Sunday, January 11, 2009

ကဗျာတစ်ပုဒ်ရဲ့ရာဇ၀င်


စင်္ကာပူရောက်လာခါစက လူကလည်းလူငယ်ဖြစ်၊ သိပ်ပြီးလည်းတက်ကြွနေတဲ့အချိန်ပေါ့။ မြန်မာတွေဘာဖြစ်တယ်၊ ညာဖြစ်တယ်ဆိုပြီး မြန်မာအချင်းချင်းပြောကြတာတွေကိုလည်း ရန်ကုန်မှာတုန်းကကြားခဲ့ရတော့ ကိုယ့်အသိဥာဏ်လက်တောက်လောက်ကလေးနဲ့ ကိုယ်နေရတဲ့အသိုင်းအ၀ိုင်းလေးကို စည်းစည်းရုံးရုံး ဖြစ်အောင်လုပ်မယ်။ ကိုယ်ကိုယ်တိုင်လည်း လိမ်လိမ်မာမာနဲ့ ပြဿနာမရှိအောင်နေမယ်လို့တွေးခဲ့ဘူးတာပါ။ အဲဒီလိုလည်းအတတ်နိုင်ဆုံးကြိုးစားခဲ့ဘူးပါတယ်။ ဒါမှန်သောသစ္စာစကားပါ။ အောင်မြင်တာ၊ မအောင်မြင်တာက တော့နောက်ပိုင်းဖြစ်လာသမျှပေါ့လေ။ သူများကိုတော့ အပြစ်မတင်ချင်ပါဘူး။ ကိုယ်တိုင်ကလည်းခံစားမှုကို ရှေ့တန်းတင်တတ်တဲ့၊ သိပ်ပြီးခံစားလွယ်တဲ့သူဖြစ်နေတာလည်း တော်ရုံပြဿနာကိုခံနိုင်ရည်မရှိခဲ့ဘူး။ ဘာမဆိုကိုယ်ချစ်တဲ့၊ ခင်တဲ့သူဆိုရင်ကိုယ့်ဘက်မှာရှိစေချင်တာမျိုးကအစပေါ့။ ဒီနေရာမှာ ကျွန်မရဲ့ခံယူချက်ကို ပြောပြချင်ပါတယ်။ ကျွန်မကကိုယ်ချစ်တဲ့သူဆိုရင် သူမှန်နေရင်သူ့ကိုထောက်ခံမယ်။ သူမှားသွားရင်လည်း သူ့ရှေ့ကမားမားရပ်ပြီး ပြဿနာကိုဖြေရှင်းမယ်။ သူ့ကိုတော့ ပစ်မသွားဘူးဆိုတာမျိုးပေါ့။ ဒါပေမယ့် ကျွန်မတွေ့ဖူးတဲ့လူတွေကတော့ ကိုယ်မှားသွားရင် နင်ဖြစ်နင်ခံ၊ နင်မလိမ်မာလို့ဆိုတာမျိုးတွေဖြစ်နေတယ်။ ကိုယ်နဲ့ပြဿနာတစ်ခုကိုအတူတွဲရင်ဆိုင်ရလောက်အောင် ကိုယ့်အပေါ်သံယောဇဉ်မရှိတာလည်းဖြစ်ကောင်း ဖြစ်မှာပေါ့။
ခုနကပြောလက်စအကြောင်းကိုဆက်ပြောရရင်အဲဒီလိုနဲ့ကျွန်မစင်္ကာပူရောက်ပြီးမကြာခင်မှာပဲ ရှိနေပြီးသား senior အစ်ကို၊ အစ်မတွေရော၊ အခုမှရောက်လာတဲ့ကျွန်မတို့ Program နှစ်ခုကမောင်နှမတွေအားလုံးနဲ့ပါသိသွားတယ် ဆိုပါတော့။ အဲဒီမူလရှိနေပြီးသားကျောင်းသား၊ ကျောင်းသူတွေထဲမှာပဲ Program ၂ခုရှိပါတယ်။ ကျွန်မနဲ့ Program တစ်ခုတည်းက senior တွေရယ်၊ တခြား Program တစ်ခုကကျောင်းသားတွေရယ်ပါ။ အဲဒီတခြား Program ကမောင်နှမတွေလို့သာပြောရတာပါ။ Management ပိုင်းသင်တာဖြစ်တဲ့အတွက် အတွေ့အကြုံဘယ်နှစ်နှစ်ရှိပြီးသား မှဆိုတဲ့ သတ်မှတ်ချက်တွေနဲ့ဝင်ခွင့်ရတဲ့သူတွေပါ။ လူကြီးတွေပေါ့။ မြန်မာနိုင်ငံက ၂ယောက်ရှိတာမှာ အစ်ကိုတစ်ယောက်နဲ့ တခြားတစ်ယောက်ကကျွန်မနဲ့ဆို ကျွန်မအမေထက်တောင်ကြီးတဲ့ ကြီးဒေါ်အရွယ်ပါ။ ကြီးဒေါ်ပဲထားလိုက်ကြပါစို့။ အဲဒီကြီးဒေါ်တို့နှစ်ယောက်က စင်္ကာပူမှာ ၆လ၊ အမေရိကားမှာ ၆လနေရမှာဆိုတော့ ကျွန်မတို့ရောက်တဲ့အချိန်မှာ ကြီးဒေါ်တို့ရဲ့စင်္ကာပူ၆လတန်းပြီးလို့ အမေရိကားသွားရမယ့်အချိန်ပေါ့။ အဲဒါနဲ့ပဲ ကြီးဒေါ်ကိုနှုတ်ဆက်တဲ့အနေနဲ့ရော၊ ဒီကျောင်းမှာရှိတဲ့မြန်မာကျောင်းသားတွေ Gathering အနေနဲ့ပါ သူ့အိမ်မှာတစ်ခုခုလုပ်စားကြမယ်စီစဉ်ကြတယ်။ သူက မုန့်ဟင်းခါးချက်ကျွေးမယ်။ ကျန်တဲ့သူတွေကတော့ မုန့်တွေ၊ အအေးတွေယူလာကြမယ်ပေါ့။ တိုတို ပြောရရင်သူ့အိမ်ကိုရောက်ပြီး စကားတွေဘာတွေပြောကြရင်းနဲ့ကျွန်မ ပြောလိုက်တဲ့စကားတစ်ခွန်းကို ကြီးဒေါ်က စိတ်ကွက်သွားတယ်။ ကျွန်မဘာစကားမှရိုင်းရိုင်းစိုင်းစိုင်း မပြောလိုက်ဘူးနော်။ ဒါပေမယ့် သူကကျွန်မကို “သမီးစကားပြောတာသိပ်ရိုင်းတာပဲ။ အန်တီကအိမ်ဖော်မဟုတ်ဘူး။ အန်တီကဒါမျိုးအန်တီသားသမီးတွေတောင် လက်ခံတာမဟုတ်ဘူး။ ကိုယ်အငယ်ဆုံး ဆိုပြီး အားလုံးကိုဗိုလ်ကျလို့ ရမယ်လို့တော့သတ်မှတ်မထားနဲ့”တဲ့။ သူပြောတဲ့စကားအတိအကျပါ။ ကျွန်မဘာပြောလိုက်တယ်ဆိုတာကို အဲဒီဝိုင်းမှာကြားလိုက်သူက အစ်ကိုတစ်ယောက်ပါ။ သူကလည်းကျွန်မပြောတာ လွန်တဲ့စကားမဟုတ်မှန်းသိတယ်။ ၀ိုင်းထဲကကျန်တဲ့သူဘယ်သူမှ ကျွန်မပြောတာကိုမကြားလိုက်ဘူး။ သူထပြီး ရှုးရှုးရှားရှားလုပ်မှ အကုန်လုံးက အံ့သြကုန်ကြတာ။ ကျွန်မ မိကောင်းဖခင်သားသမီးပါ။ သူအဲဒီလိုမနေ့တစ်နေ့ကမှ တွေ့ကြတဲ့ သူစိမ်းတွေရှေ့မှာထပြောရလောက်အောင် ကျွန်မမိုက်ရိုင်းသော၊ လွန်ကျူးသော စကားတစ်ခွန်း မှပြောခဲ့တာအမှန်ပါ။ ဒါပေမယ့် ကျွန်မခံလိုက်ရတယ်။ ကျွန်မအဲဒီနေ့က ဘာမုန့်မှတောင်မစားလိုက်ဘဲ အစ်မတစ်ယောက်က သူ့မိဘတွေအိမ်မှာကျန်နေခဲ့လို့ စောစောပြန်မယ်ဆိုတော့ ကျွန်မလည်းပြန်မယ်ဆိုပြီး ထပြန်လာခဲ့တယ်။ ပြန်ခါနီးတောင် ကြီးဒေါ်အပါအ၀င်အားလုံးကို ကောင်းကောင်းမွန်မွန်နှုတ်ဆက်ခဲ့ပါတယ်။ ကျွန်မ ပြန်စဉ်းစားပါတယ်။ ကျွန်မကိုသူဘာမကျေနပ်ဘူးလဲ။ စဉ်းစားလို့မရပါဘူး။ ကျွန်မကသိပ်သွက်နေလို့များ သူ့မျက်စိထဲမှာကြည့်မရလို့ ပဲ ဒီလိုလုပ်လိုက်သလားပေါ့။ ကျွန်မမှားလို့ လူကြီးတစ်ယောက်က ကောင်းကောင်းမွန်မွန်ဆုံးမမယ်ဆိုရင် ကျွန်မဘက်ကကျေကျေနပ်နပ်လက်ခံဖို့အသင့်ပါ။ ဒါပေမယ့် အခုသူအဲဒီလိုလုပ်လိုက်တဲ့လုပ်ရပ်ဟာ ကျွန်မကတော့ ဘယ်တော့မှ၊ဘာအကြောင်းကြောင့်နဲ့မှသူ့ကို လေးစားကြည်ညိုဖွယ်ရာလူကြီးတစ်ယောက်လို့ မြင်လို့ရမှာမဟုတ် တော့ပါဘူး။ တခါတလေကျွန်မဆိုးတဲ့အခါ အစ်ကိုတွေကစကြပါတယ်။ ဟာ ဒီအဘွားကြီးကတော်တော်ရှေ့ရေးကို ကြိုမြင်တတ်တာပဲ။ အငယ်ဆုံးဆိုပြီး အားလုံးကိုဗိုလ်ကျမယ်ဆိုတာသိပ်မှန်တာပဲ ဆိုပြီးတော့စပါတယ်။ ကျွန်မဘာမှမ ပြောဘဲရယ်နေလေ့ရှိပေမယ့် ရင်ထဲမှာတော့အဲဒီအကြောင်းပြောတိုင်း စစ်ခနဲပေါ့။ သူ့အိမ်ကကျွန်မပြန်သွားတဲ့ညက ကျွန်မကဗျာတစ်ပုဒ်ရေးပါတယ်။ အဲဒါဒီနေ့မှစာအုပ်ထုတ်တော့တွေ့လို့ သမိုင်းကြောင်းလေးနဲ့အတူ တင်ပေးလိုက်တာပါ။ ဖတ်ကြည့်ပေးကြပါဦး။

ဧည့်သည်ကို အိမ်ရှင် မစော်ကားရ

အိမ်ရှင်ကို ဧည့်သည်ကစော်ကားသတဲ့
အဖန်ဖန်ကြားနေကျစကား
အခုခေတ်ပြောင်းသွားပြီ။

အိမ်ရှင်ကို ဧည့်သည်ကစော်ကားတော့
အိမ်ထဲကနှင်ထုတ်
မလာအောင်လုပ်လို့ရတယ်။

ဧည့်သည်ကိုအိမ်ရှင်ကစော်ကားတော့
ဘာပြန်လုပ်မလဲ….
(ငါ) ခပ်ကုပ်ကုပ်ပဲပြန်ခဲ့တယ်။ ။
(၈-၈-၂၀၀၈)

မေ့သမီး

8 comments:

ဆောင်းယွန်းလ said...

ဘဝမှာတွေ့တတ်ကြုံတတ်တဲ့သင်ခန်းစာလေးတစ်ခုလို့
ဘဲသဘောထားလိုက်ပေါ့ညီမလေးရေ...
ပြန်ခါနီးကျရင်လည်းပြောဦးနော်...
စလုံးမှာပုသိမ်ကအကို့အမဝမ်းကွဲညီဝမ်းကွဲတွေနဲ့တူမ
ဝမ်းကွဲတွေလည်းရှိတယ်...
တူမဝမ်းကွဲကတော့ကိုမြင့်မိုးအောင်ရဲ့မဟေသီပေါ့...

ခင်မင်လျက်...

Phu Mon said...

ဒါမျိုး ဖူးလဲအများကြီးကြုံဖူးပါတယ် ။သေချာတာတခုက လူတိုင်းမကောင်းဘူး ကိုယ့်လူမျိုးဆိုပြီခင်လို့မရဘူးဆိုတာဘဲ

ကလူသစ် said...

ကိုယ်က ရိုးရိုးတန်းတန်းပြောလိုက်တာဆိုပေမဲ့ သူ့မှာ အခံတခုခုရှိနေလို့ ဖြစ်သွားတာထင်ပါရဲ့။ ဆိုပါတော့ နောက်ပိုင်းအကိုတွေက ဒီအကြောင်းကိုအခြေခံပြီး စကြတော့ စမှန်းသိလို့ ရယ်နေပေမဲ့ ရင်ထဲမှာ မကောင်းသလိုပေါ့။ တကယ်လို့သာ တစိမ်းတယောက်ယောက်က ဘာမှမသိပဲ ပြောလိုက်၊ စလိုက်တဲ့အခါမျိုးမှာ ကိုယ်လဲ ရင်ထဲမှာ အခံရှိနေတော့ တခုခုရှုးရှုးရှားရှား ဖြစ်ချင်ဖြစ်သွားမိမှာပေါ့။ ဒါတွေက ဖြစ်တတ်ပါတယ်။ စိတ်ထဲမထားပါနဲ့လို့ အကြံပေးပရစေဗျား။

မေ့သမီး said...

အားပေးတဲ့၊ အကြံပေးတဲ့အစ်ကိုတွေ အစ်မတွေအားလုံးကို ကျေးဇူးတင်ပါတယ်။ ပျော်ရွှင်ကြပါစေ။ ပို့စ်ထဲမှာမဖော်ပြလိုက်တဲ့ ညီမဘာပြောတယ်ဆိုတဲ့အကြောင်းကို ဒီမှာပြောလိုက်ပါ့မယ်။ ညီမမေးခွန်းတစ်ခုမေးလိုက်တာပါ။ သူချက်ထားတဲ့ဟင်းတစ်မျိုးကို “အန်တီဒါ Microwave နဲ့ချက်တာမဟုတ်လား”လို့မေးလိုက်တာပါ။

ကလူသစ် said...

microwave ကိုမသိတာတော့ မဖြစ်နိုင်လောက်ပါဘူး။ နားကြားလွဲပြီး တခြားတခုခုထင်သွားတာနေမယ်။

Anonymous said...

သေချာတော့မသိဘူး။ အစ်ကိုတွေကတော့ပြောတယ်။ နင်ကသူ့ကိုမေးတာရိုးရိုးမေးတာဆိုပေမယ့် သူ့ကို ငပျင်းမကြီးလို့ပြောလိုက်သလိုဖြစ်သွားတာဖြစ်မယ်တဲ့။ ဂက်စ်ရှိရဲ့သားနဲ့ microwave နဲ့ချက်တယ်ဆိုပြီး။ အမှန်က အဲဒီတုန်းကညီမတို့နေတဲ့နေရာမှာ ဂက်စ်မရဘူး။ သူနေတဲ့နေရာမှာရတယ်။ ညီမကမသိဘူး။ ညီမတို့လိုပဲ ဘာချက်ချက် microwave နဲ့ချက်နေရတယ်ထင်လို့ မေးလိုက်တာ။ အဲဒီမှာထပေါက်ကွဲတာပဲ။ အဲလောက်ကြီးဖြစ်ဖို့မသင့် ဘူးလို့တော့ ထင်တာပဲလေ။ ရန်သူတွေမှမဟုတ်တာ။

ATN said...

အင်း... တချို့ကလည်း ဆတ်ဆတ်ထိမခံ ရွှေပန်းကန်တွေ... စကားကို အထအန အရမ်းကောက်တတ်ကြတဲ့ လူမျိုးတွေ ရှိတယ်လေ... နည်းနည်းလေးနဲ့ ကဲတယ် ပြောရမလားပဲ...

ရွှေပြည်သူ (ShwePyiThu) said...

“ဧည့်သည်ကိုအိမ်ရှင်ကစော်ကားတော့
ဘာပြန်လုပ်မလဲ….
(ငါ) ခပ်ကုပ်ကုပ်ပဲပြန်ခဲ့တယ်”

စာသားလေးက ကောင်းတယ် ညီမလေးရေ... ခံစားချက်တွေကို ကဗျာထဲဖောက်ထုတ်ပစ်တာ အကောင်းဆုံးနည်းတွေထဲက တစ်ခုပါ။ လူအမျိုးမျိုး စိတ်အထွေထွေဆိုတော့ (ကိုယ်လည်း မှန်နေတာကြောင့်) သူ့များအတွက် စိတ်ထဲမှာ အနာတရအဖြစ်မခံပါနဲ့ ညီမလေးရယ်။ စိတ်ချမ်းသာ ပျော်ရွှင်ပါစေ...