အိမ်ကလေး

အခုတလော အိပ်မက်တွေထဲမှာ ဟိုးနှစ်ပေါင်းများစွာကအိမ်ကလေးတလုံးကို ပြန်မက်နေမိတယ်။ နိုးလာတိုင်းမှာတော့ မျက်ရည်တွေဝိုင်းလို့။ ဖေဖေရယ်၊ မေမေရယ်၊ ကိုကြီးရယ်၊ ညီမလေးရယ်၊ အဘရယ်၊ သစ်သားအိမ်လေးရယ် နွေးထွေးလုံခြုံတဲ့ပါတ်ဝန်းကျင်လေးတခုရယ်။ အခုတော့ဒါတွေကအဝေးမှာ။ နောက်တချိန်မှာ ဒီလိုဘ၀လေးကိုပြန်တည်ဆောက်ကြတဲ့အခါ အိမ်ကလေးနဲ့အဘကတော့ ပါလာမှာမဟုတ်တော့။ အိမ်ကလေးကို ဆုံးရှုံးရတာ၊ အဘကိုဆုံးရှုံးလိုက်ရတာ အခုအချိန်အထိသွေးမတိတ်သေးတဲ့ ဒဏ်ရာတွေပေါ့။ ဘယ်တော့မှလည်း ပျောက်ပျက်သွားမယ်မထင်တော့။

အိမ်အသစ်တွေပြောင်းသွားတယ်။ ပါတ်ဝန်းကျင်တွေပြောင်းသွားတယ်။ မိသားစုနဲ့ဝေးခဲ့တယ်။ ဒါပေမယ့်အခုအချိန် အထိ အိပ်မက်မက်ရင် ဟိုးတုန်းကအိမ်လေးမှာကိုယ်ရှိနေတုန်းပဲ။ ဟိုးတုန်းကပျော်ခဲ့ဖူးတဲ့ကလေးမလေးတယောက် အဲဒီအိမ်လေးမှာရှိနေတုန်းပဲ။ ကိုယ်ပြန်သွားတဲ့အခါအိမ်လေးကအရင်ပုံစံမဟုတ်တော့။ အဖေကိုယ်တိုင် တည်ဆောက်ခဲ့တဲ့အိမ်လေးက အကောင်အထည်မရှိတော့။ အဲဒီအိမ်လေးက ကိုယ့်ရင်ထဲမှာပဲ ကျန်နေခဲ့တာ။ ခြံထဲမှာကိုယ်နှစ်သက်ခဲ့တဲ့ နာနတ်ပင်တွေ၊ ကီလိုမာလကာပင်တွေ၊ စံပယ်ပင်တွေ၊ သင်္ဘောပင်တွေ ဘာမှမရှိတော့။ လူအသစ်တွေပြောင်းတော့ ခြံဝင်းလေးလည်းပြောင်းပြီပေါ့။ မပြောင်းလဲနိုင်တာက ကိုယ်ပဲလေ။ ဆယ်စုနှစ်တခုနီးပါးစွန်းလာပေမယ့် အိမ်လိပ်စာတောင်းတဲ့သူတွေကို အလွတ်ရနေတဲ့လိပ်စာတခုကို အယောင်ယောင်အမှားမှားပြောထွက်မိနေဆဲ။ လိပ်စာအသစ်ပေးလိုက်ဖို့ ဘာလို့တွန့်ဆုတ်နေရတာပါလဲ။ ကိုယ့်အတွက်တော့ လိပ်စာအသစ်ပေးလိုက်ရင် ကိုယ့်ရင်ထဲကအိမ်လေးကို ကိုယ်သစ္စာဖောက်သလိုဖြစ်သွားမှာ ကြောက်မိလို့ပါ။ အိမ်လေးကိုကိုယ်လွမ်းနေတုန်းပဲဆိုတာ သိစေချင်လို့ပါ။

အဲဒီအိမ်ကလေးမှာ သီတင်းကျွတ်ဆို အကိုနဲ့မီးပန်းနဲ့ဖောက်ရာက နောက်ပြန်ချော်ကျဘူးတယ်။ စိတ်တိုတတ်တဲ့ အဘကိုခဏခဏနောက်ပြီး ထွက်ပြေးဖူးတယ်။ စနေ၊ တနင်္ဂနွေမှာ ခရီးထွက်သွားရာကကားပျက်လို့နောက်ကျတဲ့ မေမေနဲ့ဖေဖေကိုမနက် ၄နာရီ လောက်မအိပ်နိုင်ဘဲ ငုတ်တုတ်မျှော်ခဲ့ရဘူးတယ်။ တော်တော်နားဝင်မချိုတဲ့စက်သံနဲ့ ဖေဖေ့ဘီ၆၀၀ကားလေးပြင်တဲ့ အချိန်ဆို အိမ်လေးထဲမှာ ဆူညံနေခဲ့ဖူးတယ်။ အလံတ၀က်ချလိုက်၊ အကုန်ထူလိုက်နဲ့ အရေးပါတဲ့နေ့တွေကို ဖြတ်သန်းခဲ့ဘူးတယ်။ မွေးထားတဲ့ကြက်တူရွေးလေးနဲ့ ကြောင်လေးဆုံးသွားလို့ ၀မ်းနည်းခဲ့ဘူးတယ်။ အမှတ်တမဲ့အရာများစွာကို အမှတ်မထင်ဘဲ ကျော်ဖြတ်ခဲ့ဘူးပါတယ်။ ဒါပေမယ့် အချိန်ကာလ တခုအကြာမှာတော့ ဒါတွေအားလုံးဟာရင်ထဲမှာသံမှိုစွဲသလိုထင်နှက်နေမယ်လို့ မသိခဲ့ဘူးလေ။ ပြန်မရနိုင်တဲ့ဟာကို တမ်းတမိလို့ ကိုယ်လူမိုက်ဆိုရင်လည်း ထားလိုက်ပါတော့။ အခုအချိန်မှာ ဖေဖေရယ်၊ မေမေရယ်၊ ကိုကြီးရယ်၊ အဘရယ်၊ အိမ်ကလေးရယ်နဲ့ တရက်လောက် ပြန်ဆုံခွင့်ရရင် ကိုယ်ဒီလောကထဲကစောထွက်သွားရရင်တောင် ၀မ်းနည်းမှာမဟုတ်တော့။ အခုတော့ ဘာပဲပြောပြောမျက်ရည်ဝဲအောင်ပဲလွမ်းတယ်။

လမ်းဆုံ

ဘ၀မှာပြုံးလိုက်ရယ်လိုက်မဲ့လိုက်နဲ့ အသက်သာ ၂၄ကျော်သွားခဲ့တယ်။ အိပ်မက်တွေတလှေကြီးထမ်းလာခဲ့ပြီးမှ ရှေ့ဆက်မရအောင် ခါးလည်ကရိုက်ချိုးခံလိုက်ရသလိုမျိုး။ သယ်ဆောင်လာခဲ့တဲ့အိပ်မက်တွေစိတ်ကူးတွေကို ပစ်ချပြီး နောက်ပြန်လှည့်၊ အမေ့အိမ်ပြန်ပြီး ကျန်နေတဲ့သက်တမ်းကို အမေနဲ့အေးအတူပူအမျှဖြတ်သန်းရမလား။ အချိန်ရှိနေ သရွေ့မျှော်လင့်ချက်ရှိနေပါတယ်ဆိုပြီး နောက်ပြန်မဆုတ်စတမ်း ဇွဲခတ်ပြီးဆက်ရုန်းကန်ရမလား။ ဘာပဲဖြစ်ဖြစ် ကျန်ရှိနေတဲ့ဘ၀သက်တမ်းတလျှောက်မှာတော့ ကိုယ်ဟာအရင်တုန်းကလို သာမာန်လူတယောက်မဟုတ်တော့ပြီ။ ကိုယ်ခန္ဓာထဲက ကလီစာတခုကိုငုံ့ကြည့်၊ ပိုဆိုးမလာဖို့အရေး အစားပေါင်းစုံရှောင်၊ ဆေးတွေနေ့တိုင်းလက်တခုပ် ကြီးသောက်ပြီး နေသွားရတော့မှာ။ သူများတွေလိုကိုယ်အင်္ဂါတခုခုချို့ယွင်းသွားတာမှမဟုတ်တာလို့ ဖြေသိမ့်ရင်ရ သေးပေမယ့် ခြေထောက်ပြတ်၊ လက်ပြတ်သွားရင် ဒီအစားအသောက်တွေရှောင်စရာမလိုဘူးလေ။ ဘေးပတ်ဝန်းကျင် ကလူတွေအားပေးသလို ဒီနိုင်ငံမှာပိုက်ဆံတွေအများကြီးကုန်စရာမလိုဘဲ ဆရာကောင်း၊ သမားကောင်းတွေနဲ့ ကုခွင့်ရတာကံကောင်းပါတယ်တဲ့။ ဟားတိုက်ပြီးပဲရယ်ပစ်လိုက်ချင်တယ်။ ဘာကိုကံကောင်းတာပါလိမ့်။ ကျောင်းက ကျန်းမာရေးအာမခံလုပ်ပေးထားလို့ ဆေးကုစရိတ် ၉၀ရာနှုန်းကင်းလွတ်ခွင့်ရနေတာလား။ ဆေးရုံသွားပြတိုင်း တခါသွား ၁၆ကျပ်ပဲပေးရတာကို ကံကောင်းတယ်လို့ပြောတာလား။ ဒါဆို ကိုယ်ဖြစ်တဲ့ရောဂါမျိုးသူတို့မဖြစ်ကြ တော့ သူတို့ကံဆိုးရှာတာပေါ့နော်။ သူငယ်ချင်းတယောက်ကတော့ result တွေသိရပြီးညနေပိုင်းဖုန်းဆက်တော့ ရယ်မော ရှင်းပြနေတဲ့ကိုယ့်ကို စိတ်ဓါတ်မကျဖို့အားပေးလိုက်သေးတယ်။ နင်မို့လို့တဲ့ ငါဆိုအခုလောက်ဆို အော်ငိုနေပြီတဲ့။ အော် အော်ငိုနေလို့ရော ငါကလူကောင်းပကတိပြန်ဖြစ်လာမှာလား။ နောက်ဘယ်တော့ကြာရင် ဆေးရမယ်မှန်း၊ လဲရမယ်မှန်းမသိတဲ့ ကျောက်ကပ်ကြီးကအမေမွေးတုန်းကအတိုင်း အသစ်လိုပြန်ကောင်းမှာလား။ အဲလိုပြန်ကောင်းမယ်ဆိုလို့ကတော့ ငါနေ့စဉ်ရက်ဆက်အော်ငိုနေလိုက်မှာပေါ့ သူငယ်ချင်းရေ။ အခုတော့ ကိုယ့်မှာစဉ်းစားစရာတွေ ရှိလာပြီ။ နောက်ပြန်ဆုတ်မလား။ ရှေ့ဆက်သွားမလား။ တခါတလေကျတော့လည်း ရွေးချယ်ခွင့်ကကိုယ်တိုင်ဆီမှာ မရှိပြန်။ ကိုယ်ကသာအရွေးချယ်ခံဖြစ်လို့နေတတ်သေးတာ။

မေ့သမီးပြန်လာပြီ

ရှင်ကြီးဝမ်းထဲလည်းဝင်ခဲ့ပြီးပြီ။ ရှင်ငယ်ဝမ်းထဲကလည်းထွက်ခဲ့ပြီးပြီလို့ ပြောရလောက်အောင်မေ့သမီးအတွေ့အကြုံမစုံသေးပါ။ လေ့လာစရာတွေ၊ သင်ယူစရာတွေ အများကြီးကျန်သေးတဲ့ ဒီလောကကြီးမှာ ကျွန်မအသက်ရှည်ရှည်နေချင်ပါသေးသည်။ သူများတွေလို ကျွန်မအသက်သာပြန်ငယ်ခွင့်ရလျှင်ဆိုတဲ့ အတွေးမျိုးတွေးစရာမလိုသေး၊ ရောက်နေတဲ့အသက်မှာကျွန်မလုပ်နိုင်တာတွေရှိတယ်။ လုပ်လက်စတွေရှိတယ်။ လုပ်ရဦးမှာတွေလည်း အများကြီးရှိတယ်။ ဒါကျွန်မရဲ့အတွေးပေါ့လေ။ ဒါပေမယ့် အဲဒါတွေအားလုံးကိုစွန့်လွှတ်ပြီး အချိန်မရွေးဒီလောကကြီးထဲကနေ ကျွန်မဆိုတဲ့သာမာန်အမှိုက်လေးတစပျောက်သွားဖို့ စက္ကန့်ပိုင်းပဲကြာနိုင်တယ်၊ အဲဒီစက္ကန့်ပိုင်းကလည်းအချိန်မရွေးရောက်လာနိုင်တယ်ဆိုတဲ့အတွေးကို နက်နက်နဲနဲတွေးမိတာဘာမှမကြာသေးပါ။

ကျွန်မအဖေတို့လူကြီးတွေကခဏခဏပြောဖူးပါတယ်။ လူတော်တော်များများလည်းကြားဖူးကြမှာပါ။ “မသာတခေါက် ကျောင်းဆယ်ခေါက်”တဲ့။ ကျောင်းကိုဆယ်ခေါက်ဥပုသ်သွားစောင့်ပြီး ကုသိုလ်ယူတာဟာ အသုဘရှုတခါသွားရင်ရတဲ့ကုသိုလ်နဲ့ညီမျှပါသတဲ့။ ကျောင်းမှာဥပုသ်စောင့်လို့ ကုသိုလ်ရပေမယ့်၊ အသုဘလိုနာရေးမှာမှ ကိုယ်လည်းတနေ့ ဒီလမ်းကိုမလွဲမသေသွားရမှာပါပဲ၊ အရာအားလုံးဟာ အနိစ္စအမြဲမရှိတဲ့ အနတ္တသဘောတရားတွေလို့နှလုံးသွင်းဖြစ်မှာမို့လို့ပါတဲ့။ ကျွန်မကိုယ်တိုင်လည်း သူငယ်ချင်းရဲ့ အဖေ၊ အဘိုး၊ အဘွား နောက်ပြီး ကျွန်မကိုယ်တိုင်ရဲ့အဘိုးနဲ့အဘွားအသုဘကို လိုက်ပို့ခဲ့ပါတယ်။ တချို့အသုဘတွေမှာ ကြောက်စိတ်နဲ့အတူ ကိုယ်လည်းတနေ့ ဒီလမ်းကိုသွားရမှာပါလားဆိုတဲ့ အတွေးမျိုးကိုတွေးမိပေမယ့် ဘယ်တော့မှအခေါင်းထဲရောက်နေတဲ့သေဆုံးသူနေရာမှာတော့ ကိုယ့်ကိုယ်ကိုမတွေးမိခဲ့ဘူး။ အဲဒီတုန်းက တွေးမိခဲ့တဲ့အတွေးတွေဟာ သာမာန်အပေါ်ယံသက်သက်တွေးခဲ့တဲ့ အကာသက်သက်အတွေးမျိုးသာဖြစ်နေခဲ့တယ်။

တကယ်တမ်းကိုယ်တိုင်ဘီးတပ်လူနာခုတင်ပေါ်ရောက်ပြီး နာစ့်တွေ၊ ဆရာဝန်တွေကနောက်ကတွန်းလို့ Emergency လို့အော်ပြီး အပြေးအလွှားသွားကြတဲ့အခါ၊ ကိုယ်ကိုယ်တိုင်လည်းနာကျင်တဲ့ဝေဒနာကိုပြင်းပြင်းထန်ထန်ခံစားနေရတဲ့အခါ၊ ဆရာဝန်ကကိုယ့်နာမည်ကိုခေါ်ပြီး မအိပ်ဖို့တားမြစ်နေတဲ့အခါမှာ ငါအခုချိန်မှာ သေသွားရင်ဆိုတဲ့ အကြောက်တရားကလူကိုတနင့်နင့်ပြည့်နှက်လာပါတယ်။ တချိန်တည်းမှာပဲ ရင်ခုန်ခဲ့ဘူးတဲ့အရာတွေဟာ ကြက်ပျောက်ငှက်ပျောက်။ သိခဲ့ဖူးတဲ့အရာတွေဟာ မှုန်ဝါးဝါး။ မာစတာတွေ ပီအိတ်ဂ်ျဒီတွေလည်းအရေးမပါတော့။ အဲဒီအချိန်မှာအားလုံးကိုစွန့်လွှတ်လိုက်ဖို့၊ မတွေးမိဖို့၊ မတွယ်တာမိဖို့ အာရုံမှာထားနေမိပါတယ်။ တချိန်တည်းမှာ အကြောက်ဆုံးကတော့ ကျွန်မချစ်တဲ့အမေ၊ အဖေနဲ့ အကိုကြီးကိုနောက်တကြိမ်ပြန်မတွေ့ရမှာ စိုးရိမ်စိတ်ပါ။ ပြီးတော့ သူတို့သာကျွန်မဒီနေရာမှာဒီလိုဖြစ်သွားရင် ဘယ်လောက်ပူဆွေးကြမလဲဆိုတာလည်းတွေးမိပါတယ်။ သူတို့ကိုကျွန်မအတွက်မလွမ်းမဆွေးဘဲ တရားနဲ့ဖြေနိုင်စေချင် တာပါ။ ဒါပေမယ့် အဲလိုဖြစ်နိုင်ဖို့ခဲယဉ်းသားလား။ ဆရာဝန်က ကျွန်မနာမည်ကိုတတွတ်တွတ်ခေါ်လိုက်၊ လျှာထုတ်ပါဦးပြောလိုက် လုပ်နေတဲ့ကြားက ကျွန်မလုံးဝ အိပ်ပျော်လိုက်ရင်ဘယ်လိုနေမလဲ။ နောက်တကြိမ်ပြန်နိုးလာပါ့မလားလည်းကြောက်တယ်။ ကျွန်မသာထာဝရအိပ်ပျော်သွားတဲ့အခါ ကျွန်မစိတ်ဝိညာဉ်ဟာ မြန်မာပြည် ပြန်သွားလို့ရရင်သိပ်ကောင်းမှာပဲ။ ကျွန်မလူပြန်ဖြစ်ခွင့်ရှိရင် ဒီအဖေ၊ ဒီအမေဆီမှာပဲ လူပြန်ဖြစ်ချင်မိတယ်။ အဲလိုမဖြစ်နိုင်ရင်တောင်မှ မြန်မာပြည်သား ဗုဒ္ဓဘာသာစစ်စစ်တယောက်ပြန်ဖြစ်ချင်မိတယ်။

ဘာပဲဖြစ်ဖြစ်လေ ကျွန်မအမြတ်ရလိုက်တာတခုတော့ရှိပါတယ်။ အရင်တုန်းက သာမာန်ဖြတ်သွားဖြတ်လာ သဘောထားခဲ့တဲ့ အို၊ နာ၊ သေဆင်းရဲကို ကိုယ်တိုင်ပက်ပင်းကြုံလိုက်ရတဲ့အခါမှပိုပြီး နက်နက်နဲနဲနှလုံးသွင်းမိပါတယ်။ နိဗာန်ဆိုတာကိုအရင်က မအို၊ မနာ၊ မသေ၊ ရုပ်လည်းမရှိ၊ နာမ်လည်းမရှိဆိုတော့ ဘာကောင်းလဲလို့တွေးမိတဲ့အခါတွေရှိပါတယ်။ ဘုရားရှိခိုးတိုင်းနိဗာန်ကိုမျက်မှောက်ပြုရပါလို၏လို့ ဆုတောင်းခဲ့ပေမယ့် နိဗာန်ဆိုတာကိုနက်နက်နဲနဲမတွေးခဲ့မိ။ အခုလိုအချိန်မရွေးအရာအားလုံးကို လက်လွှတ်ရနိုင်တယ်ဆိုတဲ့ အနေအထားမျိုးကိုရောက်လာမှ၊ နာခြင်းဆင်းရဲကို အကြီးအကျယ်ခံစားရခါမှ၊ အိုနာသေကင်းတဲ့နိဗာန်ဆိုတာ ဘယ်လောက်များအေးချမ်းလိုက်မလဲလို့ခပ်ရေးရေးပုံဖော်ကြည့်မိပါတယ်။ နိဗာန်ဆိုတာ ဘယ်လိုမျိုးလဲ ဒီထက်ပိုသိဖို့။ နတ်ပြည်ရောက်ရုံလောက်ကုသိုလ်ကောင်းမှု၊ ငရဲမသွားရအောင်ရှောင်တဲ့ကောင်းမှုမျိုးနဲ့တော့ နိဗာန်မရောက်နိုင်သေးဘူးထင်ပါတယ်။ အိုလိုက်၊ နာလိုက်၊ သေလိုက်၊ ကံကောင်းရင် လူ့ဘ၀ပြန်ဖြစ်လိုက်၊ ကံမကောင်းရင် တိရစ္ဆာန်ဘ၀လိုတခြားဘုံဘ၀မျိုးမှာ ကျင်လည်ရဦးမယ်။ အထပ်ထပ်လည်နေမယ့် ဒီသံသရာထဲမှာထပ်လည်ဖို့ နည်းနည်းကြောက်သွားတာကတော့ ကျွန်မအတွက်အမြတ်ပါပဲ။ တကယ်တော့ကျွန်မခံစားရတဲ့ ဝေဒနာဟာ တချို့တချို့သောသူများအတွက်ဆိုရင် ပါးပါးလေးလို့ပြောရင်ပြောရမှာပါ။ ဘာပဲဖြစ်ဖြစ် ကျွန်မနည်းနည်းနာပြီး သေခြင်းနဲ့နည်းနည်းနီးခဲ့တယ်ပေါ့။ အခုဆိုရင် ကျွန်မလောလောဆယ်တော့ မသေနိုင်တော့ပါဘူး။ ဒီဝေဒနာနဲ့ပြောတာပါ။ ဒါပေမယ့်လူဆိုတာ ကွေးသောလက်မဆန့်ခင်၊ ဆန့်သောလက်မကွေးခင် ဘ၀ကူးသွားနိုင်တာပဲဆိုတော့ အချိန်မရွေးကိုယ့်ဆီကအရာတွေကိုစွန့်လွှတ်နိုင်ဖို့၊ သူများကိုများများပေးဖို့၊ ကျွန်မ အို၊နာ၊သေကင်းတဲ့တရားကိုရှာဖို့ ရသလောက်အချိန်လေးမှာ လုပ်ကြည့်ရပါဦးမယ်။ လူ့လောကမှာကျင်လည်နေသေးတယ်ဆိုတော့ လောကီအလုပ်တွေကလည်း လုပ်နေရဦးမှာပေါ့။

ဘာပဲဖြစ်ဖြစ် ကျွန်မပြန်လာပါပြီ။ လက်ခုပ်မတီးရင်တောင် ပြုံးပြီးတော့ ကြိုဆိုကြပါဦးနော်။

အနာဂါတ်ကို စိုးရိမ်ခြင်း

ကျွန်မသူ့ကို သတိထားမိနေတာ ၂ရက်ရှိပါပြီ။ ကျွန်မကျောင်းကင်တင်းမှာ မနက်အတန်းမတက်ခင် ကော်ဖီဝယ်ဖို့တန်းစီရင်းနဲ့သူ့ကိုတွေ့တာပါ။ သူကကျွန်မရှေ့မှာတန်းစီနေတာပါ။ ခါးမကိုင်းပေမယ့် သူလမ်းလျှောက်ပုံက ခြေကိုမသယ်နိုင်တဲ့ပုံစံမျိုးနဲ့ ရွေ့ရွေ့သွားတဲ့ပုံမျိုးပါ။ အိတ်ကလေးတစ်အိတ်ကို ကိုင်ထားပါတယ်။ သူ့အလှည့်ရောက်တော့ ကော်ဖီဖျော်တဲ့သူက သူ့ကိုသိနေတဲ့ပုံမျိုးနဲ့ ဘာမှမမေးတော့ဘဲ ကော်ဖီဖျော်ပါတယ်။ သူကတော့ ဗန်းအလွတ်တစ်ခုကိုယူ Toast ၂ချပ် ၃ချပ်ကိုမှန်ပုံးထဲကထုတ်ဗန်းထဲကိုထည့်၊ ငရုတ်ကောင်းမှုန့်ဘူးကိုယူပြီးဗန်းထဲကိုထည့်ပြီး စောင့်ပါတယ်။ သူလုပ်နေတဲ့ပုံက နေ့စဉ်လုပ်နေကျပုံစံမျိုးပါ။ ကော်ဖီဖျော်ပြီးတော့ အဖျော်ဆရာကပဲ ကြက်ဥမကျက်တကျက်ပြုတ် ၂လုံးကို ဘူးထဲကယူပြီး ပန်းကန်ထဲထည့်ပေးပါတယ်။ သူက ၂ဒေါ်လာတန်တစ်ရွက်ထုတ်ပေးပါတယ်။ ဆိုင်ကပြန်အမ်းတဲ့ အကြွေစေ့ကို ဗန်းထဲထည့်လိုက်ပြီး သူစားပွဲတစ်ခုကို တရွေ့ရွေ့နဲ့ထွက်သွားပါတယ်။ သူ့ကိုကြည့်ရတာဘာကိုမှလဲစိတ်ဝင်စားပုံ မရပါဘူး။ သူအစားအစာတွေကို စားနေတဲ့ပုံကလဲ တာဝန်တစ်ခုကို လုပ်နေသလိုပါပဲ။ သူ့ပုံစံကြည့်ရတာ လုံးဝကျန်းမာရေးဒေါင်ဒေါင်မြည်နေတဲ့ ပုံလည်းမဟုတ်သလို၊ ကျန်းမာရေးအလွန်အမင်းချို့ယွင်းနေတဲ့ပုံလည်း မဟုတ်ပြန်ပါဘူး။ ခန့်မှန်းချေ အသက် ၇၀ကျော် လောက်တော့ ရှိမဲ့ပုံပါ။ ကျွန်မ မနက်အတန်းရှိလို့ ကော်ဖီသွားဝယ်ဖြစ်တဲ့ အဲဒီ၂ရက်လုံးကျွန်မသူ့ကို တစ်ပုံစံတည်းပဲ တွေ့ရပါတယ်။ သူစားတဲ့ မနက်စာကလည်း ဒီတစ်ပုံစံတည်းပါပဲ။ ကျွန်မသူ့ကိုကြည့်ရင်းနဲ့ ရင်ထဲမှာဆို့နင့်လာမိပါတယ်။ သူတို့နိုင်ငံမှတော့ ဒီအသက်အရွယ်မှာတောင် ကိုယ့်အားကိုယ်ကိုးပြီး ဒီလိုသွားလာ စားသောက်နေကြတာ ဂုဏ်ယူစရာပဲလားတော့ မသိဘူး။ ဒါပေမယ့် ကျွန်မရင်ထဲမှာတော့ ဒီအသက်ဒီအရွယ်ရောက်လာရင် မနက်စာလေးတော့ အိမ်ကမိသားစုနဲ့ စည်းစည်းလုံးလုံးပျော်ပျော်ပါးပါးစားရချင်ပါတယ်။ ကျွန်မ ဒီနိုင်ငံရောက်လာ ကတည်းက သက်ကြီးရွယ်အိုတွေကိုဒီလိုပဲ ကိုယ့်အားကိုယ်ကိုးပြီးရုန်းကန်လှုပ်ရှားနေရတဲ့ ပုံစံမျိုးတွေနဲ့ ကျွန်မတွေ့ နေရပါတယ်။ လူတွေဟာ ကားအကောင်းစားတွေနဲ့သွားနေကြပါတယ်။ ဘတ်စ်ကား၊ MRT စီးတဲ့သူတွေ အားလုံးကလည်း ဆင်းရဲသားတွေမဟုတ်ပါဘူး။ ဒါပေမယ့် တချို့ဆိုရင် ကိုယ်မိသားစုအဆင်ပြေနေတာတောင် မိဘတွေက အလုပ်လုပ်နေရတုန်းပါပဲ။ ကျွန်မ အခုလက်ရှိနေတဲ့နေရာကိုမပြောင်းခင်တုန်းက ကျောင်းက ကျွန်မတို့ကျောင်းသား၊ ကျောင်းသူတွေကို Private ကွန်ဒိုတစ်ခုမှာထားပါတယ်။ အဲဒီကွန်ဒိုမှာနေ့စောင့်ရော၊ ညစောင့်ရော၂ယောက်စလုံးက အသက် ၇၀ ၀န်းကျင်တွေပါ။ တခါတလေကျွန်မစဉ်းစားပါတယ်။ အော် Lee Kuan Yew ကဒီအသက်ဒီအရွယ်အထိ ရာထူးယူပြီးအလုပ်လုပ်နေတုန်းမို့လို့ သူတို့လဲလုပ်နိုင်ပါတယ်ဆိုပြီးများ လုပ်နေကြသလားလို့ပါ။ ဗုဒ္ဓဘာသာဝင်တစ်ယောက်လို ဒီအချိန်မှာကိုယ့်အတွက်မလုပ်ရင် ဘယ်အချိန် သံသရာအတွက် အလုပ်လုပ်ကြမှာလဲလို့ မတွေးရင်တောင်မှ တစ်သက်လုံး လုပ်လာခဲ့ရတဲ့အလုပ် ကိုယ့်ဘ၀နေ၀င်ချိ်န်ရောက်တာတောင်မှ ကိုယ့်စိတ်အေးချမ်းအောင်မနေရဘူးဆိုရင် ဒီဘ၀ကြီးဟာဘာများ မက်မောစရာရှိဦးမှာလဲ။ ကျွန်မအဲဒီကွန်ဒိုမှာနေခဲ့တဲ့၂လကျော်လောက်မှာ မီးဖိုချောင်အတွက်လိုအပ်တာတွေ ၀ယ်ချင်ရင် အနားမှာရှိတဲ့ Shop and Save ကိုသွားပါတယ်။ အဲဒီမှာ Promotion အစီအစဉ်တွေ ခဏခဏရှိပါတယ်။ ဒါပေမယ့် ကျွန်မက တစ်လမှာ ၂ခါ၊ ၃ခါလောက်ဈေးဝယ်တာဆိုတော့သိပ်လဲ အဲဒီအစီအစဉ်တွေကို သိပ်စိတ်လဲမ၀င်စားလှပါဘူး။ တစ်နေ့ကျွန်မဈေးဝယ်ပြီးထွက်လာတော့အပေါက်ဝမှာ ခါးကိုင်းကိုင်း၊ တောင်ဝှေးနဲ့ အဘွားကြီးတစ်ယောက်က ကျွန်မကိုတစ်ခုခုလှမ်းပြောပါတယ်။ ကျွန်မကသူဘာပြောလဲနားမလည်ပါဘူး။ အဲဒါနဲ့ သူက ကျွန်မနောက်ဘက်မှာရှိတဲ့ ကြော်ငြာဘုတ်ကိုလက်ညှိုးထိုးပြပါတယ်။ အဲဒီမှာရေးထားတာက ၁၅ဒေါ်လာဖိုးဝယ်တဲ့သူတိုင်းကို တံဆိပ်ခေါင်းတစ်ခုပေးပါတယ်။ အဲဒီတံဆိပ်ခေါင်းမျိုး ၈ခုကို တစ်လအတွင်းမှာ ရအောင်စုနိုင်ရင် ၉ဒေါ်လာဖိုးအစားအသောက်ဘောင်ချာတစ်ခုရမယ်တဲ့။ သူ့လက်ထဲမှာလဲ တံဆိပ်ခေါင်း ၂ခု ၃ခုကိုင်ထားတာတွေ့ပါတယ်။ ဘာပစ္စည်းမှတော့ ၀ယ်ထားတာမတွေ့ရပါဘူး။ ထွက်လာတဲ့ ဈေးဝယ်သူတွေဆီက တောင်းထားတာဖြစ်ပုံရပါတယ်။ အဲဒီတော့မှ သူကျွန်မဆီကလည်း အဲဒီတံဆိပ်ခေါင်းတောင်းနေတယ်ဆိုတာကို သိတယ်။ ဖြစ်ချင်တော့ အဲဒီနေ့က ကျွန်မ၀ယ်တဲ့တန်ဖိုးက ၁၄ဒေါ်လာကို ပြားနည်းနည်းပဲ စွန်းတယ်။ တံဆိပ်ခေါင်းလဲရမလာဘူး။ ကျွန်မကသူ့ကိုပြောပြတော့ သူကရတယ်ရတယ်၊ ကိစ္စမရှိဘူးတဲ့။ ဒါနဲ့ကျွန်မလည်း ထွက်လာပါတယ်။ ဒါပေမယ့် သူ့ကိုမကူညီနိုင်လိုက်တဲ့ အတွက်ကျွန်မစိတ်မကောင်းဖြစ်ပြီး တစ်လမ်းလုံးဒါကိုပဲတွေးလာပါတယ်။ အိမ်ရောက်ခါနီးမှ သွားသတိရတယ်။ သြော်သူအဓိကလိုချင်နေတာ တံဆိပ်ခေါင်းမှမဟုတ်ဘဲ။ စားစရာလိုချင်တာပဲ။ ငါဝယ်လာတဲ့အထဲက တစ်ခုခုပေးခဲ့ရင် ရသားနဲ့ ငါတော်တော်တုံးတာပဲဆိုပြီး ကိုယ့်ကိုကိုယ်တော်တော်မကျေမနပ်ဖြစ်နေမိတယ်။ အဲဒီကတည်းကသူ့ကို မကြာမကြာအမှတ်ရနေမိပြီး ကျွန်မ Shop and Save ကိုသွားတိုင်းသူ့ကိုရှာကြည့်မိပါတယ်။ တစ်နေ့တော့ ကျွန်မဆိုင်ထဲကထွက်အလာမှာသူ့ကိုထပ်တွေ့ပါတယ်။ ကျွန်မအဲဒီနေ့ကတံဆိပ်ခေါင်း ၂ခုရလာလို့ သူ့ကိုတွေ့မလားဆိုပြီး တံဆိပ်ခေါင်း ၂ခုကိုလက်ထဲမှာဆုပ်ပြီးထွက်လာတာပါ။ သူ့ကိုတွေ့တော့ ကျွန်မသူ့ဆီသွားပြီး အဲဒီတံဆိပ်ခေါင်း၂ခုကိုပေးလိုက်ပါတယ်။ ကျွန်မထွက်လာတဲ့အချိန်အထိ သူက ကျေးဇူးတင်ကြောင်းတဖွဖွပြောပြီးကျန်ခဲ့ပါတယ်။ ကျွန်မရင်ထဲမှာ သူ့ကိုကူညီလိုက်ရလို့စိတ်ချမ်းသာသွားပေမယ့် လည်း သူဒီလိုနေ့တိုင်းတောင်းလိုက် စားစရာဝယ်လိုက်နဲ့ အသက်ဆက်နေရတာ ကြည့်ရှုမယ့်သူမရှိလို့လား၊ သူကျန်းမာရေးမကောင်းတော့တဲ့အခါဘယ်လိုလုပ်မလဲ အပြန်လမ်းတလျှောက်လုံး အတွေးတွေနဲ့ ကျွန်မခေါင်းထဲမှာ ပြည့်နေခဲ့တယ်။

ကျွန်မရင်ထဲမှာ ကျွန်မနိုင်ငံကလူတွေကို အခုလိုပင်ပင်ပန်းပန်း ရုန်းကန်လှုပ်ရှားနေရပြီး တစ်နေကုန်ရင် စားဖို့တောင်အနိုင်နိုင်ဖြစ်နေတဲ့ ဘ၀တွေကနေ လွတ်မြောက်စေချင်တယ်။ ဒီမိုကရေစီရဖို့တို့၊ လွတ်လပ်တဲ့လူ့ဘောင်ဖြစ်လာဖို့ဆိုတာတွေထက် လူတွေတစ်နေ့တစ်နေ့ စားဝတ်နေရေး အတွက် ပူပန်နေရတာတွေကို အရင်လျော့ပါးသွားစေချင်တယ်။ လူနဲ့သူနဲ့တူအောင်နေကြရစေချင်တယ်။ လူတိုင်း လူတိုင်း အရည်အသွေးမြင့်ကျန်းမာရေး၊ ပညာရေးနဲ့ အခြေခံဝန်ဆောင်မှုတွေကို လက်လှမ်းမီစေချင်တယ်။ ဒါပေမယ့်ကျွန်မရင်ထဲမှာစိုးရိမ်မိတာတစ်ခုက (ဘယ်အချိန်မှ ဒီလိုဖြစ်လာမယ်မသိပေမယ့်) အဲဒီလိုတိုးတက်ဖွံ့ဖြိုးတဲ့ လူ့ဘောင်သစ်တစ်ခုကိုရောက်လာတဲ့အချိန်မှာ၊ ကျွန်မတို့ရဲ့နေ့စဉ်ဘ၀မှာစားဝတ်နေရေးပူပင်မှုတွေ မရှိတော့တဲ့အခါ၊ လူတိုင်းပညာရေး ကျန်းမာရေး အခြေခံဝန်ဆောင်မှုတွေရလာတဲ့အခါမှာ ကျွန်မတို့ရဲ့ လူ့ဘောင်တန်ဘိုးတွေ လျော့ပါး ပျောက်ကွယ်ကုန်မှာစိုးရိမ်မိတယ်။ စင်္ကာပူမှာ ဘတ်စ်ကားစီးတဲ့အခါ ကျွန်မတို့အထုပ်အပိုးတွေ အများကြီးမနိုင်မနင်းဖြစ်နေလည်း ရန်ကုန်ကဘတ်စ်ကားတွေပေါ်မှာလို ကူကိုင်ပေးမယ့်သူမရှိဘူး။ စင်္ကာပူမှာ လူတွေအသက်အရွယ်ရလာတဲ့အခါ သားသမီးတွေနဲ့တန်းတူအလုပ်လုပ် နေရတယ်။ ကျွန်မတို့နိုင်ငံကိုလည်း တိုးတက်တဲ့နိုင်ငံဖြစ်စေချင်ပေမယ့် အဲဒီလိုအနေအထားမျိုးတွေဖြစ်လာမှာကျွန်မအရမ်းကြောက်တယ်။

(အိပ်မက်က post ကိုပြန်ကူးပေးလိုက်ပါတယ်။ ကိုယ့် Blog လေးပျောက်သွားလို့ပါ။)