Thursday, April 29, 2010

အတွေ့အကြုံတခုအကြောင်း

ဧရာဝတီမဂ္ဂဇင်းက မသိဂီ င်္ရဲ့ဆောင်းပါးကလေးကိုဖတ်ပြီး ကျွန်မသီရိလင်္ကာကကြုံခဲ့တဲ့ အဖြစ်ကို ပြောပြချင်လာပါတယ်။ ပြီးခဲ့တဲ့ပိုစ့်မှာ ကျွန်မသီရိလင်္ကာမှာနေရင်းနဲ့ ဟိုတယ်ကအခက်အခဲတခုကြောင့် ကျွန်မပါမောက္ခအိမ်ကို ၂ရက်လောက်ပြောင်းနေ လိုက်ရတယ်လို့ပြောဖူးပါတယ်။ ဒါပေမယ့် ဘာကြောင့်ဆိုတာ အကြောင်းမတိုက်ဆိုင်လို့ မရေးဖြစ်ပါဘူး။ အဖြစ်ကဒီလိုပါ။

သီရိလင်္ကာရောက်ပြီး ၂ပါတ်အထိက ကွန်ဖရင့်၂ခုဆက်တိုက်ဖြစ်နေတဲ့အတွက် သူများတွေနဲ့အတူတူ ဟိုတယ်မှာပဲနေရပါတယ်။ နီဂွန်ဘို၊ ကိုလန်ဘို နောက်ဆုံးက ကန္ဒီမှာ။ ကန္ဒီလေဆိပ်ကနေပဲ ဘုတ်အဖွဲ့ဝင်တွေအကုန်လုံးပြန်ကြတဲ့အခါ နိုင်ငံခြားသားဆိုလို့ ကျွန်မ တယောက်ပဲကျန်ခဲ့ပါတော့တယ်။ ကျွန်မကစာတမ်းကိစ္စနဲ့ တလပြည့်အောင်ဆက်နေရမှာဖြစ်တဲ့အတွက် ကျွန်မအတွက် ပါမောက္ခရဲ့ဇနီးက သူတို့အိမ်နဲ့အလုပ်ရဲ့ကြားမှာရှိတဲ့ ဟိုတယ်လေးတခုမှာထားပါတယ်။ တကယ်တော့ဟိုတယ်ဆိုပေမယ့် အင်းလောက်အဆင့်ပါ။ သူတို့ကကျွန်မကို မိန်းကလေးတယောက်တည်း မို့လို့ စိတ်ချရအောင် ဆိုပြီးတော့အဲဒီမှာထားတာပါ။ အဲဒီဟိုတယ်က ၄ထပ်အဆောက်အဦးပါ။ အပေါ်ဆုံးထပ်မှာ ပိုင်ရှင်လင်မယားနေပါတယ်။ အောက်ဆုံး မြေညီထပ်မှာ မျက်နှာဖြူအဘိုးကြီး တယောက်အခန်းနဲ့ ဧည့်ခန်းပါ။ ကျွန်မကလှေကားတ၀က်အခန်းမှာပါ။ အဲဒီဟိုတယ်မှာက ကျွန်မဆရာရဲ့ ဇနီးပရောဂျက်မှာ အလုပ်လုပ်နေတဲ့အကူအမကြီးတယောက်က သူလာရင်နေနေကြပါ။ စိတ်ချရတယ်လို့ ထောက်ခံလို့ ကျွန်မကိုထားတာပါ။ အဲဒီအမကြီးက ကန္ဒီကပါ။ ကိုလန်ဘိုကို အလုပ်ကိစ္စနဲ့လာရရင် ဒီဟိုတယ်မှာ နေပါတယ်။ အဲဒါနဲ့ပဲ မနက်ဆိုပါမောက္ခက ကျွန်မကိုဟိုတယ်မှာကားနဲ့ဝင်ကြို၊ ရုံးသွား၊ ညနေလည်း ကျွန်မကဆရာပြန်တဲ့အချိန်ပဲအတူတူပြန်ပါတယ်။

နေပြီးတပါတ်လောက်အရှိမှာ တရက်ညနေပိုင်း ဆရာကဆေးခန်းသွားရမယ်တဲ့။ အဲဒါကြောင့်စောစောပဲပြန်သွားပါတယ်။ ကျွန်မကိုလည်း တယောက်တည်း ပြန်ရမှာမို့ရုံးမှာ မှောင်အောင်မနေပါနဲ့တဲ့။ အဲဒါနဲ့ကျွန်မလည်း ဆရာမိတ်ဆက်ပေးထားဖူးတဲ့ တုတ်တုတ် (သုံးဘီးဆိုင်ကယ်) ဒရိုင်ဘာကိုဖုန်းဆက်ခေါ်ပြီး ဟိုတယ်ပြန်ပါတယ်။ လမ်းရောက်တော့ ကျွန်မဈေးသွားဝယ်ချင်စိတ်ပေါက်လာရော။ လက်ထဲမှာလည်း လက်တော့တွေ၊ ဖိုင်တွေနဲ့ရှုပ်နေတော့ သုံးဘီးဆရာကို ဟိုတယ်ကိုအရင်ပို့၊ ပြီးရင်အပြင်ကစောင့်နေလို့ပြောလိုက်ပါတယ်။ ဟိုတယ်ရောက်တော့ တံခါးကြီးပိတ်ထားပါတယ်။ အဲဒီခြံတံခါးက ရီမုနဲ့ဖွင့်ရတဲ့သံတခါးပါ။ ကျွန်မဘဲလ်နှိပ်လိုက်တော့ အပေါ်ကနေ တယောက်ယောက်တံခါးဖွင့်ပါတယ်။ ကျွန်မလည်းထုံးစံအတိုင်းပိုင်ရှင်ပဲထင်ပြီး မော့ကြည့်မနေဘဲ ပြေးဝင်သွားပါတယ်။ အခန်းထဲရောက်တော့ တံခါးမပိတ်တော့ပဲ ပစ္စည်းတွေချ၊ ပိုက်ဆံအိတ်ထဲက မလိုတာတွေ ထုတ်နဲ့ လုပ်နေတုန်း အခန်းဝက အခုဝင်လာတာ မင်းလားလို့မေးပြီး လူတယောက်ဝင်လာပါတယ်။ အသက် သုံးဆယ်ကျော်လောက်အရွယ် ယောက်ျားတယောက်ပါ။ ကျွန်မက ဟုတ်တယ်ဆိုတော့။ ဘာမှမဟုတ်ဘူးပါတဲ့။ သူတံခါးဖွင့်တဲ့လိုက်တာ ဘယ်သူမှဝင်လာတာမတွေ့လို့ပါတဲ့။ ပြီးတော့ ပြန်ထွက်မသွားပဲ ဘယ်နေ့ကစရောက်တာလဲ သူအရင်တုန်းက မတွေ့မိဘူး ဘာလာလုပ်တာလဲနဲ့ လာမေးပါတယ်။ ကျွန်မလည်း ကောင်းကောင်းမွန်မွန်ပဲပြန်ဖြေလိုက်ပါတယ်။ အဲဒါနဲ့သူက ညကျရင်အားလား ကျွန်မအခန်းကို လာလို့ရမလား မေးလာပါတယ်။ စိတ်ထဲကတော်တော်လန့်သွားပေမယ့် ဟင် ဘာလုပ်ဖို့လဲလို့မေးတော့ သြော် စကားလေးဘာလေး ပြောဖို့ပါတဲ့။ ကျွန်မက ဆောရီးပဲ ငါမအားဘူး။ ညနေစာတမ်းရေးစရာလည်း ရှိတယ်၊ ငါ့သူငယ်ချင်းနဲ့လည်း အွန်လိုင်းမှာစကားပြောစရာရှိတယ် ဆိုတော့ အိုကေဆိုပြန်ထွက်သွားပါတယ်။ ကျွန်မအဲဒီနေ့ ဈေးသွားဝယ်ပြီး ပြန်လာတဲ့အထိ အဲဒီအကြောင်းက ခေါင်းထဲရောက်ရောက်လာပြီး ကြောက်နေမိပါတယ်။ သူက ခြံတံခါးဖွင့်တဲ့ရီမုကို ကိုင်လို့ရတယ်ဆိုတော့ ပိုင်ရှင်နဲ့ဘာတော်လဲ၊ ဟိုတယ်တို့ အင်းတို့တော်တော်များများမှာ သော့ကအပိုတွေရှိနေတတ်တာ၊ သူကပိုင်ရှင်နဲ့ဆွေတွေမျိုးတွေဆို အချိန်မရွေး တံခါးဖွင့်လို့ရနေမှာဆို ကျွန်မတော်တော်တွေးပြီးလန့်နေမိတာပါ။

အဲဒါနဲ့ဈေးဝယ်ပြီးခြံထဲအ၀င်မှာ ပိုင်ရှင်နဲ့ အဲဒီလူကို ၂ယောက်တွဲပြီးတွေ့လိုက်ပါတယ်။ ပိုင်ရှင်က ကျွန်မကိုနှုတ်ဆက်ပြီး သူတို့၂ယောက် ညစာသွားစား ကြမလို့၊ ကျွန်မရောလိုက်မလားဆိုပြီးမေးပါတယ်။ (ကျွန်မက ညစာထမင်းကိုအဲဒီဟော်တယ်မှာပဲ ပိုက်ဆံပေး စားတာပါ။) ကျွန်မလည်း မလိုက်တော့ဘူးပြောလိုက်ပြီး အခန်းထဲဝင်လာတော့ ပိုပြီးလန့်လာပါတယ်။ အဲဒါနဲ့ အွန်လိုင်းတက်တော့ စကားပြောနေကျ အိန္ဒိယကသူငယ်ချင်းကို အဲဒီအကြောင်းပြောပြလိုက်တော့ သူကအရမ်းစိတ်တိုပြီး အခုချက်ချင်း ပါမောက္ခကိုဖုန်းဆက်ပြီး အဲဒီအကြောင်းပြောခိုင်းပါတယ်။ အမှန်ပြောရရင် ကျွန်မကိုယ်တိုင်လည်းဆရာ့ကိုဖုန်းဆက်ပြောရင် ကောင်းမလားစဉ်းစားမိပေမယ့် အနောက်တိုင်းဆန်တဲ့ သူတွေအတွက်ဆို အဲဒီအကြောင်းအရာက ဘာမှမဟုတ်ဘူးလို့လည်းထင်ချင်စရာဖြစ်နေတာပါ။ အဲဒါနဲ့ ပြောဖို့တွန့်နေမိတာပါ။ ဒါပေမယ့် သီရိလင်္ကာဟာ မြန်မာနိုင်ငံလိုပါပဲ။ ရိုးရာယဉ်ကျေးမှုထုံးစံ၊ ဘာသာရေး အဲဒါတွေကအရမ်းလွှမ်းမိုးပါတယ်။ ဥရောပလိုနိုင်ငံမျိုးမှာတောင် ဒီနေ့တွေ့၊ ဘာမှမသိသေးတဲ့ မိန်းကလေးကို ချက်ချင်းအခန်းထဲလာရမလားလို့ မေးမှာမဟုတ်ပါဘူး။ ရင်းနှီးအောင်စကားပြောပြီး အချိန်ယူဦးမှာပါ။ အဲဒီတော့ ကျွန်မကဒီကိစ္စမှာတော်တော်ကိုလန့်နေတာပါ။ သူငယ်ချင်းကတော့ အရမ်းကိုစိတ်တိုနေပါပြီ။ ကျွန်မကအခန်းတံခါးကိုခုံတွေပိတ်ထားပြီးအိပ်ရင်ကောင်းမလားဆိုတော့ မရဘူးတဲ့။ ချက်ချင်းဆရာ့ဆီ ဖုန်းဆက်ပါတဲ့။ ကျွန်မမဆက်ရင် သူလှမ်းဆက်ရလိမ့်မယ်တဲ့။ ပါမောက္ခနဲ့သူနဲ့က ရင်းနှီးတယ်ဆိုပေမယ့် ဒီလိုအချိန်မှာ ဆရာ့တပည့်ရင်းဖြစ်တဲ့ကျွန်မကကိုယ်တိုင်မပြောဘဲ အိန္ဒိယကလူကလှမ်းပြောတယ်ဆိုရင် ဘယ်လိုမှကောင်းမှာမဟုတ်ပါဘူး။ အဲဒါနဲ့ ကျွန်မလည်း သူ့ကိုဖြောင်းဖျပြီးဆက်ပါ့မယ်ပေါ့။ သူက သူ့ရှေ့မှာပဲ (skypeမှာ)ဆက်ဆိုတာနဲ့ ဆက်လိုက်ပါတယ်။ (အဲဒီတော့ ည၈နာရီလောက်ရှိနေပါပြီ။) ဆရာကချက်ချင်းမအားလို့ ပြန်ခေါ်မယ်ဆိုပြီးဖုန်းချသွားပါတယ်။ ဆေးခန်းမှာ ဆရာဝန်နဲ့စကားပြောနေတုန်း ပဲတဲ့။ ၁၀မိနစ်ကြာရင်ဆက်မယ်ဆိုပြီး နာရီဝက်ကျော်ကြာသွားပါတယ်။ အွန်လိုင်းကသူငယ်ချင်းက အရမ်းစိတ်တိုနေပြီ။ ကျွန်မကိုပါ။ ဖုန်းထပ်မဆက်လို့ဆိုပြီး။ အဲဒါနဲ့ကျွန်မဆက်လိုက် တော့ ဆရာကပြောလို့ရပြီဆိုတော့ ကျွန်မလည်း ဆရာ့ကိုအကုန်ပြောလိုက်ပါတယ်။ အရမ်းစိတ်ပူနေမှာစိုးလို့ အေးအေးဆေးဆေးပဲပြောပြပါတယ်။ သူ့ဘက်ကသဘောထားက ရိုးရိုးသားသားလားလည်း ကျွန်မမသိပါဘူးပေါ့။ ဒါပေမယ့် ဆရာသိအောင်ပြောပြထားတာပါဆိုတော့ ဆရာက အရမ်းစိတ်တိုပြီး အခုချက်ချင်းငါလာမယ်၊ စောင့်နေတဲ့။ ဆရာမလာခင်လေးမှာပဲ ကျွန်မအခန်းကိုတံခါးလာခေါက်တဲ့ အသံကြားပါတယ်။ ကျွန်မက ဘယ်သူလဲလို့ လှမ်းမေးတော့မဖြေပါဘူး။ ကျွန်မတံခါးဖွင့်မပေးတော့ တံခါးလည်းဆက်မခေါက်တော့ဘူး။ ခဏပဲကြာတယ် ဆရာရောက်လာတာပဲ။ ကျွန်မကိုအခြေအနေမေး၊ အခန်းကိုလည်းဝင်ကြည့်ပြီး ပိုင်ရှင်ပြန်ရောက်ပြီလားတဲ့ (ထမင်းထွက်သွားစားတာရော၊ ကျွန်မကိုပိုင်ရှင်ကထမင်းစားခေါ်တာပါပြောပြလိုက်တာပါ)။ ဆရာက အပေါ်ထပ်ကိုလှမ်းခေါ်ပါတယ်။ ပိုင်ရှင်ဇနီးပဲရှိတယ်။ ဆရာကအတော်ဒေါသထွက်နေတာပါ။ သူ့အုပ်ထိန်းမှု အောက်မှာရှိနေတဲ့မိန်းကလေးကို ဒီလိုစကားပြောတာမျိုးလုံးဝလက်မခံနိုင်ဘူးဆို အဲဒီအမျိုးသမီးကိုပြောပါတယ်။ အဲဒီအမျိုးသမီးက အင်္ဂလိပ်လိုသိပ်မပြောတတ်ပါဘူး။ ဆရာလည်း စင်းဟာလ လိုရော၊ အင်္ဂလိပ်လိုတွေရော ရောပြီးပြောပါတယ်။ ပြီးတော့ အခုဒီမိန်းကလေးကို ကျွန်တော်ခေါ်သွားမယ်။ ခင်ဗျားယောက်ျားပြန်လာရင် ဖုန်းဆက်ပါ။ ဒီမှာသူ့ကိုဆက်ထားဖို့ကိုစဉ်းစားမယ်ဆိုပြီး ကျွန်မကိုလာ ဆိုပြီး ခေါ်လို့ကျွန်မအခန်းတံခါးပိတ်ပြီး လိုက်သွားရပါတယ်။ အိမ်ရောက်တော့ ဆရာကဆရာကတော်ကို ပြောပါတယ်။ မင်းငှားထားတဲ့ဟိုတယ်က ဒီလိုဒီလိုပဲဆိုပြီး။ ဆရာကတော်က သူ့လက်ထောက်ကို ဖုန်းဆက်မေးပါဦးမယ်ဆိုဆက်ပါတယ်။ သူ့လက်ထောက်ကအဲဒီရက်က အဲဒီဟိုတယ်မှာရှိပါတယ်။ အဲဒီနေ့က တော့အပြင်သွားနေပါတယ်။ အဲဒီလိုဖုန်းဆက်လိုက်တော့ အဲဒီလက်ထောက်အမျိုးသမီးက သူ့အပြစ်လွတ်အောင် ဘာပြောသလဲဆိုတော့ ကျွန်မကတဲ့ ဟိုတနေ့ကညဘက်အပြင်ထွက်ပါတယ်တဲ့။ အဲဒါကြောင့် ယောက်ျားတွေကညဘက် အပြင်ထွက်တယ့်မိန်းကလေးဆိုတော့ အထင်သေးပြီး ရမလားလို့ ပြောကြည့်တာဖြစ်ပါလိမ့်မယ်တဲ့။ ဆရာကတော်က သူ့လက်ထောက်အဲလိုပြောတယ်ဆိုပြီး ဆရာ့ကိုပြောလာပါတယ်။ ကျွန်မလေ စိတ်တိုလိုက်တာ။ ဟုတ်ပါတယ်။ ပထမတရက်ကဆရာကျွန်မကို ပြန်အပို့ပြီးတော့ ညစာစားအပြီး ၈နာရီလောက်မှာ အဲဒီနားကဈေးဆိုင်တန်းကို ကျွန်မသွားပါတယ်။ မိနစ် ၂၀လောက်ပဲကြာပါတယ်။ ဖုန်းကတ်သွားဝယ်တာပါ။ ပြီးတော့ပြန်လာတာပါပဲ။ ကျွန်မပြန်ရောက်မှ အဲဒီလက်ထောက်အမျိုးသမီးက ယောက်ျားတယောက်နဲ့အပြင်ထွက်သွားတာတောင် တွေ့လို့နှုတ်ဆက် လိုက်ပါသေးတယ်။ ကျွန်မလေ စိတ်အရမ်းတိုပေမယ့် ကျွန်မပါမောက္ခကို ပြောပြလိုက်ပါတယ်။ ကျွန်မ ဖုန်းကတ်သွားဝယ်တာပါလို့။ ကျွန်မညတိုင်းအိန္ဒိယကို ဖုန်းဆက်ပါတယ်။ အခန်းထဲက တီဗီကလည်း ကျွန်မနားမလည်တာတွေလာ၊ အွန်လိုင်းတက်ရင်တက်၊ မတက်ရင်အရမ်းအထီးကျန်လွန်းတော့ ကျွန်မမှာ ဒီဖုန်းလေးပဲအားထားနေရတာပါ။ ဆရာကကျွန်မပြောတာကို ချက်ချင်းယုံပါတယ်။ ဘာလို့လဲဆိုတော့ တနေ့ကသူဖုန်းခေါ်တဲ့အချိန်ကျွန်မမှာဖုန်းကတ်ကုန်သွားတာ သူသိလို့ပါ။ ဆရာကတော်ကိုလည်း ပြောပါတယ်။ မင်းစဉ်းစားကြည့်တဲ့ ဒီကလေးက အခုပုံဆို ညတောင် ကောင်းကောင်းအိပ်ပျော်မှာ မဟုတ်ဘူးတဲ့။ ဒီလိုနေရာမှာလုံးဝမထားနိုင်ဘူးတဲ့။ အဲဒါနဲ့ညတွင်းချင်းပဲ သူ့အိမ်ကို ပြောင်းပေးပါတယ်။ ဟိုတယ်ကို ပစ္စည်းယူဖို့သွားကြတော့ ဆရာကစိတ်တိုနေတော့ ပိုင်ရှင်နဲ့စကားပြော ဖို့ ဆရာကတော်ပါလိုက်လာပါတယ်။ ပိုင်ရှင်ကပြန်မရောက်သေးပါဘူး။ ကျွန်မပစ္စည်းသိမ်းနေတုန်းမှာပဲ သူပြန်ရောက်လာပါတယ်။ ကျွန်မကိုနားလည်မှုလွဲတာဖြစ်ပါလိမ့်မယ်တဲ့။ ကျွန်မလည်း အင်္ဂလိပ်စကားပြော နိုင်ငံကလာတာမဟုတ်ပါဘူး။ အသံထွက်မှားတာ၊ သဒ္ဒါမှားတာ၊ သူဘာရည်ရွယ်တာ ကျွန်မ ကောင်းကောင်း ခွဲခြားနိုင်ပါတယ်။ အဲဒါနဲ့ မဟုတ်ပါဘူး။ ဒီလိုဒီလိုပဲဆိုတော့ အဲဒီလူက ဘင်္ဂလားဒေ့ရ်ှကပါတဲ့။ သူတို့ဆီမှာ တည်းနေလို့ မိတ်ဆွေဖြစ် ထမင်းသွားစားတာပါ။ သူနဲ့ဘာမှမပတ်သက်ပါဘူးတဲ့။ အခုအဲဒီလူလည်း မရှိတော့ပါဘူး ပြန်သွားပါပြီတဲ့။ ကျွန်မကဘယ်လိုယုံရမလဲ။ သူနဲ့အခုထမင်းသွားစားတဲ့သူ၊ သူတောင် အခုမှပြန်ရောက်တာ။ အခုပြဿနာဖြစ်လို့ အဲဒီလူကို ဆက်မထားတော့ဘူးဆိုရင်တောင် ဒီလူဟာ အခုသူနဲ့ပါလာပြီး ပစ္စည်းသိမ်းတာမျိုး၊ သူနဲ့ဟိုတယ်ဖိုးရှင်းတာမျိုးတွေ့ရမယ်။ အခု အဲဒီလူလုံးဝ ပါမလာဘူး။ ပြီးတော့ ဒီနိုင်ငံသားမဟုတ်ဘူးဆိုတဲ့သူ အခုချက်ချင်းဟိုနေဒီနေနေလို့ရလား။ ကျွန်မဘာမှမပြောပေမယ့် ဆရာ့ကိုဆက်မနေရဲဘူးပဲပြောလိုက်ပါတယ်။ ဆရာကလည်း လုံးဝထားဖို့ရည်ရွယ်ချက်မရှိတော့ ကျွန်မကို အိမ်ခေါ်သွားပါတယ်။ နောက်ရက်ကျတော့မှ ဆရာတို့ပထမ အလုပ်သင်တွေအတွက် ငှားထားတဲ့အိမ်က စာချုပ်ပြည့်တော့မှာကိုကျွန်မပြန်မယ့်ရက်အထိထပ်တိုးလိုက်ပြီး ကျွန်မကိုအဲဒီအိမ်မှာနေခိုင်းပါတယ်။

ဒီအဖြစ်အပျက်မျိုးတချို့လည်းကြုံဖူးကြမှာပါ။ ကျွန်မပြောချင်တာက မိန်းကလေး တယောက်တည်းဆိုတာနဲ့ အကဲစမ်းချင်သလိုမျိုးလုပ်တတ်တဲ့ တချို့သောယောက်ျားတွေရဲ့စိတ်ဓါတ်၊ တချိန်တည်းမှာပဲ ညဘက်အပြင်ထွက်လို့ အထင်သေးခံရတာဖြစ်မယ်ဆိုတဲ့ လက်ထောက်အကူ (သူကိုယ်တိုင်ကျ ညဘယ်အချိန်အိမ်ပြန်မှန်း မသိဘူး။)။ ဘာဖြစ်လို့များ လူလူချင်းစာနာစိတ်မျိုး မရှိကြတာပါလိမ့်။ နောက်ရက်ရုံးတက်တော့ ကျွန်မအဲဒီအကြောင်းရုံးက သီရိလင်္ကာသူတွေနဲ့၊ အလုပ်သင်အန္ဒိယမလေးကို ပြောပြတော့အဲဒီလက်ထောက်ကိုသူတို့က ပိုတောင်ဒေါသထွက်ကြသေးတယ်။ ဒီစကားမျိုးပြောရပါ့မလားဆို ပြီးတော့။ ဟိုတယ်နဲ့သူနဲ့အရမ်းရင်းနှီးတယ်ဆိုရင်တောင် ဘက်မလိုက်တဲ့စကားမျိုးပဲဖြစ်ဖြစ်၊ သူမသိလိုက်ဘူးပဲဖြစ်ဖြစ် ပြောလိုက်ရင်ရရဲ့သားနဲ့ တဖက်သားရဲ့သိက္ခာကိုချိုးနှိမ်လိုက်တာ အရမ်းအံ့သြမိပါတယ်။ ကိုလန်ဘိုကလည်း တရားဝင်မြို့တော်မဟုတ်ပေမယ့် စီးပွားရေးမြို့တော်ပါ။ (မြန်မာနိုင်ငံမှာဆို ရန်ကုန်နဲ့နေပြည်တော်လို သူတို့ဆီမှာလည်း တရားဝင်မြို့တော်နဲ့ စီးပွားရေးမြို့တော်ရှိပါတယ်။) ညကလပ်တွေဘာတွေရှိပါတယ်။ ကျွန်မတို့ကွန်ဖရင့်တုန်းကတောင် စီနီယာ စကော်လာတွေ၊ ဂျူနီယာစကော်လာတွေ စုပြီးသွားတတ်ကြပါတယ်။ ပြီးတော့ ည၈နာရီလောက်အထိက ရန်ကုန်မှာလိုပဲ အလုပ်ပြန်တဲ့သူတွေစည်ကားနေတတ်တာပါ။ နေရာတိုင်းမှာအဲဒီလိုစိတ်ဓါတ်ညံ့ဖျင်းတဲ့ လူမျိုးတွေ ရှိနေတာအဆန်းမဟုတ်ဘူးဆိုပေမယ့် တာဝန်သိတတ်တဲ့၊ နှမချင်းစာနာကူညီတတ်တဲ့ သူတွေလည်း အများကြီးလိုပါတယ်။ မိန်းကလေးတယောက်ညဘက်အပြင်ထွက်လို့ အထင်သေးတယ်လို့ ပြောကတည်းက အဲဒီပြောတဲ့သူရဲ့စိတ်ဓါတ်အဆင့်အတန်းကိုခန့်မှန်းလို့ရနေပါပြီ။ လူတိုင်းမှာ ကိုယ့်အကြောင်း ကိစ္စနဲ့ကိုယ်ပဲလေ။ အဲဒါကိုရမ်းသမ်းစွပ်စွဲလိုက်တော့ အစွပ်စွဲခံရတဲ့သူအတွက်က နစ်နာသွား ရပါတယ်။ ကျွန်မလိုလူမျိုးအတွက်ကတော့ ရေရှည်မုန်းတီးနာကျည်းမနေပါဘူး။ ကိုယ်သူပြောသလိုမှ မဟုတ်ဘဲဆိုတဲ့ယုံကြည်ချက်နဲ့ပါ။ ကျွန်မသူ့နဲ့နောက်ဆုံတဲ့အခါလည်း ကောင်းကောင်းမွန်မွန်ပဲ နှုတ်ဆက် ပါတယ်။ ဒါပေမယ့် အဲဒီလူရဲ့အဆင့်ဘာဆိုတာ ကိုယ်သိသွားတဲ့အတွက် ရှက်ရမယ့်သူကသူဖြစ်သွားပြီ ဆိုတာတော့ အဲလိုလူတွေသဘောမှပေါက်ကြရဲ့လားမသိပါဘူး။

Monday, April 26, 2010

မှတ်မိနေတဲ့ ဟောပြောပွဲ

ဟိုတနေ့က စာရွက်တွေရှင်းရင်း တက္ကသိုလ်ဒုတိယနှစ်တုန်းက တက္ကသိုလ်ချင်းပူးပေါင်းဖလှယ်မှုအစီအစဉ် စာပေဟောပြောပွဲမှာ ဆရာကြီး၊ ဆရာမကြီးတွေဟောပြောတာကို မှတ်သားထားခဲ့ဖူးတဲ့ စာရွက်လေးကိုပြန်တွေ့ပါတယ်။ ၁၅ရက် ၈လ၊ ၂၀၀၃ခုနှစ်ပေါ့။ ဒေါက်တာခင်အေး (ပါမောက္ခ၊ ရန်ကုန်တက္ကသိုလ်)က လူငယ်နှင့်စာပေဆိုတဲ့အကြောင်းကို ဟောပြောခဲ့တာပါ။ မှတ်ထားတာတွေကတော့ အများကြီးပါ။ အတိုတွေမှတ်ထားတော့ အဓိပါယ်စဉ်းစားလို့မရတော့တာပါတယ်။ စဉ်းစားလို့ရတာပါတယ်။ “ကျားသေရင်သားရေ ချန်ရမယ်၊ လူသေရင်နာမည်ကျန်ရမယ်”ဆိုတာတွေလည်း ပါတယ်။ စာထဲမှာပါတဲ့လူတွေ အကြောင်းလည်းပါတယ်။
ဆရာကစာပေကို ၄မျိုးခွဲပြသွားတာပါ။ နံပါတ် ၁က နှလုံးသားတံခါးခေါက်တဲ့စာတဲ့။ ၀တ္ထုလိုမျိုးစာပေါ့။ လူအကြောင်းစိတ်ဝင်စား အောင်ရေးထားတာမျိုး။ နံပါတ် ၂က ကဗျာလိုစာမျိုးပါ။ ခံစားမှုနဲ့ပတ်ဝန်းကျင်အသိအမြင်ကိုပေးတဲ့စာမျိုးပေါ့။ နံပါတ် ၃ကအတ္ထုပတ္တိပါ။ နံပါတ် ၄က အက်ဆေး၊ ရသစာတမ်းငယ်ပါ။ ၁၆၊ ၁၇ ရာစုမှာစထွန်းကားတယ်လို့ဆိုပါတယ်။ ဆရာပြောခဲ့တာအများကြီးပါ။ အခုပြန်ဖတ်တော့ ဆရာ့ကိုပြန်ပြီးငြင်းချင်တာတွေတောင်တွေ့လာပါတယ်။ ကိုယ်လက်မခံနိုင်တာမျိုးပေါ့။ ဒါပေမယ့် ဆရာရွတ်ပြခဲ့တဲ့စာအပိုင်းအစလေးတွေကိုအခုထိကြိုက်နေပါသေးတယ်။
“သူများလင် သူများသား ကျားကိုက်လို့သေသေ
ပျိုတို့မောင်ရွှေရောင်ချစ် မင်းဖြစ်ဖို့အရေးကြီးတယ်”
ဘာရယ်တော့မဟုတ်ဘူး။ အဓိပ္ပါယ်ကိုဖတ်တိုင်းသဘောကျမိတာပါ။ နောက်တခုက
“အမေပေးတဲ့လင်
ပုခုံးမှာရွှေရည်လူးစေတော့
ကြိုက်ဖူးရှင်
တို့များကြိုက်တဲ့လင်
အ၀တ်ပင်လည်တွင်စုတ်စေတော့
ရွှေရုပ်လိုထင်” တဲ့။
ဖတ်မိတိုင်းပြုံးမိတာပါ။ ဟုတ်လားလို့အမတွေကိုမေးကြည့်ရဦးမယ်။
အဲဒီတုန်းက ဒေါ်လေးမော် (ဒဂုန်တက္ကသိုလ်) ကလည်း ဘာသာစကားအကြောင်းသိကောင်းစရာ ဟောပြောပါတယ်။ ပုဂံခေတ်မှာကတည်းက ဘာသာစကားကတော်တော်အခြေခိုင်နေပြီဖြစ်ကြောင်း၊ ဗန်းစကားတွေဟာ မူလရင်းမြစ်ကနေ ဆင့်ပွားသုံးရင်းပေါ်ပေါက်လာကြောင်းဟောပြောပါတယ်။ တချို့စကားတွေက မွေးဖွားလာတယ်။ ပြီးတော့ ရှင်သန်တိုးပွားလာပါတယ်။ တချို့ဘာသာစကားတွေကတော့ မွေးဖွားလာတယ်။ ပေါ်ပေါက်လာတယ်။ နောက်ပိုင်း သေဆုံးသွားတယ် (တိမ်ကောသွားတယ်)လို့ဆိုပါတယ်။ ဥပမာဆိုရင် ပျူဘာသာစကား။
နောက်ကျွန်မတို့ ပုသိမ်တက္ကသိုလ်က မြန်မာစာပါမောက္ခဒေါ်ခင်သန်းဦး (ဒေါ်မိုးမြေ)က ဒဿနမှသည် ၀တ္ထုဆီသို့၊ ၀တ္ထုမှသည် ရသဆီသို့ ဆိုတဲ့ခေါင်းစဉ်နဲ့ပြောသွားပါတယ်။ ဒဿနဆိုတာ လောကရဲ့အတွေးအမြင်ဖြစ်ပါတယ်။ လူတွေက လောကကိုဘယ်လိုတွေးမြင်သလဲဆိုတာမျိုးပေါ့။ မိမိကိုယ်ကိုစိတ်ဝင်စားတဲ့အခါ အတွေးအမြင်တွေပေါ်ထွက်လာပါတယ်တဲ့။ အဲဒီအတွေးအမြင်တွေထဲက ကောင်းတာတွေကို ပုံဝတ္ထုနဲ့သာဓကပြုပါတယ်။ အဲဒီကမှ လူ့နှလုံးသားထိခိုက်လှုပ်ရှားလာအောင် ရသက အားဖြည့်ပါတယ်။ အဲဒါကြောင့် စာဖတ်သူထက် စာရေးသူက စိတ်ကူးစိတ်သန်းကောင်းဖို့၊ အတွေးအမြင်ရှိဖို့ လိုအပ်ကြောင်း၊ စာရေးသူသည် ပရိသတ်နဲ့လည်း တသားတည်းဖြစ်ဖို့လိုကြောင်း၊ ပရိသတ်စိတ်လှုပ်ရှားအောင် ကိုယ့်အရေးအသားနဲ့ဆွဲဆောင်နိုင်ဖို့လိုကြောင်း စတာတွေဟောပြောသွားပါတယ်။
(ပြန်လည်မျှဝေပေးတာပါ။ )

Saturday, April 24, 2010

ဆင်ခြင်ဉာဏ်

မေ့သမီးက သူများအကြောင်းလည်း တတ်နိုင်သမျှမရေးချင်ပါဘူး။ ကိုယ်တိုင်လည်းအမှားမကင်းတဲ့သာမာန်လူဆိုတော့ သူများကိုအပြစ်မတင်ခင် ငါသာ သူ့နေရာမှာဆိုရင်ရော ဆိုတာမျိုး စဉ်းစားလေ့ရှိပါတယ်။ ဒါပေမယ့်လည်း ကိုယ်တိုင်ကလူငယ်ဆိုတော့ စဥ်းစားတာနောက် လုပ်ချင်တာကအရင်ဆိုတာမျိုးလည်း ဖြစ်ဖြစ်သွားပါတယ်။ အခုတလော သူငယ်ချင်းတွေနဲ့စကားပြောဖြစ်ရင်း၊ စာတွေဖတ်ရင်းကနေ သားသမီးတွေကြောင့် သိက္ခာကျရ၊ မိဘတွေမြှောက်စားလွန်းလို့ ပတ်ဝန်းကျင်နဲ့သဟဇာတမဖြစ်တဲ့ သားသမီးတွေအကြောင်းကိုကြည့်ပြီး ဒီဇင်ဘာတုန်းက ကိုယ်သွားခဲ့တဲ့သီရိလင်္ကာက ကိုယ်အရမ်းလေးစားရတဲ့ပါမောက္ခတို့ မိသားစုအကြောင်းကို ဖောက်သည်ချချင် လာမိပါတယ်။ အဓိကပြောချင်တာက ကိုယ့်ဆရာနဲ့ သူ့သားအကြောင်းပါ။

ကိုယ့်ပါမောက္ခက သီရိလင်္ကာမှာ အခုအစိုးရမတိုင်ခင် အစိုးရလက်ထက်က ICT regulatory ကပါ။နည်းပညာဝန်ကြီးလောက်ရာထူးမျိုးပါ။ ဒါပေမယ့် သမ္မတတယောက်ပြောင်းရင် အစိုးရတခုပြောင်းတဲ့အချိန်မှာ သူကအဲဒီရာထူးရထားတာပါ။ သူတာဝန်ထမ်းဆောင်နေချိန်မှာ အမေရိကမှာကျောင်းတက်နေတဲ့သူ့သားက ဘွဲ့ရလို့နိုင်ငံကိုပြန်လာချင်ပါသတဲ့။ အမေရိကမှာဆက်မနေချင်ဘဲ ကိုယ့်နိုင်ငံပဲကိုယ်ပြန်နေချင်တဲ့ သားလုပ်သူကို ဆရာကခေါ်မထားချင်ပါဘူးတဲ့။ အဲဒီအချိန်မှာ သီရိလင်္ကာမှာလည်း အဲဒီလိုကြီးကြီးပိုင်းအရာရှိ ကြီးတွေမှာ သားသမီးတွေကမလိမ္မာလို့ ဒုက္ခရောက်တာအများကြီးရှိခဲ့ပါတယ်။ မိဘကရာထူးကြီးတယ်ဆိုပြီး သားသမီးတွေက လုပ်ချင်ရာလုပ်ကြတာတွေကို မိဘတွေကမရှင်းနိုင်တော့တဲ့အခါ အလုပ်ပြုတ်ကြ သိက္ခာကျကြနဲ့ပေါ့။ အဲဒီတော့ ကိုယ့်ဆရာကလည်း သူ့သားပြန်လာပြီး ဒီလိုနေမှာကိုစိုးရိမ်တယ်လေ။ အဲဒီတော့ ပြန်မလာရတချက်လွှတ်အမိန့်ထုတ်ထားပါတယ်။ တကယ်တော့ ဆရာကသာ စိတ်ပူတာပါ။ သူ့သားကတကယ့်လူတော်ပါ။ ဒါပေမယ့် ဆရာကပြန်မလာရဘူးဆိုတော့ သားကသူလည်း ဘာမမလုပ်ပဲနဲ့ပြန်မလာရဘူးဆိုတော့ မကျေနပ်ဘူးပေါ့။ အဲဒီကနေ ငြိမ်းချမ်းစွာဆန္ဒပြတာတွေ၊ စစ်အေးတိုက်ပွဲတွေ သားအဖနှစ်ယောက်ကြားဖြစ်နေတာပေါ့။ နောက်ပိုင်း အဲဒီအစိုးရပြုတ်သွားပြီး အစိုးရသစ်တက်လာတဲ့အချိန်ကျတော့ ဆရာကအဲဒီရာထူးမဟုတ်တော့ပါဘူး။ အဲဒီတော့မှ ဆရာက သူ့သားကိုနိုင်ငံကိုပြန်လာခွင့်ပြုပါတယ်။ ကန့်သတ်ချက်တွေနဲ့ပြန်ခွင့်ပြုတာပါ။ ထမင်းကျွေးထားမယ်၊ အိမ်မှာ နေခွင့်ပေးထားမယ်၊ သုံးဖို့ပိုက်ဆံတပြားမှထုတ်မပေးနိုင်ဘူး၊ ကားသုံးခွင့်မပြုဘူးတဲ့။ ဒီအချိန်မှာ ကြားဖြတ်ပြီး ဆရာတို့ရဲ့အခြေအနေကိုပြောပြပါ့မယ်။ ဆရာတို့လင်မယားနှစ်ယောက်စလုံးက သီရိလင်္ကာမှာ ပထမဘွဲ့ကိုယူပြီး ပါရဂူဘွဲ့ကို အမေရိကားမှာ နှစ်ယောက်စလုံးယူခဲ့တာပါ။ အစိုးရဆီမှာ ရာထူးမယူခင်က ဆရာက သီရိလင်္ကာတက္ကသိုလ်ကပါမောက္ခပါ။ မိသားစုအသိုင်းအ၀ိုင်းကလည်း အဲဒီကအခြေအနေနဲ့ဆိုရင် ဆွေကြီးမျိုးကြီးတွေပါပဲ။ သမီး၂ယောက်ကလည်း အမေရိကမှာပဲနေပြီးကျောင်းတက်ကြပါတယ်။ သူတို့ ၂ယောက်ကတော့ အကိုလိုမဟုတ်ပါဘူး။ သီရိလင်္ကာမှာ မိဘရှိလို့သာပြန်လာတာပါတဲ့။ အမေရိကမှာပဲ ပျော်ပါတယ်တဲ့။ ငွေရေးကြေးရေးအရရော၊ ပညာရေးအရရော ပြည့်စုံတဲ့မိသားစုပါ။ ဆရာ့အတွက် သူ့သားကို တသက်လုံးကျွေးထားရရင်တောင် သူမွဲမသွားနိုင်ပါဘူး။ အဲဒါတောင်မှအမေရိကက ဘွဲ့ယူပြီးပြန်လာတဲ့ သူ့သားကိုပိုက်ဆံမပေးနိုင်ဘူး၊ ကားပေးမသုံးဘူးတဲ့။ သားလုပ်တဲ့သူကလည်း အိုကေဆိုပြန်ချလာပါတယ်။ နောက်ပိုင်းကိစ္စတွေကတော့ ဆက်မပြောတော့ပါဘူး။ ကိုယ်သီရိလင်္ကာမှာ နေခဲ့တဲ့တလမှာ ကိုယ်နေနေတဲ့ ဟိုတယ်မှာအခက်အခဲတခုကြောင့် အိမ်ပြောင်းဖို့အဆင်မပြေခင်မှာ ဆရာ့အိမ်မှာ ၂ရက်နေခဲ့ရပါတယ်။ ကိုယ်အရမ်းလေးစား၊ သဘောကျတဲ့မိသားစုပါ။ ဆရာ့သားဆိုလည်း တော်တော်ထက်မြက်တဲ့လူ တယောက်အဖြစ်အသိအမှတ်ပြုခဲ့ရပါတယ်။ ဒါပေမယ့် အဲဒီမိသားစုမှာကိုယ်အကြိုက်ဆုံးအချက်ကတော့ မာန်မတက်တာပါပဲ။

နောက်ပြီးတော့ တောင်အာရှက ICT Scholar တွေနယ်ပယ်မှာ ဆရာရဲ့အတွေးအခေါ်၊ ပြတ်သားတဲ့ အသုံးအနှုန်းတွေက တော်တော်ရေပန်းစားပါတယ်။ ကိုယ်တို့တက်ခဲ့တဲ့ ကွန်ဖရင့်မှာ အိန္ဒိယကလာတက်တဲ့ ပါမောက္ခကဆို “ရိုဟန်မို့လို့ စကားပြောလိုက်ရင် ကိုယ်တို့ပြောမထွက်တာ၊ မပြောရဲတာတွေချည်းပဲ သူပြောပြီးပြီဆိုမှ ကျန်တဲ့သူတွေကလိုက်ပြောရဲတယ်” တဲ့။ ဟုတ်လည်းဟုတ်ပါတယ်။ ထားပါတော့လေ။ ကိုယ်ဒီစာကိုရေးတာ ကိုယ့်ပါမောက္ခဘယ်လောက်တော်ကြောင်း ကြွားဖို့ရေးတာ မဟုတ်ပါဘူး။ သူ့ရဲ့စဉ်းစားဥာဏ်၊ သားသမီးကိုချစ်ပေမယ့် နာမည်နဲ့သိက္ခာကို သားသမီးကြောင့် အပျက်အစီး မခံတဲ့သဘောထား၊ သားသမီးတွေကိုလည်း လူကောင်းလူမွန်တွေဖြစ်အောင်၊ ကိုယ့်ခြေထောက်ပေါ် ကိုယ်ရပ်နိုင်အောင်ဆုံးမတတ်တာတွေကိုကြည့်ပြီး ကိုယ်အရမ်းလေးစားခဲ့တာပါ။ သူတို့နဲ့တချို့တချို့သောမိဘတွေရဲ့သားသမီးတွေကိုယှဉ်ကြည့်ပြီး………..။

ပညာကြောင့်များ စဉ်းစားဥာဏ်ကွာသွားတာလားလို့ တွေးမိပါတယ်။

Thursday, April 22, 2010

ဖေဖေ့ ဆုံးမစာ

ဒီရက်ပိုင်းအသစ်တင်ဖို့ကလည်း လူကအရမ်းအလုပ်များနေတာ။ ဘလော့လည်ဖို့တောင် သိပ်အချိန်မပေးနိုင်။ သွားလည်ရင်လည်း မမန့်ဖြစ်။ ရေးထားတာတွေလည်း စိတ်တိုင်းမကျတော့ မတင်ဖြစ်သေးဘူး။ အဲတော့ အရင်တုန်းက တင်ဖို့စဉ်းစားရင်းမတင်ဖြစ်ခဲ့တဲ့ ဖေကြီးဆီကဆုံးမစာကို တင်လိုက်ပါတယ်။ ကိုယ်စင်္ကာပူမှာ ကျောင်းလာတက်ရတော့မယ်ဆိုတော့ ဖေကြီးက စာအုပ်လေးတအုပ်နဲ့ ပြောချင်တာတွေကိုရေးထားပြီး ကိုယ့်ကိုလေယာဉ်ကွင်းလိုက်ပို့တော့ပေးလိုက်တာပါ။ (အဲဒီတုန်းက ဖေကြီးကတခြားမြို့မှာ တာဝန်ကျနေ တာပါ။) အဖေတယောက်ရဲ့သမီးတယောက်အပေါ် မေတ္တာနဲ့ဆုံးမထားတဲ့စာကို ချစ်တဲ့သူတွေကို မျှဝေတဲ့သဘောပါ။ ရာဇ၀င်တွင်တဲ့စာမဟုတ်ပေမယ့် ကိုယ့်အတွက်တော့ တန်ဖိုးမဖြတ်နိုင်တဲ့စာလေးပါ။ ပြန်ဖတ်ဖြစ်တဲ့အခါတိုင်း အဖေ့အဆုံးအမနဲ့ မကိုက်ညီတဲ့ အပြုအမူတွေ၊ လုပ်ရပ်တွေအတွက် ၀မ်းနည်းမျက်ရည်ကျခဲ့ရတာပါ။

သမီး

ဘ၀ကို မမေ့နဲ့

ရည်ရွယ်ချက်ကိုမမေ့နဲ့

ကျေးဇူးရှင်ကို မမေ့နဲ့

ရတနာသုံးပါး (ဘုရား၊ တရား၊ သံဃာ) ကိုမမေ့နဲ့၊

သမီးရဲ့ ပထမဆင့် ရည်မှန်းချက်အောင်မြင်သွားပြီ၊ စင်္ကာပူမှာ တက္ကသိုလ်တက်ခွင့်ရပြီ။ တက္ကသိုလ်မှာ စာတော်အောင်ကြိုးစားပါ။ သမီးရဲ့ကြိုးစားမှုဟာ အတ္တအကျိုးစီးပွားမဖြစ်စေဘဲ ကိုယ့်လူမျိုး၊ ကိုယ့်တိုင်းပြည်ရဲ့ ကိုယ်စားပြုတဲ့ လူတယောက်အနေနဲ့ ပညာရေးမှာအောက်တန်းမကျရအောင် ကြိုးစားဖို့အရေးကြီးတယ်။

ကျန်းမာရေးကိုလည်းအမြဲဂရုစိုက်ပါ။ ဂရုစိုက်တယ်ဆိုတာက စားတဲ့နေရာ၊ အိပ်တဲ့နေရာ၊ သဘာဝရဲ့ ရာသီဥတု စတာတွေနဲ့ သင့်တင့်လျောက်ပတ်အောင်နေတတ်ဖို့ အမြဲတမ်းကိုယ့်ကျန်းမာရေးကို ဂရုစိုက်ပြုပြင်နေပါ။

စိတ်ပိုင်းဆိုင်ရာ မကျန်းမာခဲ့ရင်၊ စိတ်ထဲမှာ အလိုဆန္ဒမပြည့်ခဲ့ရင်၊ စိတ်ညစ်စရာတွေကြုံရရင် ချက်ချင်း၊ မြတ်စွာဘုရားရှင်ရဲ့ ဂုဏ်တော်တခုခုကို ရွတ်လိုက်ပါ။ အလွယ်ကူဆုံး သရဏဂုံသုံးပါးကို ရွတ်ဆိုပူဇော်ပါ။

အခက်အခဲတွေ့ရင် “အဋ္ဌာနမေတံ…” ကိုရွတ်ပါ၊ နေ့စဉ်အနည်းဆုံး တစ်ခေါက်ရွတ်ပါ။ နေ့စဉ် မေတ္တာသုတ်၊ ရတနသုတ်ကို ရွတ်ပါ။ အချိန်ရရင် မြန်မာလို ဦးဝိစိတ္တသာရာဘိဝံသ၏ အရပ် (၁၀) မျက်နှာ မေတ္တာပို့ပါ။ စိတ်ကြည်လင်လိမ့်မယ်။

“လုပ်တိုင်းမဖြစ်၊ စိတ်မညစ်နဲ့” မမြဲတဲ့ အနိစ္စသဘော၊ ဆင်းရဲပူပန်ရတဲ့ဒုက္ခသဘော ကိုယ်ဖြစ်ချင်တိုင်းမဖြစ်တဲ့ ကိုယ့်ဆန္ဒအတိုင်း မပြည့်တဲ့၊ အနတ္တသဘောတွေ၊ ပင်ကိုယ်ကရှိနေတာ သဘာဝအတိုင်းရှိနေတာ သိဖို့လိုပါတယ်။

မိမိရဲ့ ရုပ်ပိုင်းဆိုင်ရာနဲ့စိတ်ပိုင်းဆိုင်ရာကို ထိန်းသိန်းစောင့်ရှောက်ပါ။ Morality is poor man’s capital. သူများထိန်းလို့မရဘူး၊ ကိုယ့်ကိုယ့်ကို ထိန်းမှရတာ

“အနေအထိုင်ရှေးကျကျ

အသိပညာခေတ်မီကြ”

ကိုယ့်လူမျိုး၊ ကိုယ့်ဘာသာ ကိုယ့်ယဉ်ကျေးမှုအရ ၀တ်စားဆင်ယင်မှုကို ထိန်းသိမ်းပါ၊ ဒေသအလိုက်ဝတ်စား ဆင်ယင်ရတာ ရှိပေမယ့် လုံလုံခြုံခြုံဝတ်ဆင်ပါ၊ မူးယစ်ဆေးကိုရှောင်ပါ။

အသိပညာ၊ အတတ်ပညာနဲ့ပတ်သက်ရင်ခေတ်နောက်မကျအောင် အစွမ်းကုန်ကြိုးစားပါ။

ရည်ရွယ်ချက်ကို ဘယ်တော့မှမမေ့နဲ့၊ စာကိုကြိုးစားပါ၊ စာတော်မှာ ကိုယ့်အတွက်နေရာရသလို၊ ကိုယ့်နိုင်ငံ၊ ကိုယ့်လူမျိုးအတွက်လည်း ဂုဏ်တက်မှာ “ကမ္ဘာမှာမြန်မာဆို” တဲ့ဂုဏ်သတင်းကျန်နိုင်အောင် ကြိုးစားပါ။ အားလုံးနဲ့သင့်မြတ်အောင်ပေါင်းပါ၊ ဆက်ဆံပါ။

အိမ်ကိုသတိရတိုင်း မြတ်စွာဘုရားဂုဏ်တော်တခုကို ပွားများရွတ်ဆိုပါ။ စာဖတ်ပါ။ အပြင်တွေကိုသိတ်မထွက်နဲ့။

* ဒေါသကိုထိန်းပါ၊ ဒေါသဖြစ်ရင် စိတ်ဆိုးရင် ဂုဏ်တော်ပွားပါ။

* အသုံးနဲ့ အဖြုန်းကို နားလည်ပါ

သမီးရတဲ့ပိုက်ဆံကို လက်ထဲမှာလုံလောက်အောင် အမြဲတမ်းပိုပိုလိုလိုသိမ်းထားပါ။ နောက်ကြောင်းကိုတွေးပြီး စိုးရိမ်ပူပန်မနေနဲ့။ ကိုယ့်လက်ထဲမှာ ငွေအလုံအလောက်ရှိမှလိုအပ်ရင် လိုအပ်သလိုအသုံးချလို့ရမှာ။

တက္ကသိုလ်စည်းကမ်း အဆောင်စည်းကမ်း အစရှိတဲ့ လိုက်နာရန်သတ်မှတ်ထားတဲ့ စည်းကမ်းတွေကို လေးလေးစားစားလိုက်နာပါ။ ဘယ်တော့မှမချိုးဖောက်နဲ့၊ စည်းကမ်းဆိုတာ လူ့ရဲ့တန်ဘိုးပဲ။ သူ့နိုင်ငံရဲ့ စည်းကမ်းတွေကို သိအောင်လုပ်ပြီး၊ လေ့လာပြီး လိုက်နာပါ။

အမျိုးသမီးအယောက် ၁၀၀မှာ ၉၀ လောက်က ကိုယ့်ကိုကိုယ်အားမကိုးချင်ကြဘူး။ ကိုယ့်မှာအစွမ်းအစမရှိသလိုနေကြတယ်။ အရည်အချင်းရှိတဲ့ (ကိုယ်ကသတ်မှတ်တဲ့) ယောက်ျားတယောက်နဲ့ အိမ်ထောင်ပြုလိုက်ရင် အဲဒီယောက်ျားရဲ့ ဦးဆောင်မှုအောက်မှာ၊ ကိုယ်ကနောက်လိုက်တယောက်အနေနဲ့ နေရတဲ့ (အပျင်းထူတဲ့) ဘ၀နဲ့ပဲကျေနပ်နေကြတာ၊ ပျင်းတာနဲ့၊ ရောင့်ရဲလွယ်တာကို မခွဲခြားတတ်ဘူး။ ပျင်းတာကို အလုပ်မလုပ်ချင်တာကို၊ မကြိုးစားချင်တာကိုပဲ ရောက်တဲ့ဘ၀လေးမှာ ကျေနပ်ပြီးရောင့်ရဲလွယ်တဲ့ တရားကိုလက်ကိုင်ထားတော့သလိုလို၊ မသိ မိုက်မဲမှုဆိုတဲ့ (အ၀ိဇ္ဇာ) အသိတရားက ဖုန်းကွယ်ဟန်ဆောင် နေတယ်။ အဲဒီအထဲမှာ ကိုယ်မပါစေနဲ့၊ ကမ္ဘာမှာယောက်ျားတွေနဲ့ ရင်ဘောင်တန်းပြီး ဦးဆောင်နိုင်တဲ့ တွေးခေါ်ဖန်တီးနိုင်တဲ့ ပညာရှင်၊ ခေါင်းဆောင်နေရာ ရောက်အောင်ရည်မှန်းချက်ထားပြီး အမြဲကြိုးစားပါ။

လူတယောက်ဟာ ကိုယ်ကချမ်းသာအောင် ကြိုးစားနိုင်ခဲ့ရင် မိမိဆွေမျိုး၊ မိမိအသိုင်းအ၀ိုင်းကိုထောက်ပံ့နိုင်မယ်၊ မိမိပတ်ဝန်းကျင်ကိုထောက်ပံ့နိုင်မယ်၊ မိမိရပ်ကွက်၊ မိမိနိုင်ငံ၊ မိမိတိုင်းပြည်၊ တဆင့်ပြီးတဆင့်ပံ့ပိုးကူညီနိုင်မယ်၊ ဒါကိုပဲ လှုတာ၊ သဒ္ဓါတရားလို့ခေါ်တာပေါ့၊ ကိုယ်က မကြိုးစားဘူး၊ ရရစားစားနဲ့ ကျေနပ်အပျင်းထူနေရင် ကိုယ့်ပတ်ဝန်းကျင်ကို ဘယ်လိုမှအကျိုးမပြုနိုင်တော့ဘူး။

ဒါကြောင့်မြတ်စွာဘုရားက လောကတ္ထစရိယ၊ လောကအတွက်၊ ဉာတတ္ထစရိယ ဆွေမျိုးအကျိုးစီးပွားအတွက်၊ ဗုဒ္ဓတ္ထစရိယဘုရားဖြစ်ဖို့ ကျင့်ခဲ့တာ

မိမိကိုယ်ကို အားကိုးရဲသော မိမိကံကိုအားကိုးနိုင်သောလူဖြစ်ပါစေ…

ဖေကြီး

ဒါတွေက ဖေကြီးရေးပေးလိုက်တာ အကုန်ပါပဲ။ ဒီစာအုပ်လေး ထည့်ပြီးပြီးတော့ နောက်ပိုင်းလူကြုံရှိလို့ စာနဲ့ပစ္စည်းထည့်ပေးရင် ဖေကြီးကအထူးအထွေမမှာ တော့ပါဘူး။ သမီးအတွက်တသက်လုံးစာ ရေးပေးလိုက်ပြီးပြီတဲ့။

Friday, March 26, 2010

မေးမယ်နော်

ဖေ့ဘွတ် (Facebook) ပေါ်က သူ့ကွန်မန့် (Comment) တွေဖတ်မိရင်မရယ်ဘဲမနေနိုင်ဘူး။


ဆုံခဲ့ကြတဲ့အကြောင်းတွေပြန်စဉ်းစားမိရင် သူ့ကိုလွမ်းတယ်


ပြောခဲ့ကြတဲ့ စကားတွေကို ပြန်တွေးမိရင် ချက်ချင်းတွေ့ချင်လာတယ်


ဖုန်းဆက်မိတိုင်းမှာ ဖုန်းကတ်ကုန်သွားမှာသာ ရပ်မယ် ကိုယ်ကတော့ မချရက်ခဲ့ဘူး


ပြောဖြစ်တဲ့ စကားတွေကတခါတလေ ပလေပဇာ


ဒါပေမယ့် တခြားသူထက် သူနဲ့ပဲပိုပြောချင်တယ်


ပျော်ရင် ဖုန်းဆက်ချင်တယ် ၀မ်းနည်းရင် ပြောပြချင်တယ်


အောက်မေ့လာရင် ပြေးတွေ့ချင်မိတယ်


မလှဘူးပြောမယ်မှန်းသိသိချည်းနဲ့ အ၀တ်အစားသစ်တွေ ၀တ်ပြမိတတ်တယ်


သူကလှတယ်ပြောရင် သူများပြောတာထက်ယုံတယ်


သူကမလိုက်ဘူးပြောတဲ့ အ၀တ်ကို ရှောင်မယ်


ဘယ်သူမှမပြောတဲ့ စကားကြမ်းကြမ်းတွေ ကိုယ့်ကိုပြောလည်း ကိုယ်ကစိတ်မဆိုးဘူး


သူ့ကိုပစ်ပစ်နှစ်နှစ်ဆဲရင်တောင် သူကပန်းနဲ့ပေါက်တယ်ထင်နေတတ်တာ


သူ့ကိုကိုယ့်အဘိဓာန်ထဲမှာ ဒီလိုဖွင့်တယ်

--------------


အဲဒါဘယ်သူလဲ ဖြေ။ :D

Sunday, March 21, 2010

မိတ်ဆွေသစ်

ကိုယ့်ကိုဂရုစိုက်တဲ့သူတယောက်ရှိတယ်ဆိုတဲ့ အသိကလူတိုင်းကို နွေးထွေးစေလိမ့်မယ်ထင်ပါတယ်။ ကိုယ်လည်း အခုအဲဒီလိုခံစားရပါတယ်။ ကိုယ့်ကိုကျောင်းမှာ Sweet Girl ၊ Sweet Smile ဆိုပြီး ချီးကျူးကြပါတယ်။ (ကြွားတာမဟုတ်ပါ) ကိုယ်တို့ကျောင်းက PhD အတန်းမှာ Michael ဆိုတဲ့ အာဖရိကန် တယောက်ရှိပါတယ်။ တခြား PhD တွေက Teaching Assistant လုပ်ရတော့ ကိုယ်တို့နဲ့ခင်ပါတယ်။ သူတို့ဆီသွားပြီး စာမေးရတဲ့အတွက် တွေ့ရတာတွေရှိပါတယ်။ ဒါပေမယ့် အဲဒီအတန်းပြီးသွားရင်တော့ လမ်းတွေ့ရင်ပြုံးပြရုံ၊ စကားတခွန်းနှစ်ခွန်းပြောရုံအပြင်မပိုပါဘူး။ အဲဒီ Michael ကျတော့ကိုယ်တို့ အတန်းကို တခါမှစာမသင်ရဘူးပါဘူး။ ဒါပေမယ့် ကိုယ်တို့နဲ့တွေ့တိုင်း ရင်းရင်းနှီးနှီးနှုတ်ဆက်၊ ကိုယ်တို့ရဲ့စာတွေအကြောင်း၊ ကိုယ်ထွက်မယ့်ခရီးစဉ်တွေအကြောင်းကအစ အားလပ်ရက်ဘာလုပ်မှာလဲ ဆိုတာမျိုးကအစ ဂရုတစိုက်မေးပြီး နားထောင်တတ်ပါတယ်။ ကိုယ့်ကိုလည်း နင့်အပြုံးကိုမြင်ရတာ ငါ့စိတ်ထဲမှာ အရမ်းနွေးထွေးတာပဲ တဲ့။ ငါတခါတလေစိတ်ပင်ပန်းနေတဲ့အချိန်တောင် နင့်ကိုတွေ့လို့ နင်အဲဒီလိုပြုံးလိုက်ရင် ငါအမောပြေသလိုပဲတဲ့။ သူကိုယ်တိုင်ကလည်း တကယ်တော့ လူတိုင်းကိုပြုံးပြုံးရွှင်ရွှင်နဲ့ ဆက်ဆံတတ်သူပါ။ အဲဒီတော့ ကိုယ်ကလည်း သူ့ကိုတွေ့တိုင်း ဘာအရိပ်မှမပါတဲ့ အပြုံးသန့်သန့်နဲ့ပြုံးဖြစ်ခဲ့တယ်ထင်ပါတယ်။ ပြီးခဲ့တဲ့တပါတ်နှစ်ပါတ်လောက်ကတော့ ကိုယ်ကျောင်းမှာသိပ်မရှိခဲ့ပါဘူး။ စာတွေများနေတာကြောင့် အတန်းပြီးတာနဲ့အိမ်ပြန်ပြေးပါတယ်။ တချို့အတန်းတွေဆို တက်တောင်မတက်ဖြစ်ပါဘူး။ ကျောင်းမှာလုပ်တဲ့ ဆွေးနွေးပွဲတွေဆို မရောက်တာကြာလှပေါ့။ ကင်တင်းလည်းကိုယ်က သိပ်မသွားတော့ လူတွေကိုယ့်ကို ကင်တင်းမှာမြင်ရခဲပါတယ်။ အဲဒါနဲ့ တရက် Michael ကအီးမေးပို့လာပါတယ်။ ဟေမာ နင့်ကိုငါကျောင်းမှာ မတွေ့ဘူး။ ဒီတပါတ်လုံးလုံး နင့်အပြုံးကို မမြင်ရဘူး။ နင်အဆင်ပြေရဲ့လား တဲ့။


ကိုယ်နဲ့အမြဲတွဲနေတဲ့သူငယ်ချင်းတွေတောင် အခုအချိန်မှာ အရမ်းအလုပ်ရှုပ်နေကြတော့ ကိုယ့်ကို တပါတ်မမြင်လည်း အီးမေးပို့မမေးကြပါဘူး။ အခုလိုကိုယ့်ကိုဂရုစိုက်တဲ့သူတယောက်ရှိတယ်ဆိုတာ ကိုယ့်ကိုစိတ်ချမ်းသာစေပါတယ်။ ပြီးတော့ သူကကိုယ့်အပေါ်ရိုးသားတယ်ဆိုတာလည်း ကိုယ်သိနေတော့ သူ့ဆီကဒီလိုအပြောကို ပိုတန်ဖိုးထားမိပါတယ်။ ပြီးတော့သူနဲ့ကိုယ်ဟာ မေးပို့နေကျလူတွေမဟုတ်တော့ ကိုယ့်မေးကိုရဖို့အတွက် သူကျောင်း system ထဲမှာဝင်ရှာရမှာပါ။ ကိုယ့်ကိုမေးပို့အတွက် သူအဲဒီလို ဒုက္ခခံ တယ်ဆိုတော့ ကိုယ်သူ့ကိုကျေးဇူးအရမ်းတင်မိပါတယ်။

အဲဒါနဲ့ကိုယ်လည်း ကိုယ့်အတန်းတခုအတွက် ကိုယ်ပြင်ဆင်နေတာအဆင်မပြေလို့ ကိုယ် stress ရနေကြောင်း၊ ကျောင်းကိုသိပ်မလာဖြစ်ကြောင်းတွေပြောလိုက်တော့ သူကချက်ချင်းမေးပြန်ပို့ပါတယ်။ ကိုယ် Stress ရနေတယ်ဆိုလို့သူလည်းမပျော်နိုင်ပါတဲ့။ သူလုပ်ပေးနိုင်တာကို သူ့ကိုပြောဖို့၊ နောက်ဆုံးနှစ်ဝက်ဖြစ်တာကြောင့် လက်မလျှော့လိုက်ဖို့၊ အားတင်းထားဖို့တွေပေါ့။ ပြီးတော့ ကိုယ်အခုယူထားတဲ့ တချို့ဘာသာရပ်တွေဆို သူ့အတွက်တောင်သိပ်ခက်ခဲနေတာကို ကိုယ်ကယူထားတော့ ကိုယ့်ကိုအထင်ကြီးတဲ့အကြောင်း၊ ကိုယ်ဒီအခက်အခဲကို ကျော်လွှားနိုင်မယ်ဆိုတာ သေချာပါတယ်တဲ့။ ဘာပဲပြောပြောလေ ကိုယ့်အတွက်လည်း ကိုယ်စိတ်ညစ်နေတဲ့အချိန်မှာ ကိုယ်ပြောချင်တာကို ပြောလိုက်ရလို့ စိတ်ကျေနပ်သွားသလို ကိုယ့်ကိုဒီလိုအချိန်မှာဂရုတစိုက်မေးပို့လာတဲ့သူ့ကို တော်တော်ကျေးဇူးတင်သွား တာပါ။ သူအရင်တုန်းက ကိုယ့်ကိုတွေ့ရင် ၀မ်းသာတဲ့အကြောင်းပြောခဲ့တုန်းက ကိုယ်ကပဋိသဒ္ဓါရ စကားပြောခဲ့တယ်လို့ထင်ခဲ့တာပါ။ တချို့တချို့လူတွေလို ရင်ထဲကမပါဘဲ ပါးစပ်ကနေ စိတ်ပူတဲ့အကြောင်းပြောတတ်တဲ့သူတွေစာရင်းထဲ သူ့ကိုထည့်ခဲ့မိတာပါ။ အခုလို တကူးတကအီးမေးပို့၊ သူကူညီနိုင်တာဆိုကူညီမယ့်အကြောင်းပြောလာမှပဲ သူအမှန်တကယ်ကိုယ့်ကိုစေတနာထား၊ ခင်မင်မှန်း ကိုယ်သိလိုက်ရပါတယ်။ ဘာပဲဖြစ်ဖြစ် ကိုယ့်အတွက် ခင်မင်စရာ မိတ်ဆွေစစ်တယောက်တိုးလာတဲ့အတွက်ကိုယ်အခု အရမ်းဝမ်းသာနေပါတယ်။

Thursday, March 18, 2010

အတတ်စူးခြင်း

ငါ့အချစ်ကိုကာကွယ်ဖို့

နှလုံးသားကို သော့ခတ်ခဲ့တယ်

စွဲလန်းမှုတွေ ပျံ့နှံ့လို့

အလွမ်းဆိပ်တက်မှာ စိုးလို့ပါ


ဒါပေမယ့်

သူကတော့ အပြင်းအထန်ငြင်းတယ်

အလွမ်းဆိုတာ အချစ်ရဲ့ပြယုတ်

အလွမ်းမရှိတဲ့အချစ်က

ကမ်းမရှိတဲ့ပင်လယ်

ဆားမပါတဲ့ဟင်း

အလင်းမရှိတဲ့နေ့

ပြီးတော့...

ရနံ့မရှိတဲ့ပန်းတဲ့။


အချစ်ကိုသော့ပိတ်လို့

ကိုယ်က အလွမ်းကိုရှောင်တယ်

ဒါပေမယ့်

သူကကိုယ့်ကိုပြောတယ်

အဲဒီသော့ကနေပဲ အလွမ်းဆိပ်တက်

ကိုယ့်အချစ်က ပုံစံပျက်ခဲ့တာကြာလှပေါ့တဲ့…။

Wednesday, March 10, 2010

ကျောင်းစင်တင်ပွဲ

ကိုလူထွင်းကအားပေးလို့ ဆက်ရေးလိုက်ဦးမယ်။ (အမှန်တော့ကိုယ့်ဘာသာ ကိုယ်ရေးချင်နေတာပါ။) J

ကိုယ်တို့ပုသိမ်တက္ကသိုလ်မှာ နှစ်စဉ်စင်တင်ပွဲလို့အလွယ်ခေါ်တဲ့ပွဲကို နှစ်တိုင်းဖေဖော်ဝါရီလမှာ ကျင်းပပါတယ်။ (ကိုယ်ကျောင်းထွက်ပြီး နောက်တနှစ်မှာပွဲမဖြစ်ဘူးလို့ပြောပါတယ်။ အခုတော့ မသိပါ။) နေ့ခင်းဘက်မှာကျောင်းရှေ့ကကွင်းပြင်မှာ ဆိုင်ခန်းလေးတွေခင်းထားပြီး မေဂျာအလိုက်မုန့်တွေရောင်းပါတယ်။ အဓိကကတော့ ဌာနတခုချင်းစီအတွက် ရန်ပုံငွေပါ။ ကျောင်းသား ကော်မတီတွေနဲ့ဆရာတွေက ဦးဆောင်ရပါတယ်။ လက်မှတ်တွေကိုတော့ ကြိုပြီး ကျောင်းသားတယောက်ဘယ်နှစောင်နှုန်းနဲ့ ၀ယ်ရပါတယ်။ အဝေးသင်လာတက်ပြီး အဲဒီရက်ကျောင်းမှာမရှိနိုင်တဲ့ကျောင်းသားတွေအတွက် ဒီလက်မှတ်တွေဝယ်ရတာ အပိုကုန်တာ၊ စိတ်ညစ်စရာဖြစ်ရင်ဖြစ်မှာပါ။ တချို့နေ့ကျောင်းသားတွေအတွက်လည်း အပြင်မှာနည်းနည်းဝယ်စားလိုက်ရတဲ့ဟာကို လက်မှတ်နဲ့မ၀ယ်မဖြစ်ဝယ်ရတော့ စိတ်တိုချင်တိုကြမှာပါ။ ကိုယ်တို့ကတော့ မေဂျာကလက်မှတ် ၃၊ ၄စောင်ဝယ်၊ ပြီးရင် ၂စောင်လောက်ချန်ထားပြီး တခြားမေဂျာကသူငယ်ချင်းတွေဆီက လက်မှတ်နဲ့လဲ။ ပွဲနေ့၂ရက်မှာ ဆိုင်ခန်းတိုင်းကို လည်ပတ်ပြီး မုန့်စားတာပါ။ တက္ကသိုလ်ကလုပ်တဲ့ ရန်ပုံငွေဈေးပွဲတော်ဆိုတော့လည်း အရေအတွက်နည်းရင်တောင် အရသာတော့ကောင်းပါတယ်။ ကိုယ်ကတော့ တဆိုင်ပြီးတဆိုင်မုန့်လျှောက်စား၊ သူငယ်ချင်းတွေနဲ့ စလိုက်နောက်လိုက်၊ ဟိုမေဂျာမှာဗရုတ်ကျ ဒီမေဂျာမှာဗရုတ်ကျလုပ်ရတာ ပျော်တာပဲ။

ညဘက်ရောက်ပြီဆိုရင်တော့ မေဂျာအလိုက်ဖျော်ဖြေတင်ဆက်မှုတွေရှိပါတယ်။ မေဂျာတွေအများကြီး၊ စင်ပေါ်တက်ချင်တဲ့သူကလည်းများတော့ မေဂျာအလိုက်ဆန်ခါတင်အရင်ရွေးရပါတယ်။ သီချင်းဆိုဖို့ဆို မြန်မာသံဘယ်နှစ်ယောက်၊ ခေတ်ပေါ်ဘယ်နှစ်ယောက်ပေါ့။ ပြဇာတ်တို့၊ အော်ပရာတို့က မိနစ် ၄၀ထက် ကျော်လို့မရပါဘူး။ ပွဲက ၂ရက်လုပ်ပေမယ့် ညဘက် ၈နာရီလောက်ပွဲစပြီး ၂ချက်တီးလောက်ဆို သိမ်းရပါပြီ။ ပရိသတ်က ကျောင်းသားတွေပဲဆိုတော့ ဇာတ်လမ်းတွေကလည်း ကျောင်းနဲ့သက်ဆိုင်တာတွေ၊ ကျောင်းသားတွေသိတဲ့ ပျက်လုံးတွေပဲများတာပါ။ မကခင်အစောကြီးကတည်းက ကိုယ့်မေဂျာကကမယ့် ဇာတ်လမ်း၊ ဇာတ်ညွှန်းကို ပါမောက္ခကတဆင့် ပါချုပ်ဆီတင်ရပါတယ်။ ဟာသတွေဘာတွေဆို အရမ်းလွန်သွားမှာစိုးလို့ပါ။ ဒါပေမယ့်သိတယ့်အတိုင်းပါပဲ။ ကျောင်းသားတွေဆိုတော့ တင်တဲ့ဇာတ်ညွှန်းတုန်းကတော့ချောလို့။ တကယ်လည်းကရော ဇာတ်ညွှန်းထဲမပါတာတွေပြောတာပဲ။ အထူးသဖြင့်ကိုယ်တို့ကျောင်းကဘူမိဗေဒမှာနာမည်ကြီးတဲ့ တပည့်တွေနဲ့ဝိုင်းဖွဲ့တတ်တဲ့ ဆရာငယ်ငယ်လေး အကြောင်း၊ ဘူမိကပဲ စာမေးပွဲခန်းစောင့်ရင် ခိုးချတာကိုအသားကုန်နှိပ်ကွပ်တတ်တဲ့ ဆရာတယောက်အကြောင်း၊ ကိုယ်တို့အင်္ဂလိပ်စာက နာမည်ကြီး ဆရာခပ်နွဲ့နွဲ့အကြောင်း၊ အတန်းမတက်ပဲ မလေးရှားတောထဲရောက်သွားတတ်တဲ့အတွဲတွေအကြောင်း အကုန်စုံလို့ပဲ။ စင်ပေါ်မှာပြောနေပြီဆိုတော့လည်း ဆရာတွေလည်းဘာမှမတတ်နိုင်ပါဘူး။ ချစ်ဖို့အကောင်းဆုံးကတော့ ဘူမိပါမောက္ခပါ။ သူ့တပည့်တွေဇာတ်ညွှန်းကိုသူကတာဝန်ယူပါတယ်။ ပြီးရင် တပည့်တွေက စင်ပေါ်မှာပြောချင်တာတွေပြောပါတယ်။ တီချယ်ကြီးကပြုံးပြုံး ပြုံးပြုံးနဲ့ပေါ့။ အဲမော်ကွန်းထိန်းဆူရင် သူပဲအဆူခံပါတယ်။ တပည့်တွေကိုတော့ ဘာမှမပြောတာပါ။

ကိုယ်ဒုတိယနှစ်ရောက်တော့ ကိုယ်တို့အတန်းနဲ့ ရှေ့ကစီနီယာအတန်းနဲ့ပေါင်းပြီး ဘာကကြရင်ကောင်းမလဲ ခေါင်းစားကြပါတယ်။ ဖေဖော်ဝါရီလဆိုတော့ စာမေးပွဲဖြေဖို့တလလောက်ပဲလိုတော့တာဆိုတော့ တချို့စာကြမ်းပိုးသူငယ်ချင်းတွေက၀င်မပါချင်ဘူး။ တိုက်ရပြုရနဲ့အလုပ်ရှုပ်တာကို။ တချို့ မိန်းကလေးတွေကျတော့လည်းကရမှာရှက်ပါတယ်။ ကိုယ်တို့မေဂျာက အချောအလှပေါလို့နာမည်ကြီးပါတယ်။ ဒါပေမယ့် စင်ပေါ်ကျဘယ်သူမှမတက်ချင်ကြဘူးလေ။ ကိုယ်တို့လို ဗရုသုတ်ခလုပ်ဖို့လောက်စိတ်ကူးနေတဲ့သူတွေပဲ တာဝန်ကျရော။ အဲဒါနဲ့ ကိုယ်တို့စီနီယာတန်းရယ် ကိုယ်တို့အဖွဲ့ရယ်ပေါင်းပြီး အဲဒီတုန်းကခေတ်စားနေတယ် ငါ့သမီးစာကျက်နေတယ် သီချင်းကို တေးသရုပ်ဖော်လုပ်ဖို့တိုင်ပင်ကြပါတယ်။ စင်တင်ပွဲဆိုရင် ယောက်ျားလေးတွေက မိန်းမလိုဝတ်ပြီး ကတာနှစ်တိုင်းပါနေတော့ ငါတို့ပြောင်းပြန်လုပ်မယ်ဆိုပြီး ကိုယ့်ကိုယောက်ျားလေးနေရာကနေခိုင်းပါတယ်။ စီနီယာတန်းကနည်းနည်းခပ်နွဲ့နွဲ့ အကိုတယောက်ကိုမိန်းကလေးလုပ်ခိုင်းပါတယ်။ သူ့နာမည်က ဒါဒါတဲ့။ ကျန်တဲ့သူငယ်ချင်းတွေကတော့ အဖေလုပ်တဲ့သူရယ်၊ ကိုယ်နဲ့ယောက်ျားလေးသူငယ်ချင်းလုပ်ပေးတဲ့သူတွေ ရယ်ပါ။

ကမယ့်နေ့လည်းရောက်ရော ကိုယ်တို့မတိုင်ခင် Chemistry မေဂျာကအဖွဲ့ သီတာဒေ၀ီကြင်ရာရွေးတဲ့အခန်း ကိုဟာသလုပ်ကပါတယ်။ အဲဒီမှာအတိုင်းတိုင်းအပြည်ပြည်ကမင်းသားတွေလာတယ်ပေါ့။ လေးတင်တာမအောင်မြင်တဲ့ပုံကို ဟာသသရုပ်ဖော်ထားတာပါ။ တရုတ်ပြည်ကမင်းသားက လေးတင်လို့လည်း မရရော သူ့ရဲ့ဝက်သားခုတ်တဲ့ဓါးမကြီးကိုမြှောက်ပြီး သီတာဒေ၀ီမရလည်း ဒီတိုင်းတော့မပြန်ဘူး။ ဒီပုသိမ်တက္ကသိုလ်ပွဲမှာ ယောက်ျားတွေကမိန်းမလုပ်ကြတယ်။ အဲဒီတော့ သူတို့ရဲ့အပိုဖြစ်နေတဲ့ဟာတွေကို ဖြတ်ယူသွားမယ်တဲ့။ အဲဒါနဲ့ ကိုယ်တို့အဖွဲ့ကတင်းရော။ အဲဒါနဲ့ ကိုယ်တို့အလှည့်ကျရင် အဲဒီကောင်ကိုဘယ်လိုပြန်ဖဲ့မလဲတိုင်ပင်ကြတယ်။ အဲဒါနဲ့ကိုယ်တို့အလှည့်မှာ တေးသရုပ်ဖော်မလုပ်ခင် ကိုယ်နဲ့ကိုယ့်ရည်းစား ဒါဒါနဲ့က ချစ်သူသဘာဝ ကျူတာပေါ့။ အဲဒီအထဲမှာပေါက်ကရတွေထည့်ပြောတာလေ။ ဒါဒါက ကိုယ့်ကိုဘူမိကအဖွဲ့တွေ ဖဲရှုံးရင် ကင်မလင်းကျွန်းအပေါင်ဆိုင်ကိုသွားတာ သူတို့နဲ့မပေါင်းရဘူးတို့၊ ကျောင်းကင်တင်းအလယ်ဆိုင်က ဆက်ဆံရေးညံ့လို့မစားဘူးတို့။ အမှန်တွေပြောတာပေါ့။ အဲဒါပြောရင်းနဲ့ ဒါဒါက ကိုနော် သတိလည်းထားနေဦး။ ခုနက Chemistry ကတရုတ်ကြီးက ၀က်အူချောင်းစားချင်လို့ဆိုပြီး ကျောင်းထဲကယောက်ျားလေးတွေကို အတင်းလိုက်ဖြတ်နေတယ်။ ကိုပါပါသွားဦးမယ်တဲ့။ အဲဒါကို အောက်ကတရုတ်ကြီးက ကိုယ်တို့က လက်သီးဆုပ်ပြတယ်လေ။ နောက်ကျတော့ ညဘက်ကောင်မလေးအိမ်ရှေ့ဂစ်တာသွားတီးတယ်ပေါ့။ အဲဒီမှာ အဓိကဇာတ်ဆောင်အဖေက ဂစ်တာတီးတဲ့ကောင်တွေကို တင်းပြီး ဖုန်းဆက်လိုက်ရမလားတွေဘာတွေထပြောလိုက်၊ ထိုင်ခုံမှာထိုင်ချလိုက်လုပ်ပြီး သရုပ်ဆောင်နေတော့ အောက်ကလူတွေဆိုတာ ရယ်နေတာတအုန်းအုန်း။ နောက်ကိုယ်တို့အောက်ဆင်းလာတော့မှ စီနီယာတွေကပြောတာ အဖေလုပ်တဲ့သူငယ်ချင်းက ထိုင်ချလိုက်ရင် ပုဆိုးကတိုတော့ အောက်စလွတ်လွတ်သွားတာတဲ့။ ကိုယ်တို့ကစင်ပေါ်ကဆိုတော့ ဘာမှမသိဘူးလေ။ အကိုတွေက တော်သေးတာပေါ့။ ဘောင်းဘီတိုပါလို့ဆိုရယ်နေကြတာ။ ဟိုတယောက်လည်း ရှက်ပေမယ့် မတတ်နိုင်တော့ဘူး။ သူများတွေက ကိုယ်တို့အဖွဲ့ရယ်ရအောင် တမင်သက်သက်လုပ်တယ်ထင်တာ တကယ်တော့ မဟုတ်ပါဘူး။

မေဂျာအားလုံးထဲမှာ မြန်မာစာကတော့ အမြဲတမ်းအတည်ကြီးတွေလုပ်တတ်တယ်။ ဘယ်တော့မှဟာသမဟုတ်ဘူး။ ပြဇာတ်ကို အမှန်တကယ်သရုပ်ဆောင်တာ။ အဲဒီတုန်းက ကျန်စစ်မင်းတို့ဘာတို့အပြင်မှာ ရုပ်ရှင်တွေဘာတွေခေတ်မစားသေးဘူး။ သူတို့မြန်မာစာ ကျန်စစ်သားပြဇာတ်ခင်းပြီး ဘယ်လက်က အ၀တ်အစားပေးပြီး ညာလက်က အစားအစာပေးမယ်ဆိုလားလုပ်နေတာ။ အဲဒီကျန်စစ်သားကတဲ့အကိုကြီးက ချောတော့ချောပါတယ်။ အရမ်းတည်တယ်။ ကိုယ်တို့ကသူ့ကိုပွဲပြီးကတည်းကတွေ့ရင် နာမည်မခေါ်ဘူး။ ကျန်စစ်သားပဲ။ သူတို့မြန်မာစာကထုံးစံအတိုင်းဘာလုပ်လုပ် မာစတာသမားတွေပဲလုပ်တာဆိုတော့ အဲဒီစင်တင်ပွဲကလည်း မာစတာကျောင်းသားတွေပဲဦးစီးတာ။ မင်းသမီးဆိုလည်း သူတို့မြန်မာစာ မာစတာတန်းက အချောအလှအမကြီးတွေကို မင်းသမီးဝတ်စုံအစစ်တွေဝတ်ပေးပြီး သရုပ်ဆောင်ခိုင်းတာ။ ကိုယ်တို့ကတော့ မရယ်ရရင်ပျင်းတယ်လေ။ မြန်မာစာအဖွဲ့ကတဲ့ မိနစ် ၄၀၊ ၁နာရီက ကိုယ်တို့မုန့်ထွက်စား၊ လမ်းလျှောက်တဲ့အချိန်။ ကိုယ်တို့နောက်ဆုံးနှစ်မှာ ကိုယ်တို့အဖွဲ့ကဘာမှမလုပ်ပဲငြိမ်ငြိမ်လေးပဲနေဖြစ်တယ်။ သူများတွေကတာဆိုတာတွေကြည့်ပေါ့။ အဲဒီနှစ် ဒုတိယနေ့မှာBotany ကကောင်မလေးသီချင်းဆိုနေတုန်း စင်ရှေ့မှာရုတ်ရုတ်ရုတ်ရုတ်ထဖြစ်တော့ ကိုယ်တို့လည်း ရန်ဖြစ်ပြီလားလို့။ နောက်မှလူတွေက လှည့်ပြေးကြတာ မီးရောင်မြင်လို့။ မီးကလည်း ကျောင်းအပြင်ကမြန်မာစာပါမောက္ခ ၂ယောက်ထဲက တယောက်ရဲ့အိမ်ကိုလောင်တာပါ။ အဲဒီတအိမ်တည်းလောင်ပြီး ငြိမ်းသွားပါတယ်။ ကိုယ့်မှာတော့ အဆောင်က သူငယ်ချင်းတွေအားလုံးက အဆောင်ကိုပြန်ပြေးကြတာ လူတွေကြားထဲ ညပ်နေမှာကြောက်လို့ ဘေးကပ်ကျန်ခဲ့ရင်းက စင်ရှေ့မှာတယောက်တည်း ကျန်ခဲ့ပါတယ်။ နောက်မှာ သင်္ချာက မျက်မှန်းတန်းမိနေတဲ့ ကောင်လေးတယောက်လာခေါ်လို့ သူနဲ့မီးလောင်တဲ့နေရာသွားကြည့်ကြပါတယ်။ နောက်တော့ သူငယ်ချင်းတွေနဲ့တွေ့ပြီး သူတို့ပဲအိမ်လိုက်ပို့ပေးကြပါတယ်။

အဲဒီမီးပြဿနာဘယ်လိုငြိမ်းသွားတယ်ဆိုတာ မသိလိုက်ပေမယ့် ကိုယ်တို့အားလုံးကတော့ ရှို့မီးဖြစ်မှာပဲလို့ ကောက်ချက်ချကြပါတယ်။ အမြင်ကပ်ကပ်နဲ့ပါ။ သူတို့ဘာသာ သူတို့မြန်မာစာမေဂျာမို့လို့ မျိုးချစ်စိတ်အကြောင်းတို့၊ ကိုယ့်ဘာသာ၊ ကိုယ့်ယဉ်ကျေးမှုအကြောင်း ကတာပြောစရာမရှိပေမယ့် အဲဒီနေ့က သူတို့ကတဲ့ပြဇာတ်က အိန္ဒယအနွယ်ဝင်တွေကို ဆန့်ကျင်ရေးဇာတ်ပါ။ အဲဒီတုန်းကဘယ်ဆရာတော်ထုတ်တဲ့ စာအုပ်ထဲမှာလည်းမသိဘူးပါပါတယ်။ လက်ဘက်ရည်ရောင်းတဲ့ဆိုင်ချင်းအတူတူ မြန်မာဆိုင်မှာမ၀ယ်ဘဲ အပိုရတဲ့ကုလားဆိုင်မှာဝယ်တာ နောက်ဆုံးသမီးပါပေးလိုက်ရတဲ့ဇာတ်ပါ။ အကုန်လည်းမမှတ်မိတော့ပါဘူး။ မြန်မာတွေကကိုယ့်လူမျိုးကိုယ်ချစ်ရမယ်။ မဟုတ်ရင် လူမျိုးပျောက်ကုန်မယ်ဘာညာပေါ့။ ကိုယ်ဘယ်သူ့ကိုမှ မစော်ကားချင်ပါဘူး။ ကိုယ့်လူမျိုးကိုယ်ချစ်လို့ပြောချင်ရင် တရုတ်ပါထည့်ပြောလေ။ (တကယ်လို့ တရုတ်ဆန့်ကျင်ရေးပြဇာတ်သာကရင် တမြို့လုံးတောင်ဝိုင်းဆဲဦးမယ်။ ပုသိမ်က သုံးပုံတပုံလောက်က တရုတ်စပ်တွေပါ။) အခုတော့သက်သက် ကုလားမကောင်းကြောင်းပြောတာ။ ကုလားမကောင်းကြောင်းပြော ရအောင် ဒါဝံသာနုအစည်းအရုံးမဟုတ်ဘူး။ တက္ကသိုလ်လေ။ အရွယ်ရောက်ပြီး တက္ကသိုလ်ဝင်တန်းအောင်မြင်ပြီးသူတိုင်း တက်လို့ရတဲ့ကျောင်းလေ။ တရုတ်၊ ကုလားခွဲခြားရေးနယ်မြေ မဟုတ်ဘူး။ သူတို့ကအဲဒီဇာတ်ကတော့ ကျောင်းကကုလားလူမျိုးကျောင်းသားတွေက ဘယ်လိုခံစားရမလဲ။ ကိုယ်တို့အဖွဲ့လည်း အဲဒီမြန်မာစာပါမောက္ခအိမ်မီးလောင်တော့ မသနားပဲ ကိုယ်တို့ပါဝိုင်းမေတ္တာပို့ပေး လိုက်တယ်။ အဲဒီအဆက်ကတော့ နောင်နှစ်စင်တင်ပွဲမရှိတော့တာပဲ။ ကိုယ်ကတော့ ဘာပဲဖြစ်ဖြစ် ကျောင်းတက်နေတုန်းမှာ ကိုယ်တို့ရဲ့ကျောင်းတက်ရက်ကလေးတွေကို အမှတ်တရဖြစ်စေခဲ့တဲ့ အားကစားပွဲတွေ၊ စင်တင်ပွဲတွေရှိတာကို သဘောကျတယ်။ ပျော်စရာဖြစ်သလို၊ ကျောင်းသားတွေစည်းစည်း လုံးလုံးအလုပ်လုပ်ကြတာကို ပြတဲ့သက်သေလည်းဖြစ်တယ်။ အခုတော့ တနေ့တနေ့ ကျောင်းသွား၊ သင်တဲ့စာကိုဘာမှမတွေးဘဲကျက်၊ အချိန်တန်တော့ဘွဲ့ရ။ နောက်တချိန်ကျရင် ဒီကလေးတွေ ကျောင်းကိုတောင်လွမ်းတတ်ပါ့မလားပဲ။

Sunday, March 7, 2010

ကျောင်းအားကစားပွဲ

ဒီနေ့ညနေကိုယ်တို့နေတဲ့ခြံဝင်းထဲမှာ အားကစားပွဲရှိပါတယ်။ ဘောလီဘော၊ ကြက်တောင်၊ ခရစ်ကက်၊ ဘတ်စကတ်ဘော၊ တော်တော်များများပါပါတယ်။ ကျောင်းသားတွေအဖွဲ့တဖွဲ့ကို ၆ယောက်ဖွဲ့ရပါတယ်။ တဖွဲ့မှာ အနည်းဆုံးမိန်းကလေးတယောက်ပါရမယ်။ ပြီးတော့ပြိုင်ပွဲတိုင်းကို အဖွဲ့တိုင်းက၀င်ပြိုင်ရမှာပါ။ တပွဲချင်းစီမှာရတဲ့အမှတ်တွေကိုပေါင်းပြီး အမှတ်အများဆုံးရတဲ့အဖွဲ့ကိုဆုပေးမှာပါ။ ကိုယ်ဝင်ပြိုင်ချင်စိတ်ရော၊ ဘေးကအားပေးချင်စိတ်ရော ကုန်ခမ်းနေလို့ သွားဖြစ်ဖို့ကမသေချာပါ။ ခြံဝင်းထဲမှာတင်ဆိုတော့ အသံတွေကြားနေရမှာတော့အသေအချာ။ အရင်ကလို တက်တက်ကြွကြွမရှိလှတော့ သွားရမှာကို ပျင်းနေမိပါတယ်။


အားကစားပွဲလုပ်မယ်ဆိုတော့ ကိုယ်တို့ပုသိမ်တက္ကသိုလ်က ရာသီအလိုက်လုပ်ခဲ့တဲ့အားကစားပွဲတွေကို ပြန်လွမ်းနေမိပါတယ်။ မိုးတွင်း ဇွန်လကနေ အောက်တိုဘာစာမေးပွဲမဖြေခင်အထိမှာ ဘောလုံးပွဲ၊ Chess ၊ စားပွဲတင်တင်းနစ်နဲ့ ကြက်တောင်ပွဲရှိပါတယ်။ ဒီဇင်ဘာကျောင်းဖွင့်ချိန်ကနေ မတ်လစာမေးပွဲဖြေတဲ့အချိန်ထိက ပိုက်ကျော်ခြင်းနဲ့ ဘောလီဘောပွဲရှိပါတယ်။ ကိုယ်အကြိုက်ဆုံးနဲ့ လူအစည်ကားဆုံးပွဲတွေက ကြက်တောင်ပွဲနဲ့ ဘောလီဘောပွဲပါ။ ကိုယ်တို့အင်္ဂလိပ်စာမေဂျာမှာက များသောအားဖြင့် ယောက်ျားလေးသန်သန်မာမာဆိုတာ နည်းပါတယ်။ ရှိတော့ရှိပါတယ်။ ဒါပေမယ့် ရှားတယ်ပေါ့။ အဲဒီတော့ ဘောလုံးပွဲဆိုလည်း ကိုယ်တို့မေဂျာကပွဲအစ ၂ပွဲလောက်ကန်ပြီးရင်ထွက်ရပြီ။ Chess ကျတော့လည်း သိပ်နာမည်ကြီးတဲ့သူမရှိ။ ကိုယ်ဆိုတခါတုန်းက တီချယ်ကြီးက လူမရှိဘူး။ နင်အားကစားကော်မတီခေါင်းဆောင်ဖြစ်ပြီး ဘာမှလည်းမလုပ်ဘူး။ Chess သွားထိုး တီရှပ်ပေးမယ်ဆိုလို့ Chess သွားထိုးပါတယ်။ ပထမဆုံးနေ့မှာကိုယ်နဲ့ပြိုင်ထိုးရမယ့် တယောက်ကသင်္ချာမေဂျာကပါ။ ကိုယ်ထိုးမယ်ဆိုတော့ ၉၉အတန်းက ကိုကြီးရွှေဂဲကိုမေးပါတယ်။ အဲဒီအမလက်ရည် ဘယ်လိုရှိလဲပေါ့။ သူက အေးဆေးပါတဲ့။ ဘာမှမတတ်ပါဘူးဆိုပဲ။ အဲဒီတော့ကိုယ်လည်း အားတက်သွားပါတယ်။ ပွဲစခရာလည်း မှုတ်ရော၊ သူတကွက်ရွှေ့ပါတယ်။ ကိုယ်လည်းတကွက်ရွှေ့လိုက်တယ်။ ၂ကွက်ရွှေ့ပြီးတော့ ကိုယ့်ဘုရင်ကြီးကို သူက ချက်ထားရော။ ကိုယ်လည်း ထွက်စရာအပေါက်မတွေ့တော့ဘူး။ အရှုံးပေးလိုက်ရတယ်။ ဘေးက တချို့ဝိုင်းတွေက စတောင်မစရသေးဘူး။ အဲဒီအမက ကိုယ့်ကိုကြည့်ပြီးရယ်ပါတယ်။ မနူးမနပ်ကလေးပေါ့လေ။ နောက်မှကိုယ်ပြန်သိရတာက အဲဒီအမကပွဲတိုင်းပြိုင်နေကျ၊ ဆုတွေဘာတွေလည်းရတယ်တဲ့။ ကိုယ်နဲ့ဆို ဘယ်လိုမှလက်ရည်ချင်းမတူတာ။ အဲဒါကိုပြောလိုက်ရင် စိတ်ဓါတ်ကျမှာစိုးလို့ ကိုရွှေဂဲက ညာပြောတာကိုယ့်ကို။ ဒါပေမယ့် အဲလိုညာပြောလိုက်လို့ ကိုယ်ကပြိုင်ဘက်ကို လျှော့တွက်လိုက်မိတယ်ဆိုတာ တော့ သူမသိလိုက်ဘူး။ ဟိ ကိုယ်ကလည်းညံ့ပါတယ်။


ကြက်တောင်ပွဲဆိုရင်တော့ ကိုယ်ပြိုင်မယ်ဆိုပြီးရင် တခါမှကွင်းထဲတောင်မ၀င်ပါဘူး။ ကြက်တောင်မှန်မှာ ကြောက်လို့ပါ။ ဒါပေမယ့် ကိုယ့်မေဂျာအကိုတွေပြိုင်တာကိုတော့ လည်ချောင်းနာအောင် အားပေးပါတယ်။ ကိုယ်ကြက်တောင်ပွဲကြိုက်ပြီး အားပေးတဲ့ရလာဒ်က အခုအချိန်အထိ ကိုယ်ကအရမ်းချစ်၊ ကိုယ့်ကိုလည်း အရမ်းချစ်ပြီး ကိုယ့်အပေါ်အရမ်းကောင်းတဲ့ အကိုတယောက်ရခဲ့တာပါ။ အဲဒီအကိုက ၉၉အတန်းကပါ။ ကိုယ်တို့ ပထမနှစ်ကတည်းက ကိုယ်တို့မေဂျာကကြက်တောင်မှာတော့ ဖိုင်နယ်အမြဲတက်တယ်ဆိုလို့ သွားသွားအားပေးတာပါ။ အဲဒီအကိုက ကိုယ်တို့အငယ်တန်းတွေကြားထဲမှာတော့ မင်းသားပေါ့။ ကြက်တောင်မင်းသားလေ။ သဘောကောင်းတဲ့ကိုကြီးကို အကုန်လုံးကခင်ကြတာပါ။ ကိုယ့်ကိုမှ အဲဒီအကိုကလည်း ကံဆိုးပြီး အရေးပေးမိလို့အခုအထိ ကိုယ့်ဒုက္ခတွေဝေမျှယူနေရတုန်းပါ။ စင်္ကာပူရောက်ကတည်းက အခုအထိကိုယ့်ကိစ္စပေါင်းသောင်းခြောက်ထောင်ကို ကူညီရတာပါ။ အဲဒီ ကိုယ်တို့ကျောင်းရောက်တဲ့နှစ်မှာပဲ Physics ကမာစတာကျောင်းသားတယောက် ဂျပန်ကနေပညာတော်သင်သွားရာက ပြန်ရောက်လာပါတယ်။ သူကကိုယ့်ရဲ့ ဂျပန်ဘာသာ ဆရာ (sensei) ပါ။ သူကလည်းကြက်တောင်ရိုက်တာနာမည်ကြီးပါ။ သူတခြားမေဂျာနဲ့ ရိုက်တဲ့ပွဲဆို ကိုယ်က သူ့ကိုအားပေးပါတယ်။ အဲဒီမှာသူ့ကိုကြိုက်နေတာလို့ နာမည်ကြီးတဲ့သူတို့ဂျူနီယာတန်းက အမတယောက်ကလည်း သူ့ကိုလာလာအားပေးပါတယ်။ အအေးဘူးတွေဘာတွေလည်း လာလာပေးပါတယ်။ အဲဒါဆိုကိုယ်က ဘာလိုလိုညာလိုလိုနဲ့ Sensei (ဆရာ) အနားသွားပြီး မောလိုက်တာဘာညာဆိုရင် အဲဒီအအေးဘူးတွေ သောက်ရပါတယ်။ အဲဒီအမကတော့ ကိုယ့်ကိုတော်တော်အမြင်ကပ်မှာပါ။ ကိုယ်ကလည်း ကိုယ့်ဆရာကိုလိုက်ကြိုက်လို့ဆို ကြည့်မရပါဘူး။ Sensei ကိုအဲဒီမိန်းမကြီးနဲ့ သဘောမတူဘူးတို့ ဘာတို့ ရာဇသံပေးနေကျ။ ဒါပေမယ့် တခြားအချိန်သာ Sensei ကိုချစ်ပြီး ကပ်စေးနည်းတာ။ ကြက်တောင်ပွဲမှာ ဖိုင်နယ်တက်ပြီဆို Sensei က ကိုယ့်မေဂျာက ကိုယ့်ချစ်တဲ့အကိုကို နိုင်အောင်ရိုက်လို့ အမြင်ကတ်ပါတယ်။ အဲဒါဆိုကွင်းဘေးကနေ အသက်ကြီးပြီး ကလေးတွေကိုအနိုင်ကျင့်တယ်တို့ ဘာတို့အော်ပါတယ်။ ခုနက Sensei ကိုကြိုက်တဲ့အမကြီးနဲ့ သူတို့Physics က တဘက်က၊ ကိုယ်တို့အုပ်စုကတဘက်က အပြန်အလှန်စကားလုံးတွေနဲ့ အပြန်အလှန်ထုကြတာပါ။ ဥပမာ ကိုယ်တို့က ကလေးကိုအနိုင်ကျင့်တယ်တို့ အဘိုးကြီးတို့အော်ရင် သူတို့ဘက်က လူကြီးကိုတောင်မနိုင်ဘူးလား၊ အသက်ငယ်ပြီးအားမရှိဘူးတို့ ဘာတို့ပေါ့။ ပြိုင်ပွဲမှာရှုံးရင်ကိုကြီးခမျာ မနားရသေးပါဘူး။ ဘေးနားကနေကြက်တောင်အိတ်တွေကိုင်ပေးပြီး ငိုမဲ့မဲ့ဖြစ်နေတဲ့ ကိုယ့်ကိုအမြဲချော့ရပါတယ်။ အဲဒီလိုအားကစားစိတ်ဓါတ်က။ နိုင်ရင်ပြုံးပြုံး ရှုံးရင်မုန်းဆိုတာ။ ပြီးရင်တော့ ကိုယ့် Sensei ကို ကလေးကိုအနိုင်ကျင့်ပြီး နိုင်ထားတာ။ မုန့်လိုက်ကျွေးဆိုပြီး ပြဿနာရှာပါတယ်။

မြန်မာစာနဲ့ကြက်တောင်ရိုက်ရင်တော့ အမြဲရယ်ရပါတယ်။ မြန်မာစာက ယောက်ျားလေးအရှားပါးဆုံး မို့လို့လားတော့မသိဘူး။ အားကစားပွဲတိုင်းမှာ ၀င်ပြိုင်တဲ့သူတွေက ဒီလူတွေချည်းပဲ။ မာစတာကျောင်းသားတွေပါ။ ခင်ဖို့လည်းကောင်း၊ သဘောလည်းကောင်းကြပါတယ်။ ဒါပေမယ့် သိတယ်မလား။ ပြိုင်ပွဲဆိုရင်တော့ ကွင်းထဲရောက်ပြီဆိုတာနဲ့ အပြင်ကနေအော်တာပဲ။ အဲဒီမြန်မာစာအားပေးတဲ့အထဲမှာ ပိန်ပိန်သေးသေးအမတယောက်ပါပါတယ်။ အဲဒီအမက အသံစူးစူးလေးနဲ့ပါ။ အဲဒါကို ကိုယ်တို့ဘက်ကယောက်ျားလေးတွေက မနှဲလေးလို့နာမည်ပြောင်ပေးထားပါတယ်။ အဲဒီအမက ကွင်းထဲကလူတွေကိုအားပေးရင် ကိုယ်တို့ဘက်ကယောက်ျားလေးတွေက ကွင်းထဲကလူတွေကို ပြောရမယ့်အစား သူ့ကိုမနှဲလေးငြိမ်ငြိမ်နေလေလို့ လှမ်းအော်ပါတယ်။ အဲဒါဆို အဲဒီအမကရယ်နေရော။

ကြက်တောင်ပွဲမှာအမှတ်တရတခုကတော့ တခါတုန်းက Botany ကတယောက်နဲ့ ကိုကြီး နဲ့ Single ရိုက်ကြရော။ အဲဒီတယောက်က ခပ်၀၀ပါ။ ဒါပေမယ့် ကြက်တောင်တော့တော်ပါတယ်။ ထုံးစံအတိုင်းပေါ့ ကိုယ်တို့ကအဲဒီတယောက်ကိုယ်တို့ဘက်ရောက်လာရင် အသားကုန်ပြောပါတယ်။ ပြိတ္တာကြီးတို့ဘာတို့အော် ပါတယ်။ သူ့မျက်နှာဆိုတာ မှုန်ကုပ်နေတာပဲ။ တခါအနားရောက်လာတော့ ကိုယ်က ပြိတ္တာကြီး ဖြေးဖြေးခုန်၊ ဗိုက်ထဲကကလေးထွက်ကျဦးမယ်ဆိုတော့ ကိုယ့်နောက်က Physics Queen ကထွက်ကျရင် နင်ကောက်မွေးစားထားပေါ့တဲ့။ ပြုံးစိစိနဲ့ပြောတာပါ။ သူကကိုယ့်သူငယ်ချင်းပါ။ ကိုယ်ကသူဘာလို့ အဲလိုပြောမှန်းမသိဘူး။ နောက်သူပြန်သွားမှ ကိုယ့်သူငယ်ချင်းတွေက ကိုယ့်ကိုဝိုင်းပြောပါတယ်။ အဲဒီ ကြက်တောင်ရိုက်နေတဲ့တယောက်က သူ့အကိုအရင်းပါတဲ့။ ကိုယ့်မှာနောက်တခါသူ့ကိုတွေ့မှ တောင်းပန်ရပါတယ်။ ကျောင်းသားအချင်းချင်းဆိုတော့ အားကစားပွဲကကိစ္စကိုစိတ်လည်း မဆိုးကြပါဘူး။

ဘောလီဘောပွဲကတော့ အကြမ်းဆုံးလို့ပြောလို့ရပါတယ်။ ကိုယ့်တို့ဘက်ကအကိုတွေက ကျောင်းသားပီပီသသကစားပါတယ်။ ကိုယ့်မေဂျာမို့လို့ပြောတာမဟုတ်ပါဘူး။ ဒါပေမယ့် ဘောလီဘောမှာ နာမည်ကြီးတာကကိုယ်တို့မေဂျာနဲ့ ပထ၀ီမေဂျာပါ။ ကိုယ့်တို့ ဒုတိယနှစ်လောက်မှာ ကျောင်းကိုရောက်လာတာက တိုင်းလက်ရွေးစင်၂ယောက်ပါ။ ဆယ်တန်းအောင်ပြီးပထ၀ီမေဂျာနဲ့ ရောက်လာပါတယ်။ သူတို့ကကိုယ့်ထက်တောင် ၂နှစ် ၃နှစ်အသက်ကြီးတာပါ။ တယောက်ဆို အရန်မြန်မာလက်ရွေးစင်ပါ။ အရပ်ခြောက်ပေရှိပါတယ်။ ကိုယ် ၈တန်းနှစ်ကျောင်းပိတ်တုန်းက ကိုယ့်အဖေသူငယ်ချင်းအားကစားဆရာက ကိုယ်ပျင်းနေလို့ဆို သူ့ရဲ့ဘောလီဘော camp ထဲသွင်းထားဖူးတော့ အဲဒီလူတွေကကိုယ်နဲ့အကုန်ခင်ပါတယ်။ ကိုယ့်ကိုဆို ၀က်ကလေးဆိုပြီး စနေကြ။ ဒါပေမယ့် သူတို့ကအပြင်မှာဘောလီဘောပုတ်တဲ့အပြင်၊ ကိုယ့်တို့အခေါ် စီးပွားရေး တွေပါလိုက်ပုတ်နေကြပါ။ စီးပွားရေးဆိုတာက ပိုက်ဆံကြေးပုတ်တာပါ။ တဖွဲ့မှာ ၃ယောက်၊ တခါတလေ ၂ယောက်ပဲပါပါတယ်။ ကြေးလည်းကြီးပါတယ်။ အဲဒီအပြင်မှာပုတ်တဲ့အကျင့်တွေက ကျောင်းထဲအထိပါလာပြီးတော့ ကျောင်းသားအချင်းချင်းကစားတာပဲဆိုတဲ့ စိတ်ကိုမထားတာပါ။ ရရင်ရသလို ညစ်ပါတယ်။ အမှန်ဆို သူတို့မှန်မှန်ကန်ကန်ဆော့လည်း သူတို့လက်ရည်နဲ့ဆို နိုင်ပါတယ်။ ဒါပေမယ့် ကိုယ်တို့မေဂျာကလည်း အကိုတွေကအရမ်းကိုဇွဲကောင်းကြတာပါ။ တော်တော်တောင့်ခံနိုင်ကြတော့ သူတို့က မြန်မြန်ပွဲပြီးအောင်ညစ်တာပါ။ အဲဒီဘောလီဘောပွဲကနေ ကိုယ်လည်းအဲဒီ ပထ၀ီက၂ယောက်ကို စကားအရှင်းမပြောတဲ့အဖြစ်ကို ရောက်သွားတာပါ။ ကိုယ့်အကိုတွေကို အနိုင်ကျင်လို့ဆို ကြည့်မရလို့လေ။ ပြီးတော့ ကွင်းအပြင်ကနေ အဲဒီမြန်မာလက်ရွေးစင်ကို အရံဘားနားကလက်ရွေးစင်လားတို့။ (ပုံမှန်က ဘားမားလက်ရွေးစင်လို့ ခေါ်တာပါ။) ဆယ်တန်းကနှစ်ချီဖြေတော့ ကလေးတွေကို အနိုင်ကျင့်လို့ရတာပေါ့ တို့။ အဆင့်အတန်းရှိရှိကစားတို့ အမျိုးစုံအော်တာပါ။ အဲဒီ၂ယောက်လည်း ကိုယ့်ကိုအမြင်ကတ်ရော။ ကိုယ့်တို့အားကစားဆရာနဲ့ပြိုင်တိုင်ပါတယ်။ ဆရာကမဆူဘူးလေ။ ရယ်နေတယ်။ နောက်ဆို တယောက်နဲ့ တယောက်တွေ့ရင် ဟင်းတို့၊ ဟွန်းတို့ ထွီတို့ ထွမ်တို့တွေဖြစ်ကုန်ပါတယ်။ ကိုယ်တို့အတန်းကကောင်မလေး တယောက်ကို အဲဒီမြန်မာ့လက်ရွေးစင်ကလာပတ်တော့ ကိုယ်တို့အားလုံးက ပြန်ကြိုက်ရဲကြိုက်ကြည့်။ နင့်ကို တီချယ်ကြီးကိုပြောပြီး မေဂျာပြောင်းပစ်မယ်တို့။ သံပုံးတီးပြီးနှင်ပစ်မယ်တို့ မျိုးစုံခြိမ်းခြောက်တာ။ အဲဒီတယောက်လည်း ပြန်ကိုမကြိုက်ရဲရှာပါဘူး။ (စိတ်ထဲမှာတော့ ဘယ်လိုရှိမလဲမသိဘူးလေ။)


အခုအချိန်ပြန်တွေးတော့ ဒါတွေအားလုံးက လွမ်းစရာတွေချည်းပါပဲ။ ဖြူစင်တဲ့၊ လွတ်လပ်တဲ့ လူငယ်ဘ၀လေးကိုတကယ်ပြန်လွမ်းမိပါတယ်။ ပြီးတော့ အခုအချိန်တော့ ဘယ်လိုနေမလဲ မသိဘူး။ ကိုယ်တက်ခဲ့တဲ့အချိန်ထိတော့ ကိုယ်တို့ကျောင်းကဆရာ၊ ဆရာမတွေက တပည့်တွေအပေါ်စေတနာ ထားကြပါတယ်။ တချို့လက်တဆုပ်လောက်က ပညာပြတာတို့၊ ရစ်တာတို့ရှိပေမယ့် အများစုက ကောင်းကြပါတယ်။ ကိုယ်ဆိုရန်ကုန်ကသူငယ်ချင်းနဲ့ဆုံရင် အမြဲဂုဏ်ယူရတာပါ။ သူတို့ဆီမှာ ဒီလိုပုံမှန်အားကစားပွဲတို့၊ ကျောင်းသားစင်တင်ပွဲတို့ဆိုတာမရှိဘူးလေ။ (အဲဒီစင်တင်ပွဲအကြောင်းကို နောက်မှသပ်သပ်ထပ်ရေးပါဦးမယ်။) အခုတော့ ဆရာမတွေ၊ အားကစားပွဲတွေ၊ သူငယ်ချင်းတွေ အားလုံးကိုလွမ်းရင်းနဲ့ပဲ…… ။

Saturday, February 20, 2010

အလွဲ

ဘာရယ်မဟုတ်ပါဘဲ အခုတလော စိတ်နဲနဲလေပြီး တောင်စဉ်းစား၊ မြောက်စဉ်းစားလုပ်ရင်းနဲ့ ကိုယ့်အမြဲအလွဲအလွဲအချော်ချော်လုပ်တတ်တာတွေကို သွားသတိရပါတယ်။ အဲဒီအလွဲတွေထဲကတခုအကြောင်းပြောပြဦးမယ်။ ကိုးတန်းအောင်ပြီး ဆယ်တန်းမတက်ခင်ထင်ပါတယ်။ ကျောင်းအပိတ်မှာ မြို့လေးတမြို့ကို အလည်သွားပါတယ်။ ကိုယ်တို့မြို့နားက မြို့လေးပါ။ မေမေကအဲဒီမြို့သူပါ။ တမြို့လုံးဆွေမျိုးချည်းပဲလို့မေမေကပြောတတ်ပါတယ်။ မေမေနဲ့အရင်ခဏခဏ သွားနေကြပါ။ မေမေနဲ့ သွားလည်တိုင်းဟိုအိမ်ကထမင်းစားဖိတ်၊ ဒီအိမ်ကထမင်းစားဖိတ်နဲ့ တည်းတဲ့ကြီးကြီးအိမ်မှာတနပ်၊ မေမေ့ညီမ အဒေါ်ငယ်အိမ်မှာတနပ်လောက်စားရဖို့ကိုမနည်းပြောယူရတာပါ။ ကိုယ်ကအရမ်းစိတ်ညစ်ပါတယ်။ ထမင်းလေး တနပ်အတွက် ဟိုအိမ်ကူးစား၊ ဒီအိမ်ကူးစားရတာကို စိတ်မရှည်ပါဘူး။ ဟင်းတွေကတော့ သူတို့မြို့လေးထုံးစံအတိုင်းကောင်းနိုင်သမျှကောင်းအောင်ချက်တာပေါ့။ ကြက်သား၊ ၀က်သား၊ ငါး အဲဒါမျိုးတွေပါပဲ။ ကိုယ်ကတော့ ကိုယ့်ကြီးကြီးအိမ်မှာပဲငါးပိနဲ့စားရစားရနေပြီး ကျန်ခဲ့မယ်လို့ အမေ့ကိုအမြဲပူဆာပါတယ်။ အမေက သမီးလေးကိုသူတို့ကမြင်ချင်တာလေ လိုက်ခဲ့ပါဆိုလို့လိုက်လိုက် သွားရပါတယ်။ အဲဒီတခေါက်သွားတာကတော့ ကိုယ်တို့အမ၂၀မ်းလောက်ကွဲတဲ့အိမ်မှာတည်းတာပါ။ သူကကိုယ်တို့အိမ်မှာအဝေးသင်လာလာတက်တာဆိုတော့ သူအပြန်မှာကိုယ့်ကိုအလည်ခေါ်လို့ လိုက်သွားတာပါ။ ကိုယ့်ကြီးကြီးတို့အိမ်မှာမအိပ်တဲ့ တခေါက်ပေါ့။ မမတို့အိမ်က ၂ထပ်တိုက်ကိုအောက်ထပ် ကကုန်စုံဆိုင်ဖွင့်ထားပါတယ်။ လှေတွေလည်းငှားပါတယ်။ ရောက်ပြီးအ၀တ်အစားတွေဘာတွေလဲပြီးတော့ ကိုယ်ကအောက်မှာ မမဈေးရောင်းလိုက်၊ လှေငှားတဲ့လူတွေကိုစာရင်းမှတ်လိုက်လုပ်နေတာကို ဘေးကထိုင်ကြည့်ပြီး စကားပြောနေပါတယ်။ အဲဒီအချိန်မှာပဲ အကိုကြီးတယောက်ဝင်လာလို့ မမကမိတ်ဆက်ပေးပါတယ်။ ဟဲ့ဒါတို့မြို့က ဒွေးမင်းသားတဲ့။ အန်ဘာလဲ ဒွေးနဲ့တူလို့လားဆိုတော့ မဟုတ်ဘူး သူ့အဖေနာမည်ကမောင်ဒွေးတဲ့ဆိုတော့ ကိုယ်လည်းရယ်နေမိပါတယ်။ အဲဒီအကိုကြီးကလည်း ကိုယ့်ကိုနှုတ်ဆက်ပြီး၊ မမနဲ့ခဏစကားပြောပြီး ပြန်သွားပါတယ်။ ညနေစောင်းလာတော့ ကိုယ်ပျင်းလာရော။ အဲဒါနဲ့အပေါ်ထပ်တက်ပြီးတီဗွီထိုင်ကြည့်နေပါတယ်။ ၇နာရီကျော်လောက်ကျတော့ မမက အောက်ထပ်ကနေ လှမ်းခေါ်ပါတယ်။ ဟဲ့ ဒီမှာမင်းမင်းရောက်နေတယ်တဲ့။ ငယ်လေးကိုမုန့်ကျွေးမလို့လာခေါ်တာ တဲ့။ မင်းမင်းဆိုတာ ကိုယ့်အကိုဝမ်းကွဲပါ။ အဲဒါနဲ့ကိုယ်လည်းဝမ်းသာအားရကစုန်ဆိုင်းပြီး အိမ်ပေါ်ကပြေးဆင်းသွားပါတယ်။ အိမ်ရှေ့က ပစ္စည်းထည့်ထားတဲ့ ရှိုးကေ့စ်တွေရှေ့မှာ အကိုကြီးကဆောင့်ကြောင့်ထိုင်ပြီး မမနဲ့စကားပြောနေပါတယ်။ မမကသူရှေ့မှာ စကောတချပ်နဲ့ ဘာတွေထိုင်ရွေးနေတာလည်း မသိပါဘူး။ အဲဒါနဲ့ လုပ်နေကျအတိုင်း နောက်ကနေသိုင်းဖက်ပြီး ကိုကြီး နေကောင်းလား၊ ထမင်းစားပြီးပြီလား ဘာညာဆို ချွဲပါတယ်။ ကိုကြီးကကိုယ့်ကိုမော့ကြည့်လို့ ကိုယ်ကငုံ့ကြည့်ပြီး ကိုကြီးမလား၊ ဟုတ်ပါတယ်လို့ပြောလိုက်သေးတယ်။ မမကရှေ့မှာပါးစပ်အဟောင်းသားနဲ့ ဘာမှလည်းဝင်မပြောဘူး။ ကိုယ်နောက်တခါထပ်ငုံ့ကြည့်တော့မှ အဲဒီအကိုကြီးက ကိုယ့်အကိုမဟုတ်ဘူး။ ညနေကလာသွားတဲ့ဒွေးမင်းသားဆိုတဲ့ အကိုကြီး။ အမွှေးတိုင်လာဝယ်တာလားမသိဘူး။ အမွှေးတိုင်ထုပ်လေးကိုင်လို့။ ခြံဝလှမ်းကြည့်တော့ကိုယ့်အကိုကစက်ဘီးပေါ်ခွပြီး ကိုယ့်ကိုစောင့်နေတယ်။ ရှက်လိုက်တာလေ။ မျက်နှာလည်းဘယ်ထားရမှန်းမသိဘူး။ ဘာမှလည်းမပြောရဲတော့ဘူး။ တချိုးတည်းကိုကြီးဆီလစ်ပြီး စက်ဘီးပေါ်တက်ပြီး မြန်မြန်နင်းတော့လို့ပြောရတယ်။ ကိုယ့်အကိုကမုန့်ဆိုင်ရောက်မှ ကိုယ့်ကိုခေါင်း ခေါက်တယ်။ နမော်နမဲ့နဲ့တဲ့။ အဲဒါငါ့သူငယ်ချင်းတဲ့။ နင့်ကိုပျံတံတံမိန်းကလေးထင်သွားရင် ဘယ်လိုလုပ်မလဲတဲ့။ လူဆိုတာစိတ်ညစ်လိုက်တာလေ။ ကိုကြီးနဲ့မုန့်စားပြီးပြန်လာတော့ အဲဒီလူကြီးအိမ်မှာ မရှိတော့ပါစေနဲ့လို့ဆုတောင်းပြီးပြန်လာတာ။ အိမ်ရောက်တော့ မမကကိုယ့်လဲမြင်ရော ရယ်တာပဲ။ ငါကအရမ်းအံ့သြနေတာ။ ငယ်လေးအရင်တုန်းကအဲလိုမဟုတ်ပါဘူး။ ဒီကောင်နဲ့ညနေကမှ ငါမိတ်ဆက်ပေးလိုက်တာ။ ချက်ချင်းကြီးဒီလိုဖြစ်သွားလားဆို အရမ်းအံ့သြနေတာတဲ့။ လူဆိုတာထူပူနေတာပဲ။ တော်သေးတယ်။ လူကြီးတွေမသိလိုက်လို့ပေါ့။ တညပဲအိပ်ပြီး နောက်တနေ့ညနေပြန်လာဖြစ်လို့ တော်သေးတယ်။ အဲဒါတောင်ပြန်လာခါနီးအထိ အဲဒီလူကြီးအသံကြားရင်အိမ်ပေါ်တက်ပြေးရတယ်။ ကိုယ်တက္ကသိုလ်ဒုတိယနှစ်လောက်မှာထင်တယ်။ အိမ်နားကအမတွေဘွဲ့ယူလို့ ကိုယ်ကသူတို့အလှပြင်ထားတာ သွားငမ်းတာ။ အဲဒီအကိုကြီးကသူတို့သူငယ်ချင်းဖြစ်နေတာ။ ဘွဲ့အတူတူယူဖို့လာစောင့်နေတာနဲ့တိုးရော။ ကိုယ့်မှာလူကြီးဖြစ်နေပြီ ဘာရှက်စရာလိုလဲဆို စိတ်ကိုအားတင်းပြီး နှုတ်ဆက်ခဲ့ရတယ်။ သူကတော့ကိုယ့်မြင်တိုင်း ပြုံးစိပြုံးစိနဲ့။

Monday, February 8, 2010

ကျိန်စာသင့်ဖူးစာ


နင်လေသတိရရင် ဖုန်းဆက်ပါအချိန်တိုင်း လေပြေစကားနဲ့တင်ကျေနပ်တယ် ဆုံဆည်းဖို့နေ့ရက်လေး ငါလေအချိန်တွေလက်ချိုးရေ……။ အေသင်ချိုဆွေရဲ့သီချင်းသံရုတ်တရက်ထွက်ပေါ်လာရာ သူမရဲ့ လက်ကိုင်ဖုန်းလေးကိုကောက်ကိုင်ကြည့်လိုက်တော့ သူ။ Ko Lin Calling တဲ့။ ဟယ်လို ကိုလင်းပြောပါ… ညီမလေးဘာလုပ်နေလဲ… စာဖတ်နေတာပါရှင့်…အော်အနှောင့်အယှက်ပေးသလိုများဖြစ်သွားသလားဟင်။ သူမဘယ်လိုပြန်ဖြေရပါ့။ သက်ပြင်းကိုပဲ ခိုးရှိုက်ရင်း ရပါတယ်ဆိုတော့ သူကပျော်သွားသလိုမျိုးလေသံနဲ့ ကိုယ်သတိရလို့တဲ့။ အဲဒီနောက်တော့ သူ့စကားတွေအဆက်မပြတ်… သူမကတော့ သူပြောသမျှကိုအင်းလိုက် ရင်း ဘေးမှာဖွင့်ထားလက်စ ကျောင်းစာအုပ်ကိုပဲ သံယောဇဉ်မပြတ်တပြတ်လှည့်ကြည့်လို့……..။

သူ သူမဆီဖုန်းဆက်နေတာ တော်တော်ကြာနေပြီ။ တစိမ်းယောက်ျားလေးတယောက်က ကိုယ့်ကိုသတိရလို့ဆို ခဏခဏဖုန်းဆက်၊ အကြောင်းမရှိပါဘဲ စကားတွေအကြာကြီးပြောနေတာ ဘာကြောင့်လဲဆိုတာ သိပ်တုံးသိပ်အလွန်းတဲ့မိန်းမမျိုးကလွဲရင် မိန်းကလေးတော်တော်များများကခန့်မှန်းနိုင်ပါတယ်။ ကိုယ်လည်း ဒီခေတ်မိန်းကလေးပဲလေ။ ကိုယ်သိတာပေါ့။ ဒါပေမယ့် သူမဘက်ကသိပ်ပြီးသူဆွဲဆောင်သလောက်ပါမလာတဲ့ အခါသူ့ဘက်ကလည်းရှေ့ဆက်တိုးဖို့အခက်တွေ့နေပုံပါပဲ။ သူမဘက်မှာလည်း ရင်မခုန်တဲ့နှလုံးသားတစုံနဲ့ သူဖုန်းဆက်တိုင်း အားနာပါးနာနားထောင်နေရတာကိုငြီးငွေ့လှပါပြီ။ တကယ်တမ်းတော့ သူမကသိပ်ပြီး အားနာတတ်တဲ့မိန်းကလေးမဟုတ်ပါ။ ကိုယ်မကြိုက်ရင် ဖုန်းမဆက်နဲ့တော့လို့ ဖွင့်ပြောလိုက်လို့ရသားနဲ့ ဘာလို့မပြောရတာလဲ။ သူမကိုယ်သူမလည်း အားမရဖြစ်ရပါတယ်။ တကယ်တမ်းတော့ သူမအားနာနေတယ်ဆိုတာ သူ့ကိုမဟုတ်။ သူမရဲ့သူ့အပေါ်ခံစားလို့မရတဲ့နှလုံးသားကို အားနာနေတာပါ။ အရင်တုန်းကလိုနွေးထွေးတဲ့ခံစားမှု၊ ပျော်ရွှင်တက်ကြွမှုတွေဘယ်ရောက်ကုန်တာလဲ။ အရင်တုန်းကသာ သူဒီလိုသူမအပေါ်မှာအရေးပေးခဲ့မယ်ဆိုရင် သူမအရမ်းပျော်ခဲ့မှာသေချာပါတယ်။ ကိုယ့်အတွက်မဟုတ်တဲ့ အပြုံးတချက်ကိုတောင် အရူးအမူးခံစားခဲ့ဘူးတာပဲ။ အဲဒီတုန်းကတော့……။

“အထွန်း နင်ဒီနေ့ကျောင်းရောက်တာနောက်ကျတယ်။ ဟဲ ဟဲ သူဖြတ်သွားပြီးပြီဟ” လို့သူမကျောင်းရောက်ရောက်ချင်း မေသူလှမ်းပြောတော့လွယ်အိတ်ကိုခုံပေါ်ဘုံးခနဲပစ်ချရင်း “အဲဒါ အမေ့ကြောင့်ပေါ့ဟ။ ငါ့ကိုအသင်းလည်းမရှိဘဲ ဘာလို့ကျောင်းစောစောသွားမှာလဲဆိုပြီး အဖေ့အတွက်ဟင်းကို အရင်ချက်ပေးတယ်လေ။ အဖေက ဒီနေ့သက်သက်လွတ်လေ။ ငါထမင်းဘူးစောင့်နေရတော့ နောက်ကျတာပေါ့။ အခုတော့သွားပါပြီ။ သူကပြန်ထွက်လာမှာမဟုတ်တော့ဘူး။ နေ့လည်မုန့်စားဆင်းချိန် ကျရင် ကျောင်းကြီးဘက်ခဏသွားရအောင်ဟာ။ သူတို့အတန်းရှေ့ကဖြတ်ကြည့်ရအောင်”

“နင့်အကိုတွေ့ရင် ကျောင်းကြီးပေါ်ဘာလာလုပ်တာလဲဆို ဆူနေဦးမယ်” “ဟာ လိုင်ဘရီသွားတာလို့ ပြောမှာပေါ့ဟ” “ယုံလိမ့်မယ် လိုင်ဘရီကဟိုဘက်စွန်း၊ နင့်အကိုအတန်းက ဒီဘက်စွန်း။ နင့်အကိုကလည်း ဒီနှစ်ကျမှသူနဲ့တတန်းတည်းကျရတယ်လို့” “အေးဟာ သူသိရင် ငါ့ကိုဗျင်းမှာ၊ တခြားဟာသာခွင့်လွှတ်မှာ။ သူ့အတန်းထဲကသူငယ်ချင်းကိုလာကြည့်တယ်ဆိုလို့ကတော့ ငါ့ကိုအိမ်နဲ့လည်းပြန်တိုင်လိမ့်မယ်။ ဘာပဲပြောပြောဟာ ဒီနေ့တနေ့လုံးသူ့ကိုမမြင်ရလို့ကတော့ မဖြစ်ဘူး။ တနည်းနည်းတော့ကြံမှ။”

သူတို့နှစ်ယောက်စကားပြောနေတုံးမှာပဲ ထက်ထက်တယောက် လွယ်အိတ်စလွယ်သိုင်းပြီး ထမင်းချိုင့်နဲ့ရေဘူးထည့်ထားတဲ့ခြင်းကို တဘက်ကကိုင်၊ ထမီစကိုမနင်းမိအောင် လက်တဘက်နဲ့ကိုင်လို့ ပြုံးစိစိမျက်နှာနဲ့ရောက်ချလာပါတယ်။ “ဟဲ့ မိန်းမတွေ မှန်းကြည့်စမ်း။ ငါဘယ်သူနဲ့တွေ့လာသလဲလို့။” “အမယ်လေး ဘယ်သူနဲ့တွေ့တွေ့စိတ်မ၀င်စားဘူး” လို့သူမကဘုတောတော့ “ဟုတ်လား စိတ်မ၀င်စားနေပေါ့ဟ။ ငါတော့ ရင်ခုန်တောင်မပျောက်သေးဘူး။ ကိုလင်းကအရမ်းချစ်ဖို့ကောင်းတာပဲ” “ဘာ နင်ကိုလင်းနဲ့တွေ့လာလား။ ဘယ်မှာလဲ” သူမတောင်ပါးစပ်မဟရသေးခင် မေသူကဦးအောင် ကမန်းကတန်းဝင်မေးတော့ ပြင်ထားတဲ့ပါးစပ်ကိုပြန်စေ့ပြီး မေသူမကိုမျက်စောင်း လှမ်းထိုးမိပါတယ်။ ထက်ထက်က “ငါကျောင်းကြီးနောက်ဘက်ကအပေါက်ကလာတာဟ။ ကိုလင်းက သူ့သူငယ်ချင်း ဟိုတံမြက်စည်းနဲ့လေ သောက်ရေအိုးဖြည့်မလို့ သောက်ရေကန်ကိုလာတာဟ။ ငါ့ကိုတောင် ကြည့်သွားသေးတယ်။ ” (ကိုလင်းနဲ့တွဲနေကျသူငယ်ချင်းက ၀င်းဦးလိုနှုတ်ခမ်းမွှေးစစနဲ့မို့ နှုတ်ခမ်းမွှေးကိုကြည့်မရတဲ့ သူမကပဲ တံမြက်စည်းလို့ကွယ်ရာမှာ နာမည်ပြောင်ပေးထားတာပါ။) “တွေ့လာတာကိုတော့ ယုံပါတယ်။ နင့်ကိုကြည့်သွားတယ်ဆိုတာကတော့ အဟမ်း အဟမ်း သိပ်မယုံနိုင်ဘူး” လို့သူမကပြုံးစိစိပြောတော့ မေသူက “အော် အထွန်းကလည်း ဒီလောက်ရုပ်ဆိုးတဲ့ ကောင်မလေးမျိုးငါတခါမှ မတွေ့ဘူးပါဘူးလို့ ကြည့်သွားတာနေမှာပေါ့” စတော့ ထက်ထက်မစိတ်တိုပြီး ဆွေ့ဆွေ့ခုန်လို့ သူမတို့နှစ်ယောက်အသည်းအသန်ပြန်ချော့ရပါတယ်။ တကယ်တော့ ကိုလင်းက သူတို့ တကျောင်းလုံးမှာ ရုပ်အချောဆုံး။ သူတို့အုပ်စုကတော့ ကိုလင်းကချောတာထက်ချစ်ဖို့ကောင်းတာလို့ သဘောတူ ကြတယ်။ ကျောင်းမှာ သူတို့အားကျရတဲ့ စာအရမ်းတော်တဲ့၊ စာစီစာကုံး၊ ကဗျာပြိုင်ပွဲတွေမှာ ဆုရနေကြ နာမည်ကြီးအကိုကြီးတွေရှိပါတယ်။ သူတို့ စာမေးချင်တိုင်း၊ သူမစာစီစာကုံးဖြေခါနီးတိုင်း အမြဲတမ်း ကူညီနေကျအကိုသန့်ဇင်ဆို ဆရာမတွေကလည်းအရမ်းချစ်။ သူတို့အုပ်စုကတော့ စာမေးတဲ့အချိန်သာ ကိုကြီး၊ ကိုကြီးနဲ့ လည်ကြပတ်ကြပြီဆို သူ့ကိုမခေါ်ကြတော့။ သူကတော့ သူမတို့ကိုစေတနာထားရှာပါတယ်။ အထူးသဖြင့်သူမကို သူ့သူငယ်ချင်းရဲ့ညီမလေးဆိုပြီး အရေးပေး၊ အလိုလိုက်ပြီး သူမဆိုးသမျှကို ခွင့်လွှတ်တတ်သူပါ။

အဲဒီတုန်းကသူမတို့က ရှစ်တန်း။ ကိုသန့်ဇင်၊ ကိုလင်းနဲ့ သူမရဲ့အကိုတို့ကဆယ်တန်းရောက်နေပါပြီ။ ၉တန်းရောက်ရင် ထမီဝတ်ရတော့မယ်ဆိုတော့ ၈တန်းစတက်ရတဲ့အခါ ၀တ်စုံအသစ်ကိုအမေက အလယ်တန်းက ၀တ်စုံလိုရှပ်အကျီ င်္နဲ့အပေါ်ကတဆက်တည်းတွဲဝတ်ရတဲ့ ဘိုဆန်ဆန်ဂါဝန်ရှည်မျိုး ချုပ်မပေးတော့။ ရင်ဖုန်းနဲ့ထမီပဲချုပ်ပေးတော့တယ်။ ၅တန်းကနေ ၈တန်းအထိပဲထားတဲ့ ဒီဘက်ကျောင်းဆောင်မှာ သူတို့ကအတန်းအကြီးဆုံးဖြစ်နေပြီး ကလေးတွေလိုမနေချင်ကြတော့။ ဂါဝန်လည်းမ၀တ်ချင်၊ ထဘီနဲ့ရင်ဖုန်းဝတ်ရတာလည်း ကျဉ်းကျပ်နဲ့ စကောစကတွေဖြစ်နေကြတာပါ။ သူမတို့အုပ်စုကတော့ ဖက်ရှင်ထွင်ကြတယ်။ အလယ်တန်းတုန်းက၀တ်ရတဲ့ ဂါဝန်အောက်ခံရှပ်အကျီ င်္အဖြူကို ထမီနဲ့တွဲဝတ်တာပါ။ လွယ်အိတ်ကိုစလွယ်သိုင်းရင်သိုင်း၊ မသိုင်းရင် လက်တဘက်ကဆွဲ၊ ဒါမှမဟုတ် ကျောပိုးအိတ်တစောင်းလွယ်ပြီး ထမီကခြေမျက်စိဖုံးတဲ့စတိုင်နဲ့ ကျောင်းတက်တဲ့သူမတို့အုပ်စုက လူကြီးတွေ မျက်စိထဲမှာတော့ တော်တော်မျက်စိနောက်စရာဖြစ်နေမယ်ဆိုတာ အခုမှပဲပြန်တွေးမိပါတယ်။ သူတို့ကတော့ ကျောင်းကိုအစောကြီးလာ၊ အရင်လိုလည်း စိန်ပြေးတမ်းတွေ၊ ထုပ်ဆီးတိုးတာတွေမလုပ်ဖြစ်၊ စာကြည့်တိုက်ကစာအုပ်တအုပ်ငှား၊ အခန်းရှေ့က ခရေပင်ခုံတန်းမှာ စာထိုင်ဖတ်ရင်း ကိုလင်းကျောင်းအလာ ကိုမျှော်ရတာကိုပဲ ပျော်ရွှင်လို့။ အိမ်ပြန်ရောက်တဲ့အခါ အိမ်မှာတော့ အငယ်ဆုံးသမီးအလိမ်မာလေးပေါ့။ ဒီလိုနဲ့သူမတို့စာမေးပွဲပြီးလို့ နောက်လမှာပဲကိုကြီးတို့ဆယ်တန်းဖြေရတော့ ဘုရားရှိခိုးတိုင်းကိုကြီးရော ကိုလင်းရော ဖြေနိုင်ပါစေလို့ဆုတွေတောင်းလို့….။

နောက်တနှစ်၉တန်းရောက်လာတဲ့အခါ ရင်ဖုံးအကျီ င်္၊ ထမီလေးနဲ့ကျောင်းတက်တော့ လူလည်းအရင်က လောက်ရှပ်ပြာရှပ်ပြာမလုပ်ဖြစ်တော့။ ရင်ဖုံးနဲ့ထမီကကိုယ့်ကိုတည်ငြိမ်သွားစေသလိုပဲ။ ကျောင်းသွား ကျောင်းပြန်အနောက်ကလိုက်တဲ့ ကောင်လေးတွေရှိလာလို့ဆိုပြီး အိမ်ကကိုကြီးနဲ့အကိုဝမ်းကွဲတွေက တလှည့်စီအကြိုအပို့။ သူမကိုယ်တိုင်ကလည်း ၁၀တန်းမအောင်ခင်ဘာမှရှုပ်ရှုပ်ထွေးထွေးမလုပ်ချင်သူမို့ ကျောင်းစာထဲမှာပဲအာရုံနှစ်လို့။ တခါတလေတော့ သူငယ်ချင်းတွေနဲ့စကားပြောရင်း ကိုလင်းကိုသတိတွေရလို့။ ၈လပိုင်းကျတော့ ကိုကြီးတို့အောင်စာရင်းထွက်တယ်။ ကိုကြီးကအောင်တယ်ဆိုတာကိုအိမ်ကိုပြန်ပြောပြီး သူငယ်ချင်းတွေနဲ့အပြင်ပြန်ထွက်ဖို့လုပ်နေတုန်း မရဲတရဲနဲ့ ကိုကြီး ဟိုကိုကြီးသူငယ်ချင်းအောင်လားဆိုတော့ သန့်ဇင်လားတဲ့ သူကဘာသာစုံဂုဏ်ထူးလေတဲ့။ အော်ဟုတ်လား ဟိုလေကိုကြီးတို့အတန်းထဲကပဲလေ ချိုတေးသံသွင်းကလေ ဟိုအကိုကြီးကွာ၊ သူ့နာမည်က လင်းဘာဆိုလည်း မသိဘူးလေဆိုတော့ အော် လင်းဥာဏ်လား။ အောင်တယ် ဂုဏ်ထူးတော့ မပါဘူးတဲ့။ အကိုကအပြင်ထွက်ဖို့အပြေးအလွှားလုပ်ရင်းနဲ့ပြောသွားတော့ သူမကိုအာရုံမရလိုက်တာ။ သာမာန်အချိန်မှာဆို သူမကိုဘာလို့သိချင်တာလဲ နင်နဲ့ဘာဆိုင်လဲနဲ့မေးခွန်းတွေထုတ်တော့မှာ။ ကိုကြီးနဲ့ ကိုလင်းနဲ့ကတတန်းတည်းဆိုပေမယ့် သိပ်ရင်းနှီးကြတာမဟုတ်။ မေးထူးခေါ်ပြောလောက်ပဲရှိကြတာ။ နောက်တနေ့ကျောင်းတက်ရတော့ ကိုလင်းအောင်တဲ့အကြောင်း သူငယ်ချင်းတွေကိုဖောက်သည်ချရင်း နောက်ရက်တွေမှာ ကျောင်းကအောင်လက်မှတ်လာထုတ်မယ့်၊ ဆရာကန်တော့ပွဲကိစ္စတွေလာလုပ်ကြတဲ့ ကျောင်းသားဟောင်းတွေကြားမှာ ကိုလင်းကိုရှာမိပါတယ်။ သူမစာသင်နေရတဲ့အချိန်ပဲလာသွားတာလား။ ကိုလင်းကပဲ ကျောင်းကိုမလာတာလားတော့မသိ။ ဆရာကန်တော့ပွဲပြီးသွားတဲ့အထိကိုလင်းကို ကျောင်းမှာမတွေ့ရတော့ပါ။ ကျူရှင်သွားရင်းနဲ့သူမတို့သူငယ်ချင်းတစု ကိုလင်းတို့တေးသံသွင်း ရှေ့ကဖြတ်တော့လည်း အဲဒီဘက်ကို သူမကလှည့်မကြည့်ရဲ။ ထက်ထက်ကတော့ မတွေ့ပါတဲ့။ ၉တန်းစာမေးပွဲပြီး ၁၀တန်းအတွက်ကျူရှင်တွေ လိုက်တက်နေရင်း နွေရာသီတနေ့မှာကိုလင်းတို့ ချိုတေးသံသွင်းကိုအရဲစွန့်ပြီး သူမတို့ရောက်သွားကြပါတယ်။ ကိုလင်းအမေလား အဒေါ်လားမသိတဲ့အန်တီကြီးကကောင်တာမှာ။ သူမတို့ကသီချင်းခွေတွေရွေးလိုက် အတွင်းဘက်ကိုမသိမသာခိုးကြည့်လိုက်ပေါ့။ အဲဒီအချိန်မှာပဲ ပိုက်ဆံအိတ်အနက်လေးကို ခါးကြားမှာထိုးရင်း ကိုလင်းကအသံသွင်းခန်းထဲကနေထွက်လာပါတယ်။ သားအပြင်ခဏသွားလိုက်ဦးမယ်တဲ့။ သူမတို့ကို ပြောတာမဟုတ်ပေမယ့် ကြားရခဲတဲ့ကိုလင်းရဲ့ ရှတတအသံလေးကို နားထဲမှာပြန်ပြန်ကြားယောင်လို့ သူမအဲဒီနေ့က အပျော်တွေနဲ့အိမ်ပြန်ခဲ့ပါတယ်။

ဒီလိုနဲ့ပဲ ဆယ်တန်းတနှစ်ကဘယ်လိုမှန်းမသိလိုက်ပဲကျော်ဖြတ်သွားပါတယ်။ အောင်စာရင်းထွက်တော့ သူငယ်ချင်းတွေလိုဆေးတက္ကသိုလ်လည်းဝါသနာမပါ၊ ကွန်ပျူတာကိုလည်း ဘွဲ့တခုရအောင် မသင်ချင်တဲ့သူမကသူမတို့မြို့လေးမှာပဲ အင်္ဂလိပ်စာအဓိကတက်ဖို့လျှောက်လိုက်ပါတယ်။ အဲဒီလိုမြို့မှာ အင်္ဂလိပ်စာအဓိကယူမိတာကပဲ သူမကို ကိုလင်းနဲ့ပြန်ဆုံဖို့ဖြစ်လာခဲ့ပြန်တယ်။ တယောက်အကြောင်းတယောက် မစုံစမ်းပဲသိနိုင်တဲ့သူမတို့မြို့ငယ်ငယ်လေးမှာ ကိုလင်းဘယ်ကျောင်းတက်တယ်သူမ မသိခဲ့ပါဘူး။ သူမတက္ကသိုလ်ပထမနှစ်တက်ပြီး ၂လလောက်မှာသူတို့ ကျောင်းမှာမေဂျာတိုင်းအတွက် ကျောင်းသားကော်မတီရွေးပွဲလုပ်ပါတယ်။ ပထမနှစ်အတွက်သူမတို့အတန်းမှာ ကော်မတီဝင် ကျောင်းသား ၂ယောက်၊ ကျောင်းသူ ၂ယောက်ရွေးပေးပါလို့ ပါမောက္ခကအတန်းထဲက ကျောင်းသားတွေကိုပြောတော့ တခြားကျောင်းသား ၂ယောက်၊ တခြားမိန်းကလေးတယောက်နဲ့ သူမကို ရွေးလိုက်ကြပါတယ်။ သူငယ်ချင်းတွေအကုန်လုံးက ဆေး၊ သွားဆေး၊ ကွန်ပျူတာနဲ့ GTCတွေမှာပဲ စုပြုံနေတော့ သူမတယောက်တည်း မိန်းကိုရောက်လာတာပါ။ ဒါပေမယ့်လည်းသူမရဲ့ သွက်လက်မှုကပဲအချိန်တိုအတွင်းမှာသူငယ်ချင်းတွေအများကြီးရသွားစေပြီး အတန်းကော်မတီလည်း ဖြစ်သွားပါတယ်။ သူမကတော့ထုံးစံအတိုင်းစလိုက်၊ နောက်လိုက်၊ ရယ်လိုက်၊ မောလိုက်၊ အတန်းထဲမှာ မုန့်ခိုးစားလိုက်ပေါ့။ နောက်တပါတ်ကြာတော့ မေဂျာမှာကျောင်းသားကော်မတီအစည်းအဝေးတဲ့။ သူမတို့ ပထမနှစ်တွေကိုကြိုဆိုရေးနဲ့ ဆရာကန်တော့ပွဲအတွက်ဆွေးနွေးဖို့ပါတဲ့။ အဲဒီနေ့ကျမှ သူမနဲ့အတူတူ ကော်မတီဝင်မိန်းကလေးက နေမကောင်းလို့ ကျောင်းမလာနိုင်။ သူမတယောက်တည်း ယောက်ျားလေး ၂ယောက်နဲ့ အစည်းအဝေးခန်းကိုရောက်သွားတော့ လူတော်တော်များများရောက်နေကြပြီ။ စီနီယာအမတယောက်ဘေးမှာဝင်ထိုင်ပြီး ကိုယ့်ကိုကိုယ်မိတ်ဆက်တော့ အဲဒီအမကလည်း သွက်သွက်လက်လက်မို့သူမနဲ့ချက်ချင်းခင်သွားတော့တယ်။ အဲဒီအမကပဲ သူမကိုတယောက်ချင်းရဲ့ နာမည်နဲ့ ဘယ်နှစ်ကဆိုတာတွေပြောပြပေးပါတယ်။ သူမကတော့ ခေါင်းတငြိမ့်ငြိမ့်နားထောင်နေတုန်းမှာပဲ ကိုရွှေဂဲလို့ အမအခုပဲပြောပြထားတဲ့ အတန်းအကြီးဆုံးအကိုကြီးက လူစုံပြီလားဟေ့၊ လူစုံရင်စကြမယ်တဲ့။ အမတယောက်က မစုံသေးဘူး 99အတန်းက ကျန်သေးတယ်ဆိုတော့ ကိုရွှေဂဲက အော်99က အတန်းရှိလို့ ၁၀မိနစ်လောက်နောက်ကျမယ်ပြောထားတာ။ အခုလာတော့မှာပါ ခဏစောင့်လိုက်ကြတာပေါ့တဲ့။ (99အတန်းဆိုတာ ၁၉၉၉ခုနှစ် ဆယ်တန်းအောင်သူများအသုတ်ကိုခေါ်တာပါ။) သူမဘေးက အမက သူမကို အဲဒီ 99 ကအခုလာမယ့် ၂ယောက်ထဲမှာ 99 King လည်းပါတယ်သိလား တဲ့။ “ဟုတ်လား အမ၊ King ဆိုတော့ ချောမှာပေါ့” လို့သူမကရယ်ပြီးပြောတော့ “ချောတယ်။ အခုနာမည်ကြီးနေတဲ့ကိုရီးယားဇာတ်လမ်းတွဲ တွေထဲက ကိုရီးယားမင်းသားလေးတွေလိုကိုချောတာ” လို့အမပြောတော့သူမက ကိုလင်းကိုသတိရပြန်ရော။ ကိုလင်းကျောင်းမှာရှိနေတုန်းက တီဗွီကလာနေကျဇာတ်လမ်းတွဲတွေက တရုတ်ဇာတ်လမ်းတွေ။ ခပ်ချောချောမင်းသားတွေပါပေမယ့်လည်း သူမတို့ကကိုလင်းလောက်ကို မနု၊ မချောလို့မြင်ကြတယ်။ နောက်ပိုင်း ကိုရီးယားကားတွေ သူမတို့ ၁၀တန်းနှစ်လောက်ကစပြီးအရမ်းခေတ်စားလာတဲ့အခါကျတော့ သူမတို့သူငယ်ချင်းအချင်းချင်း ပြန်ပြောမိကြသေးတယ်။ “ကိုလင်းက ကိုရီးယားမင်းသားချောပုံမျိုး” ဟု။ သူမကိုလင်းအကြောင်းစဥ်းစား နေတုန်းမှာပဲ “ဆောရီးအကို ကျွန်တော်တို့နောက်ကျသွားတယ်” ဆိုပြီး အသားညိုညို ခပ်ပိန်ပိန်အကိုကြီးတယောက် အပေါက်ဝကနေ၀င်လာပါတယ်။ သူကပဲအားလုံးကိုပြုံးပြပြီး လွတ်နေတဲ့ ၂ခုံမှာ ဘယ်ဘက်က၀င်ထိုင်လိုက်ပါတယ်။ သူထိုင်ချလိုက်တဲ့အခါမှပဲ သူ့နောက်ကပါလာတဲ့သူကို သူမမြင်လိုက်ရပါတယ်။ “အဲဒါ ၉၉ Kingလေ”တဲ့။ ဘေးကအမကကပ်အပြောကိုကြားပေမယ့် သူမအကြည့်တွေက ကိုလင်းဆီမှာငြိမ်သက်လို့။ ကိုလင်းကတော့ ထုံးစံအတိုင်း ဘယ်သူမှမကြည့်၊ ပြုံးလည်းမပြုံးဘဲ ခုံကိုဆွဲထိုင်ချလိုက်ပြီး ကိုရွှေဂဲရှိတဲ့စားပွဲထိပ်ကိုမျက်နှာလှည့်ထားပါတယ်။ မျက်နှာချင်းဆိုင်က သူမကတော့ မမြင်ရတာကြာနေတဲ့ ကိုလင်းရဲ့ဘေးတိုက်မျက်နှာကို လူမသိအောင် ခိုးခိုးငေးရင်း အဲဒီနေ့ကအစည်းအဝေးကို ဘာမှသေသေချာချာမကြားလိုက်ပဲ ပြီးသွားပါတယ်။ နောက်ပိုင်းမှာလည်း ကထိန်ပွဲအတွက်၊ ကျောင်းကထုတ်တဲ့မဂ္ဂဇင်းအတွက် ဆုံဖြစ်ကြတိုင်းမှာ သူမနဲ့စကားဆို စရာကြုံလာရင်တောင် မျက်နှာကိုသေချာမကြည့်ဘဲပြောချင်တာပဲပြောသွားတတ်တဲ့ ကိုလင်းအကြောင်းကို သူငယ်ချင်းတွေဆီဖုန်းဆက်တိုင်တည်မိပါတယ်။ သူငယ်ချင်းတွေကတော့ အားလုံးထဲမှာကိုလင်းနဲ့ ကျောင်းအတူတက်ခွင့်ရတဲ့အတွက်သူမက ကံထူးရှင်တဲ့လေ။ တကယ်တမ်းကျ ကိုလင်းတို့ ၉၉ ကျောင်းဖွင့်ချိန်က တခြားနှစ်တွေနဲ့မတူပဲ တကွဲတပြားကွဲထွက်နေပြီး တနှစ်မှာ သူမတို့ကျောင်းချိန်နဲ့ ၃၊ ၄လ လောက်ပဲ တိုက်တာပါ။ ကျောင်းချိန်မတူတော့လည်း ကိုလင်းနဲ့ကမတွေ့ဖြစ်ပြန်။ သူမပထမနှစ်မှာ ကိုလင်းက ဒုတိယနှစ် နောက်ဆုံးနှစ်ဝက်ဖြစ်နေပြီ။ သူမဒုတိယနှစ်မှာ ဆရာကန်တော့ပွဲလုပ်တော့ အဲဒါနောက်ဆုံးအကြိမ် ကိုလင်းကိုသူကျောင်းမှာတွေ့ရတာပါ။ ဆရာ၊ ဆရာမတွေကန်တော့ပြီးတော့ ထမင်းစားနေကြတဲ့အချိန် ကျောင်းသားတွေမစားရသေးခင် ဂစ်တာဝိုင်းဖွဲ့တီးနေတဲ့ဘေးမှာ ကိုလင်းကဂစ်တာမတီး၊ သီချင်းမဆိုပဲ ငြိမ်ငြိမ်လေးထိုင်နေပါတယ်။ သူမ ဂုဏ်ထူးတန်း ရောက်တော့ ကိုလင်းကျောင်းပြီးသွားပြီ။ ကိုလင်းမရှိတော့တဲ့ ကျောင်းကသူမအတွက်ခြောက်ကပ်ကပ်။ အရင်ကလို ကင်တင်းမှာခဏတဖြုတ်ဆုံမိရင် ဆွေ့ဆွေ့ခုန်ပျော်ရွှင် ကြည်နူးရတာမျိုးတွေမရတော့။ အစည်းအဝေးမှာခိုးငေးနေကျမျက်နှာလေးကိုလည်းမတွေ့ရတော့။ ဂုဏ်ထူးတန်းနောက်ဆုံးနှစ်ကတော့ သူမအတွက်အခြောက်သွေ့ဆုံး။ ကိုလင်းအကြောင်း ရင်ဖွင့်နေကျ သူငယ်ချင်းတွေက နောက်ဆုံးနှစ်ပြီးလို့အိမ်ပြန်ကုန်ကြပြီ။ ကျန်ခဲ့တဲ့အတန်းဖော်တွေက အတန်းထဲကအတန်း ပြင်မထွက်တဲ့ စာကြမ်းပိုးလေးတွေ။ သူမမှာ သူငယ်ချင်းတွေကိုလွမ်းရင်း တမြို့တည်းပေမယ့် မတွေ့ရတဲ့ ကိုလင်းကိုလည်း လွမ်းရင်းပေါ့။

ကျောင်းပြီးပြီးရန်ကုန်မှာ ၂နှစ်ကြာပြီးနောက်မှာ ရန်ကုန်မြို့တမြို့စာလောက်ပဲရှိတဲ့ ဒီကျွန်းလေးမှာ ကျောင်းဆက်တက်ဖို့ သူမရောက်လာပါတယ်။ နိုင်ငံပေါင်းစုံကသူငယ်ချင်းအသစ်တွေရလာတဲ့အပြင်၊ Facebook ကိုလည်း ကျွမ်းကျွမ်းကျင်ကျင်သုံးတတ်လာခဲ့ပါတယ်။ တနေ့ကျတော့ Facebook ပေါ်ကနေ အဆက်ပြတ်နေတဲ့ကျောင်းတုန်းကစီနီယာအမတယောက်ကိုတွေ့တာကြောင့် ဖုန်းနံပါတ်ပေးလိုက်ပါတယ်။ နောက်တနေ့မှာပဲသူမဆီကို လင်းဥာဏ်လို့ကိုယ့်ကိုယ်ကိုမိတ်ဆက်လာတဲ့ သူတယောက်ဖုန်းခေါ်လာပါတယ်။ ကိုယ့်ဓါတ်ပုံတွေကို Facebook ပေါ်မှာတွေ့တယ်တဲ့။ အမြဲတမ်းပြုံးနေတတ်တဲ့မိန်းကလေးမို့ ခင်ချင်လို့ပါတဲ့။ မကြာခဏမကြားရပေမယ့် ဘယ်သူနဲ့မှသိပ်မတူတဲ့ရှတတအသံလေးကို သူမမှတ်မိနေခဲ့ပါတယ်။ တခြားသူသာဆိုဖုန်းချပစ်မိမှာမှန်ပေမယ့် သူဘယ်သူဆိုတာသိနေတဲ့သူမ အဲလိုမလုပ်ရက်ခဲ့ဘူး။ သူရဲ့ဇာတိ၊ ကျောင်း၊ မေဂျာ၊ အခုလုပ်နေတဲ့အလုပ်အကိုင်တွေပြောပြပြီး မိတ်ဆက်လာပါတယ်။ သူမက သူနဲ့တမြို့တည်းကဆိုတာသိတော့ အံ့သြတကြီးဖြစ်လို့။ ဘာလို့များကိုယ် ညီမလေးကို အရင်တုန်းက မသိခဲ့ရတာလဲ တဲ့။

အဲဒီနေ့ကစပြီးသူအခါခါ ဖုန်းဆက်ပေမယ့် သူမနှလုံးသွေးတွေအေးခဲနေပြီဆိုတာ သူသိပုံမရခဲ့ပါဘူး။ အထက်တန်းအတူတူ၊ တက္ကသိုလ်မှာ မေဂျာတူ၊ လုပ်ငန်းကော်မတီအတူတူ။ ဒါပေမယ့် တခါမှသူမကို သူဂရုမစိုက်မိခဲ့ဘူးပေါ့နော်။ သူမဟာသူ့အတွက်မြူမှုန်၊ သဲမှုန်လေးတမှုန်ပဲပေါ့။ သူ့ကိုအမြဲတမ်းစောင့်ကြည့်နှစ်သက်ခဲ့တဲ့ မိန်းကလေးတယောက်ကို သူမသိခဲ့ဘူးဆိုရင်တောင် တကျောင်းတည်းတက်ခဲ့တဲ့၊ တမြို့တည်းသားချင်းညီမငယ်တယောက်အဖြစ် သိနှင့်နေသင့်ပါတယ်။ ဒီမျက်နှာကိုရင်းနှီးနေသင့်တာပေါ့။ နှစ်ပေါင်းများစွာ ကြာမှ Facebook ပေါ်ကဓါတ်ပုံလေး ၁ပုံ ၂ပုံကြောင့် မိန်းကလေးတယောက်ကိုအလေးထားမိလာတယ်တဲ့လား။ အဲဒါဟာ ဖူးစာလို့ဆိုရင်တောင်မှ ကျိန်စာသင့်နေတဲ့ ဖူးစာပဲဖြစ်ပါလိမ့်မယ်။ သူ့မျက်နှာမြင်ရုံနဲ့ပျော်ရွှင်ကြည်နူးခဲ့ဖူးတာတွေအားလုံးက ဟိုးအတိတ်မှာ။ အခုပြန်တွေးရင် ရုပ်ရှင်တပုဒ်ကြည့်သလို၊ ကိုယ်နဲ့မသက်ဆိုင်တဲ့အကြောင်းအရာတခုကိုဘေးက ကြည့်နေသလိုမျိုး။ သူ့ဆီကဖုန်းလာရင် မဆက်ပါနဲ့တော့လို့ပြောချင်ပေမယ့် ပြောမထွက်။ မပြောရက်။ ဒါပေမယ့်အရင်လိုသူ့အသည်းနှလုံးကအလုပ်မလုပ်တော့။ တခါတလေတော့လည်း သူမဖြစ်နေတဲ့ရောဂါက ကျောက်ကပ်မှာလား၊ နှလုံးသားမှာလား သေချာအောင်စမ်းသပ်ချင်မိသေးတယ်။ ဘာပဲဖြစ်ဖြစ် အခုတော့ သူမဆီဖုန်းမဆက်ပါနဲ့တော့လို့ သူမပါးစပ်ကဖွင့်ဟပြောရဲတဲ့နေ့တနေ့ရောက်တဲ့အထိ သူဆက်တဲ့ဖုန်းတွေကို သည်းခံနားထောင်ရဦးမှာပေါ့လေ။