေးခွန်းတွေမေးပြန်ရော။ ဒီနေ့တနေ့လုံးမုန်းလောက်အောင်ဖြေပြီးတဲ့မေးခွန်းတွေချည်းပဲထပ်မေးတာပဲ။ သူတို့ဆရာဝန်တွေကလည်း တနေရာကတနေရာ၊ တဆောင်တဆောင်ကိုညွှန်းတယ်ဆိုလည်း သူတို့မေးခဲ့ပြီးတဲ့မေးခွန်းတွေပါတွဲပေးလိုက်ပါလား။ မပါသေးတဲ့ဟာပဲမေးပေါ့။ အဖြေတောင်မပေးနိုင်တဲ့သူဆိုဘယ်လိုလုပ်မလဲ။ အသက်ထွက်မယ့်သူကဗွီဒီယို၊ ရုပ်ရှင်တွေထဲကလို တမျိုးလုံးတဆွေလုံးအကြောင်းကုန်အောင်ပြောပြီးမှသေမှာကျနေတာပဲ။ စိတ်ကုန်တယ် တကယ်ပဲ။ အဲဒီတယောက်ကလည်း ထုံးစံအတိုင်းထုပြန်၊ ရိုက်ပြန်ရော။ ပြောရရင်ဒီတခါတော့အနာဆုံးပဲ။ အသက်အငယ်ဆုံး၊ အသန်ဆုံးမို့လို့လားမသိဘူး။ လူနာရောဂါကိုအပြင်ဘက်ကမမြင်ရရင် ထုသာကြည့်လို့ ဆရာ့ဆရာကြီးများက သညာပေးထားပုံပဲ။ ထုလိုက်ရိုက်လိုက်ကြတာ။ လူလည်းငါးဖယ်ဖြစ်တော့မယ်။ နောက်တော့ ဆရာမလေးတွေ တယောက်ပြီးတယောက်ဝင်လာပြီး ၀တ်ရမယ့်ဝတ်စုံရယ်၊ ဆပ်ပြာတို့ဘာတို့ပါတဲ့ အသေးသုံး အထုပ်လေးရယ် လာပေးတယ်။ သွေးပေါင်ချိန်တိုင်းတယ်။ ကိုယ်အလေးချိန်တိုင်းတယ်။ ကိုယ်အလေးချိန်ကို မနက်တုန်းကဆေးခန်းမှာတုန်းကတိုင်းတော့ ၅၃ပေါင်ကျော်တယ်။ အခုလည်းဆေးရုံအ၀တ်နဲ့တိုင်းရော ၅၁ပေါင်ပဲ ရှိတော့တယ်။ ဂျင်းဘောင်းဘီက၂ပေါင်ဖြစ်နေတာပေါ့။ အဲဒီတော့ ကိုယ်အလေးချိန်တဲ့သူတွေကို ဖိနပ်တင်မကဘူး၊ ဘောင်းဘီပါချွတ်ချိန်ဖို့ အကြံပေးချင်ပါတယ်။ :P

နောက်ပြီးတော့လည်း တယောက်ပြီးတယောက်ပဲ လာပေးပြန်ရော။ ဘူး၂ဘူး၊ ခွက်၁ခွက်နဲ့ ဆီးလာတောင်းတာ။ အော်ကိုယ့်ဆီးကိုယ်အဲလောက်လိုချင်အားများမယ်မှန်း မသိခဲ့ပါဘူး။ အဲဒါပြီးပြီမှတ်လို့ မပြီးသေးဘူး။ တထွာလောက်ရှိမယ့် လိမ္မော်ရောင်ဘူးနဲ့ ဒီညဆီးသွားရင်အဲဒီထဲပဲသွားရမယ်တဲ့။ ပြီးတော့ကျ ရေကို ၁.၂လီတာပဲ သောက်ရမယ်တဲ့။ လူကိုဘာမှတ်နေလည်းမသိဘူး။ ရေအများကြီးမသောက်ပဲ ဘယ်ဆီးကရမှာလဲ။ ဘုံဘိုင်ဖွင့်ထုတ်လို့ရတာမှမဟုတ်တာ။ စိတ်ညစ်တယ်။

ကိုယ့်ဘေးခုတင်မှာတော့ အဘွားကြီးတယောက်ကျတယ်။ အသက်၇၀လောက်ရှိမယ်ထင်တယ်။ အဲဒီအဘွားကြီးနဲ့မိတ်ဆက်စကားတွေဘာတွေပြောပြီး ကိုယ်လည်းကိုယ့်ကွန်ပျူတာဖွင့်ပြီးဟိုလုပ်ဒီလုပ်၊ သူကလည်း ဖုန်းတလုံးနဲ့ဆက်တော့တာပါပဲ။ ဘဲဆီများဆက်နေလားထင်ရတယ်။ ဟိ ဟိ ကြားသွားရင် အဆဲခံရဦးမယ်။ ဆေးရုံမှာ သူရဲခြောက်မှာကြောက်တာနဲ့ပဲ မအိပ်ဘဲပေါက်ကရတွေလျှောက်ရေးနေတာ အခုတကယ်ရပ်တော့မယ်။ ခေါင်းတွေမူးလာပြီ။ အားလုံးပဲ Good night ။

19 comments:

ThuHninSee said...

:D
ဘာမှမကြောက်နဲ့။ အစ်မရှိတယ်။
သရဲဘယ်မှာလဲ။
(အသံခပ်တုန်တုန်နဲ့ပြောသွားသည်)

စီဂျီ-၅၆ said...

ညီမ

လုပ်ချလိုက်ပြန်ပီကွာ။
အကို့ ညီမ မြန်မြန်‌နေကောင်းပါ‌စေလို့ ။

အကို
စီဂျီ-၅၆

နေဒေးသစ် said...

ဂရုစိုက်ပါ မေ့သမီးရေ ...
ကျန်းမာရေးက အရေးကြီးတယ် ...
စာရေးပြီး ခေါင်းရင်းမှာ ကပ်ထားလိုက်ပါလား ...

သတိ
လူနာအား လက်သီးနှင့် ဟိုထု ဒီထု မလုပ်ရလို့ ...

့haha
အမြန်ဆုံး နေကောင်းကျန်းမာပါစေ
နေဒေးသစ်။

ကိုလူထွေး said...

အခုဆေးရုံပေါ်မှာလား... သတ္တိခဲပဲ...

နေကောင်းသွားပြီလား...

အိန္ဒိယနွယ်ဖွားလို့ သုံးတာတွေ့တော့ ညီမဟာ စိတ်ထားပြည့်ဝပြီး ယဉ်ကျေးသူတယောက်ဆိုတာ လက်ခံမိတယ်...

ဂျင်းပေါင်းဘီ ၂ ပေါင်ရှိတာတော့ လူတိုင်းသိတာပေါ့... ဟာဟ...

ဆေးရုံက မြန်မြန်ဆင်းရပါစေ... အခန်းခတွေ နှမျောလို့...

းဝ)

မေဇင် said...

မ...ဒီမှာ ဆေးရုံတတ်ရတဲ့ ခံစားချက်ကို ကိုယ်ချင်းစာပါတယ်.. နောင့် တုန်းကဆိုရင် လိုက်စောင့်ပေးမယ့် အစ်ကိုတောင် မရှိပါဘူး ရှင်..။ကွန်ပျုတာလေးကလဲ ဆေးရုံတတ်ရမယ်မထင်တော့ အိမ်မှာထားခဲ့တာ...ကြောက်လဲ ကြောက် ပျင်းလဲ ပျင်းပေါ့..ဖုန်းကလဲ လိုင်းမမိ..စိတ်ညစ်လိုက်တာမပြောပါနဲ့ တော့..။ ခုအစ်မ မှာ..ကွန်ပျုတာလေး ကလဲ အနားမှာဆိုတော့.. မောင်နှမတွေ အနားမှာ ရှိသလို ခံစားလို့ရပါတယ်နော်..နောင့် မအိပ်သေးဘူး...မ ကိုစောင့်နေဦးမှာ.... :D..မြန်မြန် နေကောင်းပါစေ..။

လင်းဒီပ said...

ဘာမှ မပူနဲ့ သရဲခြောက်တယ်ဆို ဖုန်းသာလှမ်းဆက်လိုက် ဟုတ်လား...။

သီဟသစ် said...

ဩော်မေ့သမီးတို့ကတော့ အာဂပဲ
ဆေးရုံရောက်တာတောင် ပို့စ်တက်လာသေးတယ်။ ကောင်းပါ့ကွယ် စိတ်ဓါတ်ခိုင်မာတာ

မြန်မြန်နေကောင်းပါစေကွယ်
ခင်မင်စွာဖြင့်
သီဟသစ်

P.Ti said...

သရဲမကြောက် ဆေးရုံမှာတောင် ကွန်ပျူတာသုံးရဲတာ သတ္တိခဲပဲ။ ဘာလို့လဲဆိုတာ မမေးနဲ့... :P

အမြန်နေကောင်းပါစေ...

မေ့သမီး said...

ဟိ ဟိ ဆေးရုံတက်တုန်း အင်တာနက်မသုံးရင်ဘာလုပ်ရမယ်မှန်းမှမသိတာ။ အမှန်တော့ အင်တာနက်မရခင်စာတွေထိုင်ရိုက်နေတာ။ စိတ်ပေါက်ပေါက်နဲ့။ အောက်မှာသွားသုံးရင်ရတယ်လဲဆိုရော ဒုန်းစိုင်းဆင်းတော့တာပဲ။ လူကပျင်းတာအရည်ထွက်နေပြီ။ ပြန်တက်သွုားတော့ ဓါတ်လှေကားထဲမှာကိုယ်တယောက်တည်း ဘုရားစာဆိုတာတောင် ကပြောင်းကပြန်တွေဖြစ်ကုန်တယ်။ ပို့စ်တက်လာလို့ စိတ်ဓါတ်ခိုင်မာတာမဟုတ်ဘူး။ ပြိုလုလုစိတ်ဓါတ်ကလေးကို ပို့စ်နဲ့ကျားကန်ထားတာ။ ဘယ်သူမှသွားမပြောနဲ့။ မသိရင်အရမ်းကိုသတ္တိကောင်းနေတယ်လို့ထင်အောင်လုပ်တာ။

ဂျပန်ကောင်လေး said...

ဖတ်ရင်းနဲ့ အတွေ့အကြုံရသွားပြီ.. စင်္ကပူဆေးရုံအကြော်ငး..း)

khaing said...

အမြန်ဆုံး နေကောင်းကျန်းမာပါစေ :)

မေ့သား said...

ဆေးခန်း သွားပုံက လူဆိုးကို ဖမ်းပြီး အချုပ်ထဲ ပို့သလား အောက်မေ့ရတယ်။ နောက်ဆုံးတော့ ဆေးရုံမှာ ပေါက်ပေါက် ရောက်ရောက် ဖြစ်သွားတာပဲ မဟုတ်လား။ ရောက်ရောက်ချင်း ပေါက်ရတော့ တာပဲလေ။ အားလုံး ချောချောမွေ့မွေ့နဲ့ အဆင်ပြေသွား မှာပါ။ သိပ်စိတ်မပူပါနဲ့။ (နာ့စ်မလို့ သုံးရင် သူတို့က သိပ်စိတ်ဆိုးတယ်၊ အကောင်နဲ့ နှိုင်းတယ်လို့ ထင်လို့လား မသိဘူး၊ အပြင်မှာ နာ့စ်လို့ပဲ တကယ် သုံးစေချင်တယ်။ မြန်မာ ပြည်မှာ ကိုယ်တိုင် အဟောက် ခံခဲ့ရဘူးလို့ပါ။) ဘေးက အဖွားကြီးကို နှုတ်ဆက်တယ် ပြောပေးနော်။

လင်းကြယ်ဖြူ said...

အမြန်သက်သာ ..ပျော်ပါစေ..
ဆေးရုံကဆင်းပြီးရင် အတိုးချပြီး ကဲချင်တိုင်းကဲနိုင်ပါစေ...
အစားကို များများစား...အအိပ်ကို များများအိပ်..
အာ...လုပ်ချင်ရာသာ များများ လုပ်ပစ်ဗျာ.ကဲ....ဟဲ..ဟဲ
ပျော်ပါစေခင်ဗျာ

ဇော် said...

မေ့တမီးရ
ကျနော်လဲ ဆေးရုံဆို ကြောက်တယ်ဗျ။ အဟီး။
ဂရုစိုက်ပါ မေ့တမီး။ =)

ကမာနီလာ said...

နောက်ကျပြီးမှ သတင်းလာမေးဖြစ်ပါတယ် ငါ့ညီမရေ၊ နောက်ကျပြီးမှလာတော့ အရင်လူတွေ လူနာလာမေးရင်း ၀ယ်ပေးထားတဲ့ မုန့်တွေဘာတွေ လူမမာမေးရင်း စားလို့ရအောင်ပါ၊ ငါ့ညီမ အမြန် နေကောင်းပါစေဗျာ၊

rose of sharon said...

မြန်မြန်နေကောင်းပါစေလို့ဆုတောင်းပေးလိုက်ပါတယ်..ဒါနဲ့စကားမစပ် ၅၁ ကီလိုလား ၅၁ပေါင်လား?

ဆောင်းယွန်းလ said...

နောက်ကျမှသတင်းလာမေးမိတဲ့အတွက်ခွင့်လွှတ်ပါညီမလေးရေ...အကိုလည်းခုမှဘလော့လည်ဖြစ်လို့ပါ
အမြန်ဆုံးကျန်းမာပါစေလို့ ဆုတောင်းပေးပါတယ်ညီမလေးရေ..

ကိုလူထွေး said...

နေပြန်ကောင်းရင် သတင်းပို့ပါဦး

း)

ကျောပိုးအိတ် said...

ဆေးရုံတတ်တဲ့အကြောင်းလေးကို ရယ်စရာလေးတွေပါထည့်ပြီး ရေးသွားတာ အရမ်းဖတ်လို့ ကောင်းတာဘဲ။

အရမ်းကိုတော်ပါတယ်။
း)