Monday, July 6, 2009

မေ့သမီးပြန်လာပြီ



ရှင်ကြီးဝမ်းထဲလည်းဝင်ခဲ့ပြီးပြီ။ ရှင်ငယ်ဝမ်းထဲကလည်းထွက်ခဲ့ပြီးပြီလို့ ပြောရလောက်အောင်မေ့သမီးအတွေ့အကြုံမစုံသေးပါ။ လေ့လာစရာတွေ၊ သင်ယူစရာတွေ အများကြီးကျန်သေးတဲ့ ဒီလောကကြီးမှာ ကျွန်မအသက်ရှည်ရှည်နေချင်ပါသေးသည်။ သူများတွေလို ကျွန်မအသက်သာပြန်ငယ်ခွင့်ရလျှင်ဆိုတဲ့ အတွေးမျိုးတွေးစရာမလိုသေး၊ ရောက်နေတဲ့အသက်မှာကျွန်မလုပ်နိုင်တာတွေရှိတယ်။ လုပ်လက်စတွေရှိတယ်။ လုပ်ရဦးမှာတွေလည်း အများကြီးရှိတယ်။ ဒါကျွန်မရဲ့အတွေးပေါ့လေ။ ဒါပေမယ့် အဲဒါတွေအားလုံးကိုစွန့်လွှတ်ပြီး အချိန်မရွေးဒီလောကကြီးထဲကနေ ကျွန်မဆိုတဲ့သာမာန်အမှိုက်လေးတစပျောက်သွားဖို့ စက္ကန့်ပိုင်းပဲကြာနိုင်တယ်၊ အဲဒီစက္ကန့်ပိုင်းကလည်းအချိန်မရွေးရောက်လာနိုင်တယ်ဆိုတဲ့အတွေးကို နက်နက်နဲနဲတွေးမိတာဘာမှမကြာသေးပါ။

ကျွန်မအဖေတို့လူကြီးတွေကခဏခဏပြောဖူးပါတယ်။ လူတော်တော်များများလည်းကြားဖူးကြမှာပါ။ “မသာတခေါက် ကျောင်းဆယ်ခေါက်”တဲ့။ ကျောင်းကိုဆယ်ခေါက်ဥပုသ်သွားစောင့်ပြီး ကုသိုလ်ယူတာဟာ အသုဘရှုတခါသွားရင်ရတဲ့ကုသိုလ်နဲ့ညီမျှပါသတဲ့။ ကျောင်းမှာဥပုသ်စောင့်လို့ ကုသိုလ်ရပေမယ့်၊ အသုဘလိုနာရေးမှာမှ ကိုယ်လည်းတနေ့ ဒီလမ်းကိုမလွဲမသေသွားရမှာပါပဲ၊ အရာအားလုံးဟာ အနိစ္စအမြဲမရှိတဲ့ အနတ္တသဘောတရားတွေလို့နှလုံးသွင်းဖြစ်မှာမို့လို့ပါတဲ့။ ကျွန်မကိုယ်တိုင်လည်း သူငယ်ချင်းရဲ့ အဖေ၊ အဘိုး၊ အဘွား နောက်ပြီး ကျွန်မကိုယ်တိုင်ရဲ့အဘိုးနဲ့အဘွားအသုဘကို လိုက်ပို့ခဲ့ပါတယ်။ တချို့အသုဘတွေမှာ ကြောက်စိတ်နဲ့အတူ ကိုယ်လည်းတနေ့ ဒီလမ်းကိုသွားရမှာပါလားဆိုတဲ့ အတွေးမျိုးကိုတွေးမိပေမယ့် ဘယ်တော့မှအခေါင်းထဲရောက်နေတဲ့သေဆုံးသူနေရာမှာတော့ ကိုယ့်ကိုယ်ကိုမတွေးမိခဲ့ဘူး။ အဲဒီတုန်းက တွေးမိခဲ့တဲ့အတွေးတွေဟာ သာမာန်အပေါ်ယံသက်သက်တွေးခဲ့တဲ့ အကာသက်သက်အတွေးမျိုးသာဖြစ်နေခဲ့တယ်။

တကယ်တမ်းကိုယ်တိုင်ဘီးတပ်လူနာခုတင်ပေါ်ရောက်ပြီး နာစ့်တွေ၊ ဆရာဝန်တွေကနောက်ကတွန်းလို့ Emergency လို့အော်ပြီး အပြေးအလွှားသွားကြတဲ့အခါ၊ ကိုယ်ကိုယ်တိုင်လည်းနာကျင်တဲ့ဝေဒနာကိုပြင်းပြင်းထန်ထန်ခံစားနေရတဲ့အခါ၊ ဆရာဝန်ကကိုယ့်နာမည်ကိုခေါ်ပြီး မအိပ်ဖို့တားမြစ်နေတဲ့အခါမှာ ငါအခုချိန်မှာ သေသွားရင်ဆိုတဲ့ အကြောက်တရားကလူကိုတနင့်နင့်ပြည့်နှက်လာပါတယ်။ တချိန်တည်းမှာပဲ ရင်ခုန်ခဲ့ဘူးတဲ့အရာတွေဟာ ကြက်ပျောက်ငှက်ပျောက်။ သိခဲ့ဖူးတဲ့အရာတွေဟာ မှုန်ဝါးဝါး။ မာစတာတွေ ပီအိတ်ဂ်ျဒီတွေလည်းအရေးမပါတော့။ အဲဒီအချိန်မှာအားလုံးကိုစွန့်လွှတ်လိုက်ဖို့၊ မတွေးမိဖို့၊ မတွယ်တာမိဖို့ အာရုံမှာထားနေမိပါတယ်။ တချိန်တည်းမှာ အကြောက်ဆုံးကတော့ ကျွန်မချစ်တဲ့အမေ၊ အဖေနဲ့ အကိုကြီးကိုနောက်တကြိမ်ပြန်မတွေ့ရမှာ စိုးရိမ်စိတ်ပါ။ ပြီးတော့ သူတို့သာကျွန်မဒီနေရာမှာဒီလိုဖြစ်သွားရင် ဘယ်လောက်ပူဆွေးကြမလဲဆိုတာလည်းတွေးမိပါတယ်။ သူတို့ကိုကျွန်မအတွက်မလွမ်းမဆွေးဘဲ တရားနဲ့ဖြေနိုင်စေချင် တာပါ။ ဒါပေမယ့် အဲလိုဖြစ်နိုင်ဖို့ခဲယဉ်းသားလား။ ဆရာဝန်က ကျွန်မနာမည်ကိုတတွတ်တွတ်ခေါ်လိုက်၊ လျှာထုတ်ပါဦးပြောလိုက် လုပ်နေတဲ့ကြားက ကျွန်မလုံးဝ အိပ်ပျော်လိုက်ရင်ဘယ်လိုနေမလဲ။ နောက်တကြိမ်ပြန်နိုးလာပါ့မလားလည်းကြောက်တယ်။ ကျွန်မသာထာဝရအိပ်ပျော်သွားတဲ့အခါ ကျွန်မစိတ်ဝိညာဉ်ဟာ မြန်မာပြည် ပြန်သွားလို့ရရင်သိပ်ကောင်းမှာပဲ။ ကျွန်မလူပြန်ဖြစ်ခွင့်ရှိရင် ဒီအဖေ၊ ဒီအမေဆီမှာပဲ လူပြန်ဖြစ်ချင်မိတယ်။ အဲလိုမဖြစ်နိုင်ရင်တောင်မှ မြန်မာပြည်သား ဗုဒ္ဓဘာသာစစ်စစ်တယောက်ပြန်ဖြစ်ချင်မိတယ်။

ဘာပဲဖြစ်ဖြစ်လေ ကျွန်မအမြတ်ရလိုက်တာတခုတော့ရှိပါတယ်။ အရင်တုန်းက သာမာန်ဖြတ်သွားဖြတ်လာ သဘောထားခဲ့တဲ့ အို၊ နာ၊ သေဆင်းရဲကို ကိုယ်တိုင်ပက်ပင်းကြုံလိုက်ရတဲ့အခါမှပိုပြီး နက်နက်နဲနဲနှလုံးသွင်းမိပါတယ်။ နိဗာန်ဆိုတာကိုအရင်က မအို၊ မနာ၊ မသေ၊ ရုပ်လည်းမရှိ၊ နာမ်လည်းမရှိဆိုတော့ ဘာကောင်းလဲလို့တွေးမိတဲ့အခါတွေရှိပါတယ်။ ဘုရားရှိခိုးတိုင်းနိဗာန်ကိုမျက်မှောက်ပြုရပါလို၏လို့ ဆုတောင်းခဲ့ပေမယ့် နိဗာန်ဆိုတာကိုနက်နက်နဲနဲမတွေးခဲ့မိ။ အခုလိုအချိန်မရွေးအရာအားလုံးကို လက်လွှတ်ရနိုင်တယ်ဆိုတဲ့ အနေအထားမျိုးကိုရောက်လာမှ၊ နာခြင်းဆင်းရဲကို အကြီးအကျယ်ခံစားရခါမှ၊ အိုနာသေကင်းတဲ့နိဗာန်ဆိုတာ ဘယ်လောက်များအေးချမ်းလိုက်မလဲလို့ခပ်ရေးရေးပုံဖော်ကြည့်မိပါတယ်။ နိဗာန်ဆိုတာ ဘယ်လိုမျိုးလဲ ဒီထက်ပိုသိဖို့။ နတ်ပြည်ရောက်ရုံလောက်ကုသိုလ်ကောင်းမှု၊ ငရဲမသွားရအောင်ရှောင်တဲ့ကောင်းမှုမျိုးနဲ့တော့ နိဗာန်မရောက်နိုင်သေးဘူးထင်ပါတယ်။ အိုလိုက်၊ နာလိုက်၊ သေလိုက်၊ ကံကောင်းရင် လူ့ဘ၀ပြန်ဖြစ်လိုက်၊ ကံမကောင်းရင် တိရစ္ဆာန်ဘ၀လိုတခြားဘုံဘ၀မျိုးမှာ ကျင်လည်ရဦးမယ်။ အထပ်ထပ်လည်နေမယ့် ဒီသံသရာထဲမှာထပ်လည်ဖို့ နည်းနည်းကြောက်သွားတာကတော့ ကျွန်မအတွက်အမြတ်ပါပဲ။ တကယ်တော့ကျွန်မခံစားရတဲ့ ဝေဒနာဟာ တချို့တချို့သောသူများအတွက်ဆိုရင် ပါးပါးလေးလို့ပြောရင်ပြောရမှာပါ။ ဘာပဲဖြစ်ဖြစ် ကျွန်မနည်းနည်းနာပြီး သေခြင်းနဲ့နည်းနည်းနီးခဲ့တယ်ပေါ့။ အခုဆိုရင် ကျွန်မလောလောဆယ်တော့ မသေနိုင်တော့ပါဘူး။ ဒီဝေဒနာနဲ့ပြောတာပါ။ ဒါပေမယ့်လူဆိုတာ ကွေးသောလက်မဆန့်ခင်၊ ဆန့်သောလက်မကွေးခင် ဘ၀ကူးသွားနိုင်တာပဲဆိုတော့ အချိန်မရွေးကိုယ့်ဆီကအရာတွေကိုစွန့်လွှတ်နိုင်ဖို့၊ သူများကိုများများပေးဖို့၊ ကျွန်မ အို၊နာ၊သေကင်းတဲ့တရားကိုရှာဖို့ ရသလောက်အချိန်လေးမှာ လုပ်ကြည့်ရပါဦးမယ်။ လူ့လောကမှာကျင်လည်နေသေးတယ်ဆိုတော့ လောကီအလုပ်တွေကလည်း လုပ်နေရဦးမှာပေါ့။

ဘာပဲဖြစ်ဖြစ် ကျွန်မပြန်လာပါပြီ။ လက်ခုပ်မတီးရင်တောင် ပြုံးပြီးတော့ ကြိုဆိုကြပါဦးနော်။

14 comments:

စီဂျီ-၅၆ said...

ညီမ၊

အကို့ ညီမ အမြန်ဆုံး ကျန်းမာပါ‌စေလို့ ၊
မိသားစုနဲ့ အတူ ‌ပျော်ရွင်နိုင်ပါ‌စေလို့  ဆု‌တောင်းလိုက်ပါတယ်။
ငယ်ငယ်‌လေးနဲ့  တရားရတယ့်အတွက်‌တော့
သာဓု၊ သာဓု၊ သာဓုပါခင်ဗျာ။

အကို
စီဂျီ-၅၆

rose of sharon said...

ကျန်းမာချမ်းသာပါစေ...

:P said...

ဆေးရုံက ဆင်းခဲ့ပြီပေါ့....။
လက်ခုတ်တီးပြီး ပြုံးကြိုဆိုပါတယ် ညီမရေ....။

ဆရာဝန်က မအိပ်ဖို့ပြောနေတာညီမကိုမဟုတ်ပါဘူးနော်..။အရင် ဆေးရုံဆိုတဲ့ တစ်ပုဒ်တုံးက ဖတ်ထားပြီးတော်တော်နဲ့ပေါ်မလာလို့ စောင့်နေတာ...။

kaungkinpyar said...

နေကောင်းပါစေ၊ ပြုံးပီးလာကြိုပါတယ်၊ ကျန်းမာရေးဂရုစိုက်ပါ

ကျောပိုးအိတ် said...

မြန်မြန်နေကောင်းပါစေနော်။

ဟုတ်တယ်။ ကျွန်မလဲ ဆေးရုံတတ်တုန်းက ဆုတောင်းဘူးတယ်။

သူများနိုင်ငံမှာ မသေပါရစေနဲ့ လို့ ။ လူမသိ သူမသိ သေသွားမှာ အရမ်းကြောက်ပါတယ်။

ဘာဘဲပြောပြော အမြန်ဆုံးကျန်းမာပါစေ။

ခင်တဲ့
ကျောပိုးအိတ်

သီဟသစ် said...

Return of မေ့သမီး

လက်ခုပ်လည်းတီး
ပြုံးပြီးကြိုဆို သွားပါတယ်ကွယ်

ကျန်းမာရွှင်လန်းပါစေ

ခင်မင်စွာဖြင့်
သီဟသစ်

ကိုလူထွေး said...

ပြန်လာပြီဆိုလို့ ဝမ်းသာပါတယ်...

ပြုံးပြုံးကြီးလဲ နေတယ်
လက်ခုပ်လဲတီးတယ်
အိုးစည်လဲတီးတယ်
ခရုသင်းလဲမှုတ်တယ်
ဥသြလဲဆွဲတယ်
ဗုံလဲတီးတယ်
နတ်ကနားလဲပေးတယ်
(အဲ..နောက်ဆုံးဟာတော့မပါဘူး)

းဝ)

ဂျူနို said...

ဆေးရုံကဆင်းပြီလား ညီမ
ကျန်းမာရေးတော့ ဂရုစိုက်ပါကွယ်...

မေငြိမ်း said...

အမြန်ဆုံး ပြန်နာလန်ထူ ကျန်းမာပါစေ...။ ဂရုစိုက်နော်.. :)

မေ့သား said...

တရားရသွားတာ ကောင်းပါတယ်။ ဒါပေမယ့် အစိုးရိမ် လွန်နေသလားလို့။ ကြုံတွေ့ခဲ့ရတဲ့ အပေါ်မှာ ကျေးဇူး တင်စရာတွေလည်း ရှိပါသေးတယ်။ ကမ္ဘာ့ အဆင့်မှီ ဆေးရုံမှာ စရိတ် နည်းနည်းနဲ့ ကုသခွင့် ရတာမျိုး။ ကိုယ့်လို ကံမကောင်းတဲ့ မြန်မာပြည်သူ အများစု အတွက် သတိရ နားလည် ပေးတာမျိုးတွေပေါ့။ တွေးမယ် ဆိုရင်တော့ အများကြီး ရှိဦးမှာပါ။ မေ့သမီး သတ္တိ ရှိရှိနဲ့ ဆက်ပြီး ရင်ဆိုင်နိုင်ပါစေ။

ဆောင်းယွန်းလ said...

လှိုက်လှဲစွာကြိုဆိုတာပေါ့ညီမလေးရေ

ourstream said...

ကြိုဆိုပါတယ်ညီမလေး....။

Talkii said...

အရင်ကထက် ပိုရေးနိုင်ပါစေ

မမသီရိ said...

မေ့သမီးလေး.
မမ နောက်ကျ မှ သတင်းလာမေး ရတာ
ခွင့်လွှတ်နော်

အလုပ်တွေ ကရှုပ်.. စိတ်တွေ က ရှုပ်နဲ့
ညီမလေး ဆီ မမ မရောက်နိုင်ခဲ့

ကျန်းမာရေး ဂရုစိုက်ပါ ညီမရေ