Saturday, August 8, 2009

ဖိုင်တွဲလေးတခုအကြောင်း


နောက်တပါတ်ကျောင်းတက်ရတော့မယ်။ Shopping week ဆိုပေမယ့်တချို့ဘာသာရပ်တွေကတော့ စသင်တော့မှာဆိုတော့ ဖတ်ရမယ့်စာရွက်တွေကိုကျောင်းမှာပရင့်သွားထုတ်ဖြစ်တယ်။ အိမ်ကပရင့်တာက စာတရွက်ထုတ်ရတာ အရမ်းကြာတာလေ။ ပြန်ရောက်လာပြီးဖိုင်တွေတွဲ၊ စာရွက်တွေစီလုပ်နေရင်းက ထုံးစံအတိုင်း နမော်နမဲ့နဲ့ စာရွက်ကိုပြောင်းပြန် punch နဲ့ဖောက်ချလိုက်မိတယ်။ အဲဒီအချိန်မှာပဲ ခေါင်းထဲကိုရောက်လာတာက ရန်ကုန်မှာဂျပန်အဖွဲ့အစည်းတခုမှာ အလုပ်ဝင်ခါစအချိန်တုန်းအကြောင်းလေးတခုပါ။

ဂုဏ်ထူးတန်းနောက်ဆုံးနှစ်တက်နေတဲ့ကျွန်မ First Semester စာမေးပွဲပြီးပြီး ၂ရက်လောက်မှာ ရန်ကုန်ကအမက ဖုန်းဆက်လာပါတယ်။ “သားသားနင်အလုပ်လုပ်ချင်တယ်ပြောထားလို့ အခုအဲဒီပရောဂျက်က အတွင်းရေးမှုးတယောက်လိုနေတယ်။ နက်ဖြန်အင်တာဗျူး။ နင် CV ယူပြီးနက်ဖြန်အင်တာဗျူးတခါတည်းတန်းဝင် လို့ရတယ်တဲ့။ အဲဒီကမန်နေဂျာကိုငါပြောထားတယ်” တဲ့။ လခကသိပ်မက်လောက်စရာမကောင်းပေမယ့် ကျွန်မဘွဲ့လွန်ဆက်တက်ဖို့၊နိုင်ငံခြားထွက်ဖို့ဆိုတာ ရန်ကုန်မှာနေရမှဖြစ်မှာလေ။ အဲဒါနဲ့အိမ်ကိုသမီးသွားချင်တယ် ပြောပြီးနောက်နေ့မနက်အစောကြီးကားနဲ့ပုသိမ်ကထွက်ခဲ့တယ်။ နေ့လည် ၂နာရီလောက်အင်တာဗျူးဝင်ရတယ်။ တိုတိုပြောရရင် ကံကောင်းထောက်မစွာပဲ အဲဒီအလုပ်ကိုရခဲ့ပါတယ်။ အင်တာဗျူးဝင်ကတည်းက ကျွန်မရဲ့များပြားလှစွာသောအရည်အချင်းတွေကို ကျွန်မကိုအင်တာဗျူးတဲ့ဂျပန်အမျိုးသမီး၂ယောက်က သိသွားပါတယ်။ ကျောင်းပြီးဖို့ semester တခုလိုပြီး၊ ကွန်ပျူတာမတောက်တခေါက်၊ အင်္ဂလိပ်စကားတခုသာ နည်းနည်းလည်လည်ပတ်ပတ်ရှိရုံ၊ ပုသိမ်မှာတုန်းကလူငယ်သင်တန်းတွေ၊ မျိုးဆက်ပွားကျန်းမာရေးသင်တန်းတွေ တက်ဖူးတာကလွဲပြီး ရုံးအလုပ်ကိုနကန်းတလုံးမှမသိတဲ့အကြောင်းပေါ့။ အင်တာဗျူးပြီးနောက်တနေ့မှာပဲ ကျွန်မနဲ့အမြဲအလုပ်တွဲလုပ်ရမယ့် Project Coordinator ကဂျပန်ပြန်သွားပါတယ်။ အဲဒီနေ့ကသောကြာနေ့ပါ။ ကျွန်မရုံးစတက်ရတော့တနင်္လာနေ့ပါ။ အင်တာဗျူးတုန်းကပါတဲ့နောက်ထပ်ဂျပန်မတယောက်က နယ်ရုံးမှာထိုင်ရမယ့် Community Health Expert ပါ။ သူနဲ့ကျွန်မပဲရန်ကုန်မှာကျန်ခဲ့ပါတယ်။ ပရောဂျက်ကအသစ်စက်စက်၊ အတွင်းရေးမှုးအသစ်စက်စက်ကလည်း လုံးဝအတွေ့အကြုံမရှိ၊ ကျွန်မဂျပန်မစပြီးဒုက္ခရောက်တဲ့ရက်တွေပါပဲ။ နောက်တနေ့မှာပဲ ကျွန်မတို့မူရင်းရုံးရှိတဲ့နေရာကနေ ကျွန်မတို့ပရောဂျက်ရုံးခန်းအသေးလေးကိုပြောင်းရပါတယ်။ ကျန်းမာရေးရုံးတရုံးမှာကျွန်မတို့အတွက် အခန်းလေးတခန်းပေးတာပါ။ ကျွန်မတို့ရုံးချူပ်မှာတော့ မူရင်းအသားကျပြီး သားပရောဂျက်တွေပဲကျန်ခဲ့တာပါ။ ကျွန်မမှမေးစရာမြန်းစရာ မြန်မာကမရှိ၊ ဂျပန်မကမသိရင်ကျွန်မလာမေး တော်တော်အူလည်လည်နိုင်ခဲ့တာပေါ့။

၂ရက်လောက်နေပြီး အဲဒီရုံးခန်းအသစ်မှာအသားကျလာတော့ကျွန်မနဲ့ကျွန်မဂျပန်မရုံးခန်းအတွက်လိုအပ်တာတွေ ၀ယ်ဖို့ဈေးဝယ်ထွက်ကြပါတယ်။ ဖိုင်တွေ၊ စာရေးကိရိယာတွေ၊ ရုံးခန်းသန့်ရှင်းရေးပစ္စည်းတွေအပါအ၀င်ပေါ့။ ပြန်ရောက်တော့ကျွန်မကိုပထမဆုံးအကြိမ်ကျွန်မဂျပန်မကဖိုင်တခုတွဲခိုင်းပါတယ်။ ကျွန်မကို စာရွက်တွေပေးခဲ့ပြီး သူကဟိုဘက်ရုံးခန်းထဲက ကျန်းမာရေးဌာနကလူကြီးတယောက်နဲ့ ခဏသွားတွေ့ပါတယ်။ စာရွက်က စာမျက်နှာ ၂၀၀လောက်ရှိပါတယ်။ ဂျပန်လိုတွေချည်းရေးထားတော့ဘယ်လောက်အရေးကြီးတဲ့ ဖိုင်လည်းကျွန်မမသိပါ။ (နောက်ပိုင်းပုံမှန်ဖြစ်လာတဲ့အခါကျတော့ ရုံးစာရွက်စာတမ်းတွေအားလုံးကို ကျွန်မကအင်္ဂလိပ်လိုပြန်၊ သူတို့ကဂျပန်လိုပြန်ပြီး ရုံးချုပ်ကိုတင်တာပါ)။ အဲဒါနဲ့ကျွန်မ Punch အသေးလေးကိုင်ပြီးစာရွက်တွေဖောက်ပါတော့ တယ်။ စာရွက်ကထူပြီး Punch ကလည်းအသေးပဲရှိတော့အကုန်တခါတည်းသွင်းမရပါဘူး။ ပထမဆုံးဖောက်ဖူးတဲ့ဖိုင် ဆိုတော့လည်း ဘာလုပ်ရမယ်မသိပါဘူး။ စာရွက်ကိုလေးပုံလောက်ပုံပြီး ဒီတိုင်းပဲဖောက်ဖောက်ချလိုက်တာပဲ။ ဖိုင်တွဲတော့မှအပေါက်တွေမညီမှန်းကျွန်မသိပါတော့တယ်။ ဘယ်လောက်တုံးတဲ့ကျွန်မလဲလို့။ တော်တော်လည်း စိတ်ညစ်သွားပါတယ်။ ဒါပေမယ့်ဟန်ကိုယ့်ဖို့မလား။ ကျွန်မဂျပန်မပြန်ဝင်လာတော့ ဖိုင်ကိုခပ်တည်တည်နဲ့ထိုးပေး လိုက်ပါတယ်။ သူကဖိုင်ကိုဖွင့်ကြည့်ပါတယ်။ အပေါ်ဆုံးစာရွက်တွေကအဆင်ပြေတယ်လေ။ အောက်လည်းလှန်ကြည့်ပြီးရော သူခွက်ထိုးခွက်လန်ရယ်ပါရော။ ပြီးတော့ ကျွန်မကိုစာရွက်တရွက်ယူခိုင်းတယ်။ အလယ်ကခေါက်တယ်။ ပြီးတော့မှစာရွက်အလွတ်တွေယူပြီး အဲဒီခုနကခေါက်ထားတဲ့စာရွက်ကိုဖြန့် အလယ်ခေါက်ချိုးရာနဲ့ Punch မှာရှိတဲ့အလယ်ကမြှားနေရာလေးနဲ့တိုက်ပြီးဖောက်ပြတယ်။ ပြောရင်း၊ လုပ်ပြရင်းနဲ့ ပြုံးပြုံး ပြုံးပြုံးပဲ ကျွန်မကိုတိပ်အသေးလေးတွေ ခုနကကျွန်မဖောက်ထားတဲ့အပေါက်တွေကိုပိတ်မိရုံဖြတ်ခိုင်းပါတယ်။ ပြီးတော့ခုနကကျွန်မဖောက်ထားတဲ့အပေါက်တွေအားလုံးကို ၂ယောက်အတူတူပြန်ပိတ်။ ပြီးတော့မှပြန်ဖောက်ပြီး ဖိုင်ပြန်တွဲရပါတယ်။ ကျွန်မဒီကိုကျောင်းတက်ဖို့ထွက်မလာခင်၃နှစ်နီးပါးရုံးမှာလုပ်လာတဲ့အထိ အဲဒီဖိုင်လေးရုံးမှာ ရှိနေပါတယ်။ အဲဒီဂျပန်မ နယ်ကပြန်ရောက်လို့အဲဒီဖိုင်ကိုဖွင့်မိတိုင်းအမြဲကျွန်မကိုစပါတယ်။

တကယ်တမ်းပြောရရင် ကျွန်မအဲဒီမှာအလုပ်လုပ်ခဲ့တဲ့ ၃နှစ်မှာလူတွေအကြောင်းအများကြီးသိခဲ့ပါတယ်။ ကျွန်မလေ့လာ ခဲ့ရတာတွေလည်းအများကြီးပါပဲ။ လုပ်ခဲ့တဲ့အမှားတွေ၊ အလွဲတွေဆိုတာလည်း မရေနိုင်ပါဘူး။ ဒါပေမယ့်ကျွန်မ အမှားလုပ်မိတိုင်းမှာကျွန်မအရင်ဆုံးရတာက ဆူပူအပြစ်တင်တဲ့စကားမဟုတ်ပါဘူး။ အပြုံးတပွင့်နဲ့ အားပေးစကား၊ ပြီးရင်အသစ်ပြန်လုပ်ခိုင်းတာပါပဲ။ ကျွန်မဘက်ကလည်း မှားပြီးသားအမှားကိုထပ်ခါထပ်ခါမမှား အောင်ထိန်းပါတယ်။ ပြီးတော့မှားသွားတိုင်းလည်းတောင်းပန်ဖို့ကျွန်မ၀န်မလေးခဲ့ပါဘူး။ ဒါပေမယ့် ဘ၀မှာသူများအမှားကိုလက်ညှိုးထိုးပြီးကိုယ့်ဘက်ကလက်လေးချောင်းကိုဖွက်ထားတတ်တဲ့ လူတွေနဲ့ကျွန်မအလုပ်မလုပ်ခဲ့ရပါဘူး။ ကျွန်မကိုအားပေးတဲ့၊ အတွေ့အကြုံနည်းသေးတာကို နားလည်ပေးတဲ့ ဂျပန်လူကြီးတွေနဲ့အလုပ်လုပ်ခဲ့ရပါတယ်။ ဒီဖိုင်တွဲတဲ့အတွေ့အကြုံလေးကတော့ ကျွန်မအသက်ရှိနေသရွေ့ ကျွန်မသတိရနေမှာပါပဲ။ လူတိုင်းအမှားမကင်းတဲ့အတွက် သူများမှားတာနဲ့ လက်ညှိုးထိုးအပြစ်တင်မစောဖို့ကို ဒီဖိုင်လေးနဲ့ ကျွန်မဂျပန်မကသင်ခန်းစာပေးခဲ့တာပါ။

(ပုံက Google က။)

10 comments:

ကိုလူထွေး said...

ဂျပန်လိုရေးထားတဲ့စာမို့ စာရွက်ပြောင်းပြန်ကြီး ဖောက်မိသလားထင်ပြီးတော့ ဖတ်ကြည့်နေတာ...

မသိတော့လည်း မှားတတ်တာပေါ့...
လုပ်ရင်းလုပ်ရင်းနဲ့လဲ တတ်သွားတာပဲလေ...

တချို့ကတော့ လုပ်နေတာ နှစ် ၂၀ ကျော်ပြီ... အခုအထိ မတတ်ကြသေးဘူး... သေတောင် အမှန်ကိုသိကြတော့မယ် မထင်ပါဘူး...

းဝ)

မေငြိမ်း said...

ဟုတ်ပ.. အမလည်း ပြောင်းပြန်တွေ တွဲမိပီ ထင်နေတာ... ။ ဒါပေမဲ့ ပြောချင်တာလေး ရပါတယ်..။ :)

kyalkalay said...

ပုသိမ် သူလား

ဟားဟား

တွေ.ပီ

ပုသိမ်သူအကြောင်းကောင်းကောင်းသိ
ပြောရင်းသတိရသွားပီ

မေဇင် said...

အမှာကိုသိလို့ အမှန်ပြင် အဲ့ဒါ လူတော်တွေရဲ့အလုပ်ပေပဲ...။

ဝသန်မိုး said...

ပေးချင်တဲ့  အရာလေး ရလိုက်ပါတယ်
မှန်တာပေါ့ ဗျာ
လူဆိုတာ ပျက်အစဉ် ပြင်ခဏ ပါပဲ

ဝသန်မိုး

ကလူသစ် said...

ဂျပန်မကို မြန်မာစတိုင်ဖောက်ထားတာလို့ ဆင်ခြေပေးလိုက်ပါလားလို့

မောင်ဖားကြီး said...

အတုယူသင့်တာကို ကျွန်တော်တို့တွေ ယူနေရဦးမှာပါဗျာ

Yu Ya said...

ပုသိမ်သူမေ့သမီးရေ... ကျွန်တော် Phone Bill တွေ Punch ဖောက်ပြီးတွဲတိုင်း ဒီ ပိုစ့်လေးကို သတိရနေပါမယ်ဗျာ...

ya ya

မမသီရိ said...

မမ ရောပဲ အဲသလို ဖောက်ဖူးတာလေ
မမ ကို ဖိုင် တွဲနည်းသင်ပေးတာလဲ ဂျပန်မလေး တယောက်ပဲ..း)..
သူနဲ့ အတူတူ ဖိလစ်ပိုင်အမျိုးသမီး Project Manager ရဲ့ ဖိုင်တွေ တထပ်ကြီး ပြန်ဖောက် ပြန်တွဲ ရတဲ့ ကာလလေး ပြန်လွမ်းမိ ပေါ့ ညီမလေးရေ...

သီဟသစ် said...

မေ့သမီးရေ

အဲလိုလူကောင်းတွေနဲ့ လုပ်ခဲ့ရတာ ကုသိုလ်ကောင်းလိုက်တာ

ခင်မင်စွာဖြင့်
သီဟသစ်