Friday, June 26, 2009

ဆေးရုံ

ဆေးရုံဆိုတာ ကိုယ့်အတွက်တော့ တကယ့်ကိုစိမ်းသက်လွန်းတဲ့နေရာလေ။ ကိုယ်လူမှန်းသိတတ်စအချိန်မှာ အမေဆေးရုံတခါတက်ဘူးပေမယ့် ကိုယ်တကယ်သိတတ်လာတဲ့အချိန်မှာတော့ အမေကဆေးခန်းနဲ့အိမ်ကို ကူးချည်သန်းချည်လုပ်နေတာလောက်ပဲ ကြုံခဲ့တာပါ။ နောက်သူငယ်ချင်းတွေဆေးကျောင်းတက်ကြပြီး ဟောက်စ်ဆင်းကြတဲ့အခါ ဆေးရုံကိုသွားသွားလည်ပါတယ်။ ညဘက်ဂျူတီကျတဲ့အခါသရဲကြောက်တတ်တဲ့ သူငယ်ချင်းတွေအကြောင်း၊ လူနာတွေကိုသနားပေမယ့် အပြောအဆိုကြမ်းတဲ့ဆရာဝန်တွေအကြောင်း၊ ရှေ့က AS (Assistant Surgeon) မမတွေရဲ့ပညာပြပုံ၊ မျက်နှာလိုက်ပုံအကြောင်းတွေကစလို့ ဟောက်စ်ဆင်းတဲ့ ဆရာဝန်ပေါက်စ လူပျိုချောလေးတွေကို ညုတတ်တဲ့နာ့စ်ပေါက်စလေးတွေအကြောင်းအထိ ဟာသလုပ်နားထောင်ခဲ့ဖူးပါတယ်။ အစိုးရဆေးရုံဖြစ်နေတော့လည်း ဆေးရုံမှာမတတ်နိုင်တဲ့လူတန်းစားတွေ များပါတယ်။ လူနာစောင့်လာတဲ့လူတွေ၊ လူနာတွေရဲ့ မျှော်လင့်ချက်မဲ့တဲ့မျက်နှာတွေကို (မရှက်တမ်းဝန်ခံရရင်) စိတ်ထဲမှာမကောင်းပေမယ့် ခပ်အေးအေးပဲဖြတ်ကျော်ခဲ့ဖူးပါတယ်။ ပိုက်ဆံတတ်နိုင်တဲ့တချို့တလေ ဆေးရုံရောက်လာပြန်တော့လည်း တစုံတယောက်ကိုငါပိုင်တယ် ငါ့ပိုက်ဆံအိတ်ထည့်ထားနိုင်တဲ့အထာမျိုးတွေ ကိုခပ်ချဉ်ချဉ်နဲ့မျက်စောင်းထိုးဖူးပါတယ်။ ဒါပေမယ့် တကယ်တန်းကိုယ်ဆေးရုံတက်ရမယ်ဆိုတော့ ကြောက်တာမှ အရိုးတောင်တုန်တယ်ပြောရမလားပဲ။


မြန်မာပြည်ကစပြန်ရောက်ကတည်းကဘူးသီးလောက်နီးပါးဖောင်းကားနေတဲ့ ကိုယ့်ခြေထောက်ကိုအကိုတွေက စိတ်ပူကြပါတယ်။ မအိပ်ခင်၂ညလောက်ဆက်တိုက် မူးမူးပြီးအန်ပြီးတဲ့နောက်မှာတော့ သောကြာနေ့သူတို့စာတမ်းတင်ပြီးရင် ဆေးခန်းပြရမယ်ဆိုတဲ့အမိန့်ကိုချမှတ်လိုက်ပါတော့တယ်။ ကိုယ်ကလည်းသွားဆိုတော့ သွားပေါ့။ အဲဒီအန်တဲ့ညကလည်းဆရာဝန်အကိုကလာစမ်းသပ်ပြီး နားကျပ်နဲ့ဟိုထောက်ဒီထောက် လက်သီးနဲ့ဟိုထုဒီထု လုပ်ပါတယ်။ နာရင်ပြောတဲ့။ သူ့လက်သီးကြီးနဲ့ထုတဲ့နောက်မနာဘဲနေမလား။ အဲဒါကိုပဲ နာရင်ပြောတဲ့။ ဘယ်ပြောရဲပါ့မလဲ။ အဲဒါနဲ့ ဒီနေ့ကျတော့ဆေးခန်းသွားမယ်လုပ်ရော။ ဆေးခန်းလိုက်ပို့မယ့်သူတွေက ဇွဲကောင်းကောင်းနဲ့ အိမ်အောက်ဧည့်ခန်းထဲကစောင့်ပြီး ကိုယ်ကတော့အိပ်ခန်းထဲကနေ ၉နာရီနှိုးစက်ကိုပိတ်လိုက်၊ ၉နာရီခွဲကိုပြောင်းလိုက် ပြန်အိပ်လိုက်၊ ၉နာရီခွဲမြည်လာတော့ ပိတ်ပြီး ဟိုဘက်ဒီဘက်လှိမ့်လိုက်လုပ်ပါတယ်။ နောက်ဆုံးဘယ်လိုနေလို့မရတော့ဘူးထင်လာတော့မှထပြီး ရေချိုး၊ အ၀တ်အစားလဲပြီးဆင်းလာတော့ ဧည့်ခန်းထဲမှာ တယောက်၊ ဟိုဘက်လမ်းကအိမ်မှာတယောက်၊ ကျောင်းမှာတယောက်နဲ့ ဆေးခန်းလိုက်ပို့မယ့်တပ် ကအဆင်သင့်စောင့်နေပါတယ်။


ဆေးခန်းရောက်တော့ ကိုယ်ကျတဲ့အခန်းကဆရာဝန်အဘိုးကြီးပါ။ အဘိုးကြီးပေမယ့်လည်း ဟိုထုဒီထုလုပ်တော့နာတာပဲ။ ဆရာဝန်အကိုကအခန်းထဲအထိလိုက်လာပြီး ဘာညာကွိကွ သူတို့ဘာသာစကားနဲ့ (medical terms လို့ပြောတာပါ :P) လုပ်လိုက်တော့ ပြီးသွားရော။ ဟိုထုဒီထုလုပ် ပြီးတော့ နာရင်ပြောတဲ့။ ပြီးတော့ ခွက်ကလေးတလုံးပေးပြီး ဆီးသွားခိုင်းတယ်။ သွားဆိုတော့လည်းသွားပေါ့။ ဆီးစစ်ပြီးတော့ NUH (National University Hospital) ကိုသွားပါတဲ့။ သူကတော့ ဆေးရုံတက်စေချင်တယ်တဲ့။ ဟိုကလူတွေဘာပြောမလဲမသိဘူးတဲ့။

အဲဒါနဲ့ NUH သွားရော။ ဟိုရောက်တော့ဝက်တုပ်ကွေးအစွမ်းနဲ့ Emergency Unit ထဲကိုလူနာမှအပမ၀င်ရတွေဖြစ်ကုန်ရော။ အဲဒါနဲ့ဒူးတုန်တုန်နဲ့ပဲတယောက်တည်း ၀င်ရတော့တာပေါ့။ ခြေထောက်တွေညောင်းချိနေအောင်စောင့်ပြီးမှ ဆရာဝန်နဲ့တွေ့ရတယ်။ ဆရာဝန်ကအသက်၃၀ကျော်လောက် ပဲရှိမယ်။ ပါးစပ်ကပြောလိုက်၊ ကွန်ပျူတာမှာရိုက်လိုက်နဲ့ပဲ။ ပြီးတော့ခုတင်ပေါ်တက်ခိုင်း၊ ယောင်နေတဲ့ခြေထောက် ကိုကြည့်ပေါ့။ ဒီမှာလဲ ထုတာပဲ။ ထိုင်ခိုင်း ကျောကုန်းကိုထု။ နာရင်ပြောတဲ့။ ဒီလောက်ထုနေတာမနာပဲနေမလား။ ပြီးတော့ဆေးရုံတက်တာကောင်းမယ်ဆိုပြီး ကိုယ့်ကိုရှင်းပြပါတယ်။ ဘာဖြစ်တယ်။ ညာဖြစ်တယ်ပေါ့။ ကျောက်ကပ်ဆိုတာ ဆီးထဲမှာပရိုတင်းတွေပါမသွားအောင် စစ်ပေးတာပေါ့။ အခုတော့စစ်တဲ့အပေါက် တွေကကျယ်နေလို့ ပရိုတင်းတွေကဆီးထဲကိုပါကုန်တယ်ပေါ့။ ၂ရက်လောက်အလွန်ဆုံးပဲဆေးရုံမှာနေရမှာပါတဲ့။ ကိုယ်ကတော့ဟုတ်ကဲ့ ဟုတ်ကဲ့ပေါ့။ အဲဒါနဲ့သူရှင်းပြပြီးတော့ သူ့နာ့စ်မကိုလွှဲပေးလိုက်တယ်။ သူ့နာ့စ်မကလည်း ဆက်ရှင်းပြတယ်။ ဆေးရုံတက်ရင် အဆင့်လေးဆင့်ခွဲထားတဲ့အကြောင်း၊ အမြင့်ဆုံးကတယောက်ခန်း၊ အဲကွန်းနဲ့။ အနိမ့်ဆုံးက ၈ယောက်ခန်း အဲကွန်းမပါဆိုတဲ့အကြောင်းပေါ့။ ကိုယ့်မှာလည်း ဘာမှကိုယ်တိုင်မဆံုးဖြတ်နိုင်ဆိုတော့ အပြင်ကလူတွေကိုသွားပြန်မေးလိုက်ဦးမယ်ပေါ့။ အဲဒါနဲ့မေးတော့ အကိုတွေကလည်း ဆေးရုံတယောက်မှမတက်ဘူး တော့မသိဘူး။ အဓိကကကျောင်းကလုပ်ပေးထားတဲ့ကျန်းမာရေးအာမခံကဘယ်ဟာအထိအကျုံးဝင်သလဲပေါ့။ အနိမ့်ဆုံးဆိုဘယ်လောက်၊ အမြင့်ဆုံးဆိုဘယ်လောက်ပေါ့။ သူတို့ကအတွေ့အကြုံရှိအောင်ဆေးရုံတက်မထား ကြတော့ ကိုယ်ကပဲကျောင်းကိုဖုန်းဆက်မေးရတယ်။ ကျောင်းက Admin ကလည်းချစ်ဖို့ကောင်းတယ်။ အနိမ့်ဆုံးအခန်းကို ယူတဲ့။ ဟွန်း။ အဲဒါနဲ့ C အဆင့်(တည ၁၅၅ ဒေါ်လာ) ပဲယူပါ့မယ်ပေါ့။ အဲဒါနဲ့အဲဒီစာရင်းသွင်းတဲ့လူကြီးက ရစ်သေးတယ်။ ဒေါ်လာသုံးဆယ်ပဲကွာတာဘာလို့ B (ဒေါ်လာ ၁၈၆) ကိုမယူတာလဲချည်းပဲမေးနေတာပဲ။ အဲဒီဒေါ်လာ၃၀ကိုသူပေးမှာ ကျနေတာပဲ။ အာမခံကမပေးရင်ကိုယ့်ဘာသာ တည၃၀အပိုပေးနေရဦးမှာ။ အဲဒါနဲ့ပစ္စည်းတွေသွားပြန်ယူရော။ တကယ်ကဆေးရုံကအ၀တ်လည်းပေးမှာဆိုတော့ နည်းနည်းပါးပါးပဲယူရတာပါ။ ပြီးတော့အင်တာနက်ရရင်သုံးဖို့ဆို လက်တော့လည်းယူတာ။ အကိုတွေကိုပြန်မလိုက်နဲ့တော့လို့ အလုပ်ရှုပ်တယ်။ အထဲဝင်ရတာလည်း မဟုတ်ပဲနဲ့ဆိုပြီး ထားသာထားခဲ့တာစိတ်ကတော့ အားငယ်လိုက်တာ။ ငါဟဲ့ မိန်းမဆိုပြီး အားတင်းရတာပေါ့လေ။ ပြန်လာတဲ့တက်စီသမားကလည်း စကားများတော့နည်းနည်းတော့စိတ်ပေါ့သား။ အကိုတွေကတော့ ဘာမှလျှောက်မတွေးနဲ့။ သူရဲအကြောင်းတွေလည်းမတွေးနဲ့တဲ့ မှာလိုက်တာလေ။


ပြန်လည်းရောက်ရောခုနကနာ့စ်မကမျက်နှာချိုလာသွေးတယ်။ ခုတင်မရသေးလို့ စောင့်ရမယ်တဲ့။ ဒါလားဟဲ့စင်္ကာပူလို့တောင်အော်လိုက်ချင်တယ်။ အစောကလူကြီးကရောက်လာပြန်ရော။ ငါစဉ်းစားနေတာ ဒေါ်လာ၃၀ပဲကွာတာကိုနင်ဘာလို့ B ကိုမယူတာလဲတဲ့။ လူကလည်းတင်းနေတော့ ပြောပလိုက်တယ်။ အဲဒီ B ယူရင်ခုတင်အခုရမှာလားလို့။ ရမယ်ဆိုယူမယ်လို့ပြောလိုက်တာပေါ့။ အဲဒါလည်းစောင့်ရတာပဲ။ ခုတင်မှာရှိတဲ့သူတွေကိုဘယ်သွားထိုးထည့်နေလို့ကြာတာလည်းမသိပါဘူး။ အဲလိုအရှုပ်အရှက်တွေ ကြားမှာတောင် နာ့စ်မလေးတွေကခွက်တလုံးနဲ့လိုက်လာသေးတယ်။ ဆီးနည်းနည်းပေါက်ပေးပါဦးတဲ့။ အမြင်ကတ်ကတ်ရှိတာနဲ့ တဘူးအပြည့်ပေးလိုက်တယ်။ မှတ်ကရော။


စောင့်နေရတော့ဗိုက်ကဆာလာရော။ အဲဒါနဲ့မုန့်သွားစားမယ်ဆိုပြီးထွက်လာရင်းနဲ့ အကိုတွေဆီဖုန်းဆက်တယ်။ အဲဒါနဲ့ပဲ တယောက်တည်းစောင့် နေရတယ်ဆိုပြီး အကိုတယောက်ကပြန်လာတယ်။ သူ့ကိုမုန့်မစားဘဲ ထိုင်စောင့်ရတော့အဆာလွန်သွားပြန်ရော။ အော် အဲဒါပဲကြည့်။ အကိုရောက်လာပြီး စားသောက်နေတော့မှ ဖုန်းဆက်တယ်လေ။ ခုတင်ရပြီ လာပါတော့တဲ့။ ဘယ်လောက်ထုချင်စရာကောင်းလဲဆိုတာ။ စားလက်စတွေရပ်၊ မစားရသေးတဲ့ပေါက်စီကိုအိတ်ထဲပြန်ထည့်ပြီး ထလာရတယ်။ ရောက်လဲရောက်ရော အိန္ဒိယနွယ်ဖွားတယောက်က ၀ှီးချဲကြီးနဲ့ရပ်စောင့်နေတယ်။ ကိုယ့်ကိုတင်ပြီး တွန်းဖို့ပေါ့လေ။ စိတ်ထဲမှာပြုံးစိစိတောင်ဖြစ်သွားသေးတယ်။ ဒါမျိုးကိုရုပ်ရှင်တွေထဲမှာပဲတွေ့ဘူးတာလေ။ ပြီးတော့မလျှောက်နိုင်တဲ့လူနာမှပဲ အဲဒီအပေါ်တင်တယ်မှတ်နေတာ။ ဘာပဲဖြစ်ဖြစ်ကိုရီးယားကားတွေထဲမှာ ကြည့်ဖူးတဲ့မင်းသမီးလေးတွေလိုစိတ်ထဲမှာ ကိုယ့်ကိုကိုယ်မြင်ယောင်ပစ်လိုက်တယ်။ ဟုတ်တယ်လေသူတို့ဆို ကင်ဆာဖြစ်နေတာတောင် ကိုယ့်ဘာသာကီမိုလာသွင်းတာ၊ အထုတ်ကလေးတထုတ်နဲ့။ မင်းသားလိုက်လာရင် ထွက်ပြေးသွားပြန်ရော။ ကိုယ်ကတော့ တသက်မှာတခါဆေးရုံတက်တာ လိုက်လာရင်ထွက်မပြေးပါဘူး။ မုန့်သာဝယ်ခဲ့။ လုံးဝထွက်မပြေးဘူး။


အဲဒါနဲ့အဲဒီလူကြီးကကိုယ့်ကိုဝှီးချဲပေါ်တင်ပြီး တွန်းလာတာပိတ်ထားတဲ့ တံခါးတွေကအော်တိုတွေဆိုတော့ ကိုယ်တို့ရှေ့မှာရပ်လိုက်ရင်အလိုလိုပွင့်သွားတယ်။ ဒါကတော့ စင်္ကာပူစတိုင်ပေါ့နော်။ ဘာမဆိုအော်တိုမစ်တစ်။ ဒါပေမယ့် ကိုယ်ကတော့သရဲကားတွေမြင်ယောင်မိပြီး ကျောတောင်ချမ်းတယ်။ တံခါးတွေကိုယ့်နောက်မှာပြန်ပိတ်သွားတဲ့ တူ ဟူ ဟူဆိုတဲ့ အသံကြီးကအစ ချောက်ခြားစရာ ကောင်းနေသလိုပဲ။ ဓါတ်လှေကားနဲ့ ၃ခါလောက်တက်ရတယ်။ စိတ်ထဲမှာဒီဝှီးချဲတွန်းလာတဲ့လူက ငါ့ကိုတခုခုများ ဓါတ်လှေကားပေါ်မှာလုပ်လိုက်ရင်ဘယ်သူမှသိမှာမဟုတ်ဘူးလို့ တွေးမိသေးတယ်။ ဒါပေမယ့် အပေါ်တက်မလာခင် နာ့စ်မကသူ့နာမည်မေးပြီးမှတ်နေတာတော့တွေ့တယ်။ မိုဟန်ဆိုလားပဲ။ အင်း သူပို့တဲ့လူနာပျောက်တယ်ဆိုရင် ဆေးရုံကအရေးယူမှာပဲ။ ငါလူမသိသူမသိတော့ဘာမှမဖြစ်သွားလောက်ပါဘူးလို့လဲ ကိုယ့်ကိုကိုယ်အားပေးရသေးတယ်။ နောက်ဆုံးမှပဲကိုယ်နေရမဲ့အခန်းကိုရောက်တော့တယ်။

ကိုယ်ခုတင်ပေါ်မှာထိုင်နေတုန်း အိန္ဒိယနွယ်ဖွားဆရာဝန်ခပ်ငယ်ငယ်တယောက်လာပြီး မေးခွန်းတွေမေးပြန်ရော။ ဒီနေ့တနေ့လုံးမုန်းလောက်အောင်ဖြေပြီးတဲ့မေးခွန်းတွေချည်းပဲထပ်မေးတာပဲ။ သူတို့ဆရာဝန်တွေကလည်း တနေရာကတနေရာ၊ တဆောင်တဆောင်ကိုညွှန်းတယ်ဆိုလည်း သူတို့မေးခဲ့ပြီးတဲ့မေးခွန်းတွေပါတွဲပေးလိုက်ပါလား။ မပါသေးတဲ့ဟာပဲမေးပေါ့။ အဖြေတောင်မပေးနိုင်တဲ့သူဆိုဘယ်လိုလုပ်မလဲ။ အသက်ထွက်မယ့်သူကဗွီဒီယို၊ ရုပ်ရှင်တွေထဲကလို တမျိုးလုံးတဆွေလုံးအကြောင်းကုန်အောင်ပြောပြီးမှသေမှာကျနေတာပဲ။ စိတ်ကုန်တယ် တကယ်ပဲ။ အဲဒီတယောက်ကလည်း ထုံးစံအတိုင်းထုပြန်၊ ရိုက်ပြန်ရော။ ပြောရရင်ဒီတခါတော့အနာဆုံးပဲ။ အသက်အငယ်ဆုံး၊ အသန်ဆုံးမို့လို့လားမသိဘူး။ လူနာရောဂါကိုအပြင်ဘက်ကမမြင်ရရင် ထုသာကြည့်လို့ ဆရာ့ဆရာကြီးများက သညာပေးထားပုံပဲ။ ထုလိုက်ရိုက်လိုက်ကြတာ။ လူလည်းငါးဖယ်ဖြစ်တော့မယ်။ နောက်တော့ ဆရာမလေးတွေ တယောက်ပြီးတယောက်ဝင်လာပြီး ၀တ်ရမယ့်ဝတ်စုံရယ်၊ ဆပ်ပြာတို့ဘာတို့ပါတဲ့ အသေးသုံး အထုပ်လေးရယ် လာပေးတယ်။ သွေးပေါင်ချိန်တိုင်းတယ်။ ကိုယ်အလေးချိန်တိုင်းတယ်။ ကိုယ်အလေးချိန်ကို မနက်တုန်းကဆေးခန်းမှာတုန်းကတိုင်းတော့ ၅၃ပေါင်ကျော်တယ်။ အခုလည်းဆေးရုံအ၀တ်နဲ့တိုင်းရော ၅၁ပေါင်ပဲ ရှိတော့တယ်။ ဂျင်းဘောင်းဘီက၂ပေါင်ဖြစ်နေတာပေါ့။ အဲဒီတော့ ကိုယ်အလေးချိန်တဲ့သူတွေကို ဖိနပ်တင်မကဘူး၊ ဘောင်းဘီပါချွတ်ချိန်ဖို့ အကြံပေးချင်ပါတယ်။ :P

နောက်ပြီးတော့လည်း တယောက်ပြီးတယောက်ပဲ လာပေးပြန်ရော။ ဘူး၂ဘူး၊ ခွက်၁ခွက်နဲ့ ဆီးလာတောင်းတာ။ အော်ကိုယ့်ဆီးကိုယ်အဲလောက်လိုချင်အားများမယ်မှန်း မသိခဲ့ပါဘူး။ အဲဒါပြီးပြီမှတ်လို့ မပြီးသေးဘူး။ တထွာလောက်ရှိမယ့် လိမ္မော်ရောင်ဘူးနဲ့ ဒီညဆီးသွားရင်အဲဒီထဲပဲသွားရမယ်တဲ့။ ပြီးတော့ကျ ရေကို ၁.၂လီတာပဲ သောက်ရမယ်တဲ့။ လူကိုဘာမှတ်နေလည်းမသိဘူး။ ရေအများကြီးမသောက်ပဲ ဘယ်ဆီးကရမှာလဲ။ ဘုံဘိုင်ဖွင့်ထုတ်လို့ရတာမှမဟုတ်တာ။ စိတ်ညစ်တယ်။

ကိုယ့်ဘေးခုတင်မှာတော့ အဘွားကြီးတယောက်ကျတယ်။ အသက်၇၀လောက်ရှိမယ်ထင်တယ်။ အဲဒီအဘွားကြီးနဲ့မိတ်ဆက်စကားတွေဘာတွေပြောပြီး ကိုယ်လည်းကိုယ့်ကွန်ပျူတာဖွင့်ပြီးဟိုလုပ်ဒီလုပ်၊ သူကလည်း ဖုန်းတလုံးနဲ့ဆက်တော့တာပါပဲ။ ဘဲဆီများဆက်နေလားထင်ရတယ်။ ဟိ ဟိ ကြားသွားရင် အဆဲခံရဦးမယ်။ ဆေးရုံမှာ သူရဲခြောက်မှာကြောက်တာနဲ့ပဲ မအိပ်ဘဲပေါက်ကရတွေလျှောက်ရေးနေတာ အခုတကယ်ရပ်တော့မယ်။ ခေါင်းတွေမူးလာပြီ။ အားလုံးပဲ Good night ။

Wednesday, June 24, 2009

ရထားဖြင့်ခရီးသွားခြင်း

မနက်အစောကြီး နေထွက်မလာခင်။

လွမ်းစရာလေးနော်။







ဒီလှေတွေနဲ့လိုက်သွားရင်ဘယ်ရောက်မလဲ မသိဘူးနော်။

တဲအိမ်လေလား။ နိဗ္ဗာန်လား။


ကျေးဇူးရှင်လူတွေနဲ့ ကျေးဇူးရှင်တိရစ္ဆာန်တွေ။

သိပ္ပံမောင်ဝရဲ့ စကားအရဆိုရင်တော့ ဒီလိုကျောင်းလေးမျိုးက နောင်တချိန်နိုင်ငံတော်သမ္မတ မပေါ်ပေါက်လာဘူးလို့ ဘယ်သူပြောနိုင်အံ့တည်းပေါ့။ ဒါပေမယ့်....။




ဟင်္သာတမရောက်ခင် နတ်မော်ဆိုတဲ့ဘူတာနားမှာ ခြုံတွေကြားထဲက ဘွားခနဲထွက်လာတာ ဘာကြီးလဲလို့...။

နည်းပညာတက္ကသိုလ် (ဟင်္သာတ) ပါတဲ့။


မြန်မာပြည်ပြန်ရောက်ပြီဆိုကတည်းက သူ့အရောင် သူ့အလှနဲ့ဖမ်းစားခံခဲ့ရတာ။


သမုဒ္ဒရာ ၀မ်းတထွာ။
သင်ဦးချ၍အမျှဝေရာ စေတီသာနှင့်......။


ဒါက Upper လို့ခေါ်တဲ့ ပထမတန်းတွဲနော်။ အချဉ်တော့မဟုတ်ဘူး။ မြင်တဲ့အတိုင်းပဲ။

ဘေးပတ်ဝန်းကျင်က စိမ်းစိမ်းစိုစိုရှုခင်းတွေကြည့်ပြီး ပုခက်လွှဲသလိုဟိုဘက်ယိမ်းလိုက် ဒီဘက်ယိမ်းလိုက် နဲ့ ဆင်မယဉ်သာသွားတဲ့အမြန်ရထားကြီးကိုစီးမလား။ ကျည်ဆန်လောက်မြန်တဲ့ အထဲကရေခဲစိမ်မျက်နှာတွေပဲကြည့်လို့ရတဲ့ ဘေးနှစ်ဘက်ကမှောင်မှောင်မည်းမည်း MRT ကိုစီးမလားဆိုရင် အဲဒီဟင်္သာတရထားကိုပဲဆယ်ခါပြန်စီးဦးမှာ။ (ဘာပဲပြောပြော တူးဘစ်သီချင်းတောင်ဆိုလို့ ရသေးတယ်။ ဟိုဘက်တိုးလိုက် ဒီဘက်တိုးလိုက် တိုးရင်းနဲ့စီးလိုက်ဆိုပြီးတော့။)

Monday, June 8, 2009

ကျောင်းဖွင့်ချိန်နဲ့ ကျွန်မ

မေလထဲမှာမြန်မာပြည်ကိုပြန်ရောက်ပြီးကတည်းက ကျောင်းသားမိဘတွေကဂျွန်လကျောင်းဖွင့်ချိန်အတွက်ပြင်ဆင် နေတာတွေကိုတွေ့မြင်နေရပါတယ်။ အခုတော့ မနက်ဘက်ဆိုအိမ်ရှေ့ကကျောင်းသွားကြတဲ့ ကလေးတွေကိုတဖွဲဖွဲမြင်နေပါပြီ။ အမေ့ကျောင်းကိုအကြိုအပို့တာဝန်ယူထားတဲ့အတွက်လည်း မနက်ဘက်ဆို ကျောင်းတက်တဲ့ကလေးတွေ၊ ကျောင်းလိုက်ပို့တဲ့အမေတွေကိုမြင်နေရပါတယ်။ အနီးကပ်ဆုံးကတော့ အိမ်ကအဒေါ်အငယ်ဆုံးရဲ့သား တတိယတန်းတက်တဲ့ကောင်ပါ။ မနက်ဆိုရေချိုးပေး၊ သနပ်ခါးလိမ်းပေး၊ အကျီ င်္၊ ဘောင်းဘီဝတ်ပေး၊ မိုးရွာရင်မိုးကာပါဝတ်ပေး။ ညနေကျရင်ကျူရှင်လိုက်ပို့၊ သွားကြိုဆိုတာတွေကိုမြင်နေရတော့ ကိုယ့်ဘာသာကိုယ်တောင် ငါတို့တုန်းကရော မိဘတွေဒီလိုအလုပ်ရှုပ်ခဲ့လားလို့ ပြန်စဉ်းစားမိပါတယ်။

ကိုယ့်တုန်းက အမေကကျောင်းဆရာမ၊ အဖေကဘဏ်မှာ။ မူကြိုတက်တုန်းကလွဲလို့ အိမ်က လိုက်အကြိုအပို့မလုပ်တော့။ ကိုယ့်ထက် ၂တန်းကြီးတဲ့အကိုနဲ့အတူသွား၊ အတူပြန်။ အဲဒီအကိုကလည်း ဘယ်လောက်လည်သလဲဆို တနှစ်တတန်းသာအောင်သွားတယ်။ သားအခန်းကအတန်းပိုင်ဆရာမနာမည် ဘယ်သူလဲဆိုရင် မသိဘူးလေတဲ့။ သားဘေးမှာထိုင်တဲ့သူငယ်ချင်းကရောဆို ပိုဆိုး။ အဲလောက်လည်တာ။ ကျောင်းဆင်းပြီဆို သူ့ကိုကိုယ်ကကျောင်းဆောင်အောက်ကစောင့်ရတယ်။ သူ့သူငယ်ချင်းတွေက ကိုယ့်ကိုတွေ့တာနဲ့ ဒီမှာနင့်အကိုကိုငါတို့လည်ပင်းညှစ်လိုက်မယ် လက်သီးနဲ့ထိုးလိုက်မယ်ဆို ကိုယ့်ကိုစတော့တာ။ ကိုယ်ကလည်းလွယ်အိတ်နဲ့လိုက်ရိုက်၊ အဲဒီတော့မှပြေးရော။ စောဆာလက်ဆေးဆိုတဲ့ကရင်အကိုကြီးကအဆိုးဆုံး။ သူ့ကိုဆိုကိုယ်ကလည်းပြန်ပြောတာ။ သမီးတို့က စောစော ဆာရင်လက်ဆေးစားလိုက်တာပဲဆိုပြီး။ ညနေကျောင်းပြန်ကြပြီ ဆိုရင် တခါတလေပြန်တဲ့လမ်းပေါ်က ပရိဘောဂတိုက်မှာ ရွေဘော်စတွေဝင်ကောက်လိုက် သေးတာ။ မီးမွှေးဖို့။ အဲဒါဆိုရင်ကိုယ်ကရွေဘော်စထုပ်ကိုင်မယ်ပေါ့။ အဲဒါကပေါ့တာကိုး။ ပြီးတော့ အကိုကိုလွယ်အိပ်သယ်ခိုင်းတာ။ အဲဒီပရိဘောဂတိုက်မရောက်ခင်မှာ တိုင်တရာကုန်းဆိုတာရှိတယ်။ ကုန်းအမြင့်ကြီးပဲ။ အဲဒီကုန်းနားရောက်ရင် ကိုကြီး ငါ့အိတ်ကလေးခဏကိုင်ပေးနော်ဆိုပြီး ဘောင်းဘီပဲခေါက်သလိုလို ဟိုဟာဒီဟာလုပ်သလိုလိုနဲ့ ပြီးတော့ ပြေးတက်သွားရော။ ကိုကြီးက လွယ်အိတ်၂လုံးနဲ့ထမင်းချိုင့်တွေကိုင်ပြီး အဲဒီလိုခပ်အေးအေး အကိုရဲ့ညီမဖြစ်လို့ပဲ လူလည်ကျတတ်၊ ဗိုလ်ကျတတ်ဖြစ်လာတာလားတော့မသိပါဘူး။

ထားလိုက်ပါတော့။ ပြောချင်တာတွေလမ်းလွဲကုန်ပြီ။ ကိုယ်ငယ်ငယ်ကတည်းက အိမ်ပြန်ရောက်တာနဲ့ကျောင်းက ပေးလိုက်တဲ့စာကိုလွယ်အိတ်ချပြီးကျက်တာပဲ။ ဘယ်သူမှလည်းတုတ်မိုးနေစရာမလိုပါဘူး။ တုတ်မိုးပြီးစာကျက်ခိုင်းရ၊ စာမေးရတာတော့အိမ်ကအကို။ ဒါပေမယ့်သူတောင်မှ ကျူရှင်ကို ၈တန်းမှလားစတက်ဘူးတာ။ အခုကလေးတွေများ တော့ သူငယ်တန်းကတည်းကကျူရှင်နဲ့။ တချို့တွေများဂိုဒ်တောင်ရှိသတဲ့။ အိမ်ကကောင်ကလည်း စာကျက်ခိုင်းရင် မျက်နှာကဘယ်တော့မှကြည်ကြည်သာသာမရှိဘူး။ အိမ်ကအမေတလှည့်၊ အဖေတလှည့်စာကိုဖတ်ပြရတယ်။ သူက လိုက်နားထောင်ရုံပဲ။ အဲလိုလုပ်မှသာဆယ်တန်းအောင်မယ်ဆို အိမ်ကမိဘတွေလည်း ဘာစီးပွားရေးမှလုပ်မနေနဲ့ တော့ပဲ။ ဘယ်လိုကလေးတွေနဲ့မိဘတွေလည်းမသိပါဘူး။ ကျောင်းဖွင့်ခါစတရက် နှစ်ရက်မှာနေ့ခင်းမုန့်စားဆင်းချိန်ကို အမေက ထမင်းသွားကျွေးသေးတယ်။ အဲဒါတောင်မှ ကျောင်းက ၃ရက်အထိပဲလက်ခံလို့။ ၁နှစ်ပတ်လုံး မိဘ၀င်တာလက်ခံရင် ၁နှစ်လုံးများလိုက်ပို့နေမလားပဲ။

အခုကိုယ်ကပြန်ရောက်နေတော့ ဒရိုင်ဘာကြီးလုံးလုံးဖြစ်ပြီး အမေ့ကျောင်းနဲ့ အဲဒီကောင်ကျောင်းကိုမနက်ဘက်ဆို ဆိုင်ကယ်တက်စီ ဆွဲနေရတယ်။ မနက်ကလည်း ကျောင်းသွားရင်းနဲ့စိတ်ပေါက်ပေါက်နဲ့မေးမိတယ်။ မင်းကိုယ့်ဘာသာဘောင်းဘီမ၀တ်တတ်ဘူးလားလို့။ ၀တ်တတ်တယ်ပြောတာပဲ။ အိမ်ကပဲ အကဲပိုပြီး အကုန်လိုက်လုပ်ပေးနေကြလားမသိပါဘူး။ ကိုယ့်တုန်းကဆို အိမ်ကဆုပေးပွဲတောင်မလိုက်ဘူး။ အခုကလေးနဲ့အဒေါ်ကအဲဒီတုန်းကအပျိုဆိုတော့ ဆုပေးပွဲကိုပြင်ဆင်ပြီးလိုက်ပို့ပေးလို့ပေါ့။
မနက်ကျောင်းလိုက်ပို့ရင်လည်း တူမကြီးကလေးမိုးကာတွေ၊ ထီးတွေ၊ ဦးထုပ်တွေပြန်ယူခဲ့နော်တဲ့။ ဘာဖြစ်လို့လဲဆိုတော့ ပျောက်မှာစိုးလို့တဲ့။ ဟင်အဲလိုပဲ ပျောက်တတ်လားဆိုတော့ ပျောက်တယ်တဲ့။ မနှစ်ကလည်း ပျောက်တယ်တဲ့ ပြန်မရဘူးတဲ့။ အဲဒီကျောင်းမှာပဲ ကိုယ်ရော၊ ကိုကြီးရောတက်လာတာပါ။ တခါမှာပစ္စည်းမပျောက် ပါဘူး။ ကြီးကြီးမားမားမပြောနဲ့။ ခဲတံတို့၊ ပေတံတို့ဆိုတာ အိမ်ကမေ့လာရင်တောင်သူများဆီကငှားစရာမလိုဘူး။ စားပွဲပေါ်မှာပိုင်ရှင်မဲ့ပစ္စည်းတွေဆိုတာပုံလို့။ မိုးကာတို့ထီးတို့ဆိုတာ ကျောင်းခန်းအနောက်ဘက်မှာဒီတိုင်း လှန်းထားတာ။ ဘယ်တော့မှမပျောက်ဘူး။ ပြီးတော့အဲဒီကျောင်းကစံပြကျောင်း။ စည်းကမ်းကကြီးသလားမမေးနဲ့။ အခုတော့ဘာတွေဖြစ်ကုန်ပြီလဲမသိပါဘူး။ ဆရာမတွေကလည်းပြောင်း၊ မိဘတွေကလည်း ကိုယ့်တုန်းကဘယ်လို တက်ခဲ့၊ နေခဲ့လဲတောင် ခေါင်းထဲမရှိတော့ဘူး။ ကလေးတွေကိုကိုယ့်တာဝန်ကိုယ်မယူတတ်အောင်၊ ကိုယ့်ပစ္စည်းကိုယ်မထိန်းသိမ်းတတ်အောင်၊ တာဝန်မဲ့၊ စည်းကမ်းမဲ့တွေဖြစ်လာအောင်ပျိုးထောင်နေသလိုပဲ။

အဲဒီကြားထဲအိမ်ကအဒေါ်ကကလေးကို ခဲတံဘောပင်တွေထည့်ပေးရင်းဆူနေတာ သူများငှားရင်ခဲတံပေးသုံးဖို့၊ ခဲတံဘောပင်ကိုပေးမသုံးဖို့တို့။ ပျောက်ရင်ရိုက်မယ်ဆိုတာပါသေးတယ်။ အိမ်ကကောင်ကလည်း အမေကို ကြောက်တာတုန်လို့။ အဒေါ်ကိုမေးကြည့်တော့မနှစ်ကတဲ့ သူများကခဲတံမပါတော့ငှားတာ ခဲတံဘောပင်ငှားပြီး သူကခဲတံအတုံးနဲ့ရေးလို့တဲ့။ ကျောင်းမှာဆော့ရင်လည်း သူများကိုသူကချည်းကုန်းပိုးတယ်တဲ့။ အဲဒါကို သူ့အမေက သူများနှပ်ချတာခံရလားဆိုပြီး အိမ်မှာသမထားတာဆိုပဲ။ တချို့မိဘတွေကတမင် ကပ်ပြီးကလေးတွေကို ဘာပစ္စည်းမှထည့်မပေးလိုက်ဘူးဆိုပဲ။ လူလည်ကျတယ်ပေါ့။ ဒုက္ခပါပဲနော်။ ဘာပဲဖြစ်ဖြစ်ကိုယ်ကတော့ ကလေးဆိုရင် ဖြူဖြူစင်စင်လေးတွေဖြစ်စေချင်တယ်။ လူကြီးတွေလောကမှာရှိတဲ့ လူလည်ကျတာတို့၊ နှပ်ချတာတို့၊ နားလှည့်ပါးရိုက်တာတို့၊ ကလိန်ကကျစ်ကျတာတို့ဆိုတာတွေကို နားမလည်စေချင်သေးဘူး။ နောင်တချိန်သူတို့ လူကြီးဖြစ်လာမှာသာဒါတွေကို သင်ယူကြပါစေလား။ ဘာလို့ကလေးတွေရဲ့ဖြူစင်တဲ့အတွေးတွေထဲမှာ ဒီကောင်ကတော့ လူလည်၊ ဒီကောင်ကတော့ဘာဆိုတာမျိုးတွေထည့်ပေးနေမလဲ။ အားလုံးကိုဖြူဖြူစင်စင် ကြီးပြင်းကြပါစေလား။ ပြီးတော့ ကိုယ့်ဘာသာတာဝန်ယူတတ်တဲ့ကလေးတွေဖြစ်အောင်၊ ကိုယ်အားကိုယ်ကိုးတတ်တဲ့ ကလေးတွေဖြစ်အောင်လုပ်ပေးထားကြရင် နောင်တချိန်မှာနိုင်ငံအတွက်သားကောင်းသမီးကောင်းလေးတွေလို့ ကြီးကြီးကျယ်ကျယ်မပြောရင်တောင် ကိုယ့်တာဝန်ကိုယ်သိတဲ့လူအဖိုးတန်လေးတွေ ဖြစ်လာမှာပါပဲ။ အခုတော့……။

Saturday, June 6, 2009

မြွေတကောင်အကြောင်း

ဒီနေ့တော့စရို့ဂ်ျသည် အိပ်ရာမှအစောကြီးနိုးနေလေသည်။ သူနိုးလာလို့နာရီကိုကြည့်မိတော့ မနက် ၆နာရီပင်မထိုးသေး။ သူတို့ကိုလာရောက်ကြိုဆိုမယ့်ဘတ်စ်ကားက ၈နာရီမှာရောက်လာမှာဆိုတော့ သူ ၇နာရီလောက်ထပြီးပြင်ဆင်ရင်မီ လောက်သည်ဟုတွက်မိသည်။ ဒါနဲ့ပဲသူလည်းအိပ်ရာထဲမှာပဲဆက်ပြီး နှပ်နေလိုက်သည်။ ဒါပေမယ့်ဟိုတွေး ဒီတွေးနဲ့ ပြန်အိပ်လို့မရတော့။ အတွေးတွေကချည်မျှင်တွေလိုတသီတတန်း ပေါ်လာနေကြသည်။ အတွေးတွေကနီပေါမှာကျန်ခဲ့တဲ့ အဖေနဲ့အမေဆီရောက်လိုက်၊ မနေ့ကလေဆိပ်မှာသူ့ကိုလက်တပြပြ ကျန်ခဲ့ရှာတဲ့သူ့ငယ်ရည်းစား လက်ရှာဆီရောက်လိုက်၊ အမေရိကကသူ့အကိုဆီရောက်လိုက်နဲ့။ အမေရိကက အကိုဖြစ်သူဆီသူ ၆လလောက်သွားနေပြီးပြန်ရောက်အလာမှာ သူ့သူငယ်ချင်းအကူအညီနဲ့ ဒီစင်္ကာပူမှာရှိတဲ့ Public Policy ကျောင်းကိုလှမ်းပြီးလျှောက်ဖြစ်ခဲ့ပုံ၊ ကျောင်းကနီပေါမှာလာပြီး စာမေးပွဲစစ်၊ အင်တာဗျူးလုပ်နဲ့သူအရွေးချယ်ခံရပုံတို့ကိုလည်းပြန်မြင်ယောင်လာမိသည်။

သူအမေရိကမသွားခင်ကတော့ သူသည်နီပေါကသာမာန်ဘွဲ့ကလေးတခုရပြီး အမေရိကမှာအကိုနဲ့သွားနေတဲ့အချိန်အထိသူဟာ ဘာမှမဟုတ်တဲ့ လူရာမ၀င်လှတဲ့ ငချွတ်ကလေးတကောင်သာဖြစ်သည်။ သူ့အကိုနဲ့အတူနေပြီး ဓါတ်ဆီဆိုင်မှာအလုပ်လုပ်ခဲ့သည်။ စားသောက်ဆိုင်မှာစားပွဲထိုးလုပ်ခဲ့သေးသည်။ နောက်နီပေါမှာကျန်နေခဲ့တဲ့မိဘနှစ်ပါးကိုလွမ်းတာကြောင့်ရော၊ သူ့ရည်းစားလက်ရှာကလည်းပြန်လာပါဟုခေါ်တာကြောင့်ရော သူနီပေါကိုပြန်လာဖြစ်ခဲ့သည်။ သူပြန်လာတဲ့အခါ ကျောင်းပြီးပြီး ကြုံရာအလုပ်လုပ်နေကြတဲ့သူငယ်ချင်းတွေကြားမှာ သူသည်အမေရိကပြန်၊ ဒါ့အပြင် ဟိုမှာနေ့စဉ်ကြည့်နေရတဲ့ နိုင်ငံတကာသတင်းတွေ၊ သူအချိန်အားခိုက်ဖတ်ခဲ့တဲ့ စာအုပ်တွေ၊ သတင်းစာတွေ၊ နိုင်ငံရေးသုံးသပ်ချက်တွေက သူငယ်ချင်းတွေကြားမှာသူ့ကိုလူတွင်ကျယ်လုပ်နိုင်ဖို့အခွင့်အရေးပေးလာခဲ့သည်။ သူ့အဖေရှေ့နေဟောင်းကြီးရဲ့သူငယ်ချင်းတွေအိမ်လာလည်ရင်လည်း သူပြောပြတဲ့ပစ္စုက္ခအခြေအနေတွေ၊ သတင်းတွေကသူတို့ကိုပါးစပ်အဟောင်းသားဖြစ်စေခဲ့သည်။ သူအမေရိကမှယူလာခဲ့တဲ့ ပေါင်တင်ကွန်ပျူတာအစုတ်ကလေးကလည်း အင်တာနက်ကဖီးတွေမှာ သူအချက်အလက်တွေရှာဖွေရာ၊ သိုမှီးရာဖြစ်လာခဲ့တာပေါ့။

အဲဒီအချိန်မှာပဲ ကုမ္ပဏီတခုမှာ စာရင်းကိုင်လုပ်နေတဲ့ သူငယ်ချင်းက သူ့ဆရာဆီကရလာခဲ့တဲ့ လက်ကမ်းစာစောင်တခုကိုပြတယ်လေ။ “သင်သည်ထူးချွန်ထက်မြက်သူဖြစ်ပါသလား။ အာရှတိုက်ကိုဖွံ့ဖြိုးတိုးတက်အောင်လုပ်ဖို့ သင့်တွင်ဆန္ဒရှိပါသလား။ သင့်အားအခမဲ့လေ့ကျင့်ပေးရန်အသင့်ရှိပါ၏” ဆိုတဲ့ခေါင်းစည်းနဲ့ စင်္ကာပူကနာမည်ကျော်ခေါင်းဆောင်နာမည်တပ်ထားတဲ့ နာမည်ကြီးPublic Policy ကျောင်းတခုရဲ့ မာစတာဘွဲ့အတွက်ကြော်ငြာပေါ့။ သူ့ကိုအရမ်းအထင်ကြီးနေတဲ့သူငယ်ချင်းက မင်းဝင်လျှောက်ပါလားဆိုတော့ သူကအေးလေ လျှောက်ကြည့်တာပေါ့လို့ သူခပ်ပေါ့ပေါ့ပြောလိုက်တယ်။ ဒါပေမယ့်အဲဒီသူငယ်ချင်းက အတင်းတိုက်တွန်းနေတဲ့ အတွက်သူဖောင်တင်ဖို့ပြင်ဆင်ရပါတော့တယ်။ ဒါပေမယ့် သူ့စိတ်ထဲကတော့ ခပ်တွန့်တွန့်ပဲ။ သူ့မှာဘာလုပ်ငန်းအတွေ့အကြုံမှမရှိ။ အမေရိကမှာလုပ်ခဲ့တဲ့ ဓါတ်ဆီဆိုင်တို့၊ စားပွဲထိုးအလုပ်တို့ဆိုတာ လုပ်ငန်းအတွေ့အကြုံထဲမှာထည့်ရလောက်အောင်မတင့်တယ်။ ဒါနဲ့ပဲ ကျောင်းတုန်းက လုပ်အားပေးလုပ်ခဲ့ဖူးတဲ့ ကျန်းမာရေးဌာနတခုမှာအခုထိလုပ်နေသလိုလိုထည့်ရေးလိုက်တယ်။ အဲဒီကလူကြီးကလည်း သူ့ကိုတော်တော်အရေးပေးခဲ့တာဆိုတော့ ထောက်ခံချက်ရေးပေးဖို့ သူတောင်းဆိုတော့ သူသိပ်မပြောလိုက်ရဘဲ လက်ခံလိုက်တယ်။ ဒီလိုနဲ့ကျောင်းကပထမအကြိမ်ရွေးချယ်တဲ့အထဲမှာသူရွေးချယ်ခံရပြီး ကျောင်းကစာမေးပွဲလာစစ်ပါတယ်။ နီပေါမှာတုန်းကလည်း အင်္ဂလိပ်စာလေ့လာခဲ့သလို၊ အမေရိကမှာ ၆လလောက်နေလာတဲ့သူ့အတွက် အင်္ဂလိပ်ဘာသာစကားစာမေးပွဲကအခက်အခဲမရှိလှ။ သူကြောက်နေတာက သင်္ချာ။ ဒါပေမယ့်တကယ်တမ်းသင်္ချာစစ်ကြတော့လည်း အခြေခံသင်္ချာဗဟုသုတကိုသာစစ်ဆေးတာဖြစ်တဲ့အတွက် သူ့ကအေးအေးဆေးဆေးပင်ဖြေဆိုနိုင်ခဲ့သညါ။ စာမေးပွဲဖြေအပြီး အင်တာဗျူးဖြေရတော့လည်း အင်တာဗျူးတဲ့ပါမောက္ခ ၂ယောက်စလုံးသူ့အဖြေ၊ သူ့နိုင်ငံရေးအမြင်၊ ပေါ်လစီသုံးသပ်ချက်တွေကိုသဘောကျ သွားပုံပေါ်သည်။ ဒီအင်တာဗျူး အပြီးမှာတော့ သူဒီဘွဲ့လွန်သင်တန်းတက်ဖို့ရွေးချယ်ခံရလိမ့်မယ်လို့ သူ့ဘက်ကသေချာသလောက်ရှိသွားတော့တယ်။

နောက်တလကြာပြီး ဧပြီလအတွင်းမှာတော့သူ့ကိုရွေးချယ်ခံရ ကြောင်းနဲ့ သူပညာသင်ဆုလည်းရရှိကြောင်း ကျောင်းကပို့ပေးတဲ့အီးမေးကိုသူလက်ခံရရှိပါတော့တယ်။ နောက်၎ရက်လောက်ကြာအပြီးမှာတော့ မူရင်းစာက စာတိုက်ကတဆင့်ရောက်ရှိလာပါတော့တယ်။ ဟောအခုတော့ သူကကျောင်းမဖွင့်ခင်မှာ ဘောဂဗေဒအခြေခံမရှိသူတွေတက်ရမယ့်အကြိုသင်တန်းအတွက် စင်္ကာပူကိုမနေ့ကလေယာဉ်နဲ့ရောက်လာပြီး ကျောင်းကပေးထားတဲ့ကွန်ဒိုတိုက်ခန်းတခုမှာပေါ့။ မနေ့ကညကသူရောက်လာပြီး သူနေရမယ့်အခန်းကို ကျောင်းကလိုက်ပို့ပြီးနောက်မှာ အင်္ဂလိပ်စာနဲ့ သင်္ချာအကြိုတန်းအတွက်ရောက်နှင့်နေပြီးသားကျောင်းသားတွေက သူ့ကိုလာနှုတ်ဆက်ပါတယ်။ ပြီးတော့သူတို့ညစာသွားစားမှာကို လိုက်ခဲ့ဖို့ခေါ်ပါတယ်။ အားလုံးကတော့ တကယ့်ကို ရည်ရည်မွန်မွန်နဲ့ ပညာတတ်ပီသကြပါတယ်။ လူငယ်တွေချည်းပဲမို့ ပျော်ပျော်ရွှင်ရွှင်လွတ်လွတ်လပ်လပ်နေကြတဲ့ ပုံပါပဲ။ နိုင်ငံပေါင်းစုံမှကျောင်းသားတွေရောက်လာကြမှာ။ ဂျပန်၊ ရုရှ၊ တာဂျီကစ္စတန်၊ မြန်မာ၊ အိုင်ယာလန်၊ ဖိလစ်ပိုင်စတဲ့ နိုင်ငံတွေက ရောက်နှင့်နေပါပြီ။ တချို့နိုင်ငံများမှတော့ မရောက်ကြသေးပါ။ သူကတော့ ဒီပညာတတ် လူတန်းစားတွေကြားမှာ ၀င်ဆန့်နိုင်ဖို့၊ အားလုံးနဲ့လိုက်လျောညီထွေဘယ်လိုနေရမလဲပဲ စဉ်းစားနေရပါတယ်။ နီပေါမှာကျန်ခဲ့တဲ့သူ့အပေါင်းအသင်းတွေကြားမှာ သူလူတွင်ကျယ်လုပ်ခဲ့သလို ဒီမှာသူလုပ်လို့မရဘူးဆိုတာတော့ အရမ်းကိုသိသာနေပါတယ်။ သူကတော့ အောက်ကျို့ပေါင်းရမယ့်သူ့ကို အောက်ကျို့ဖို့ဝန်မလေးပါဘူး။ သူလိုအညတရတယောက်ဒီလိုအသိုင်းအ၀ိုင်းထဲရောက်လာဖို့ဆိုတာ ဘုရားကပေးတဲ့ဆုလာဘ်ပါပဲ။ ကျောင်းပြီးရင် စင်္ကာပူမှာပဲ သူအလုပ်ကောင်းကောင်းတခုရနိုင်တယ်။ သူ့လိုဒီကမာစတာဘွဲ့ရထားတဲ့လူတယောက်အဖို့ အလုပ်တခုရတာနဲ့ အမြဲတမ်းနေထိုင်ခွင့်ရမယ်။ ကံကောင်းရင် ဒီအသိုင်းအ၀ိုင်းထဲကပညာတတ်မိန်းမ တယောက် ရပြီး သူ့ဘ၀ကတဟုန်ထိုးမြင့်တက်သွားနိုင်တယ်လေ။ ဟား လက်ရှာရေ မင်းအတွက်စိတ်မကောင်းပေမယ့် နေခဲ့ပါတော့ကွာလို့ သူစိတ်ထဲကနေပြောနေမိတယ်။
*********
နာရီက၇ချက်မြည်သံနဲ့အတူသူအိပ်ရာကထလိုက်တယ်။ ရေချိုးခန်းဝင် ကိုယ်လက်သန့်စင်ပြီး သူအခန်းထဲပြန်ဝင် လာတယ်။ ခရီးဆောင်အိတ်ထဲက အကောင်းဆုံး၊ အသစ်လွင်ဆုံးလို့ထင်ရတဲ့ဝတ်စုံတစုံကိုသူ ကောက်ဝတ် လိုက်တယ်။ တိုက်ပွဲဝင်ရမယ့်စစ်သူကြီးတယောက်အတွက် သံချပ်ကာဝတ်စုံကအရေးကြီးသလို သူ့အတွက်လည်း သစ်လွင်တဲ့ဝတ်စုံကသူ့ရဲ့ပင်ကိုယ်အားနည်းချက်တွေကို ဖုံးကွယ်ပေးတယ်လို့ သူခံစားရတယ်။ သူ့စိတ်ထဲမှာရှိတာတွေကိုဘယ်တော့မှ လူတွေမသိစေရ။ သူ့အတွက်တော့ အရေခွံတစုံလို သူရဲ့ချိုမြိန်တဲ့အပြုံး၊
ကျွမ်းကျင်တဲ့အင်္ဂလိပ်စကားဒါတွေကသူရဲ့ပင်ကိုယ်အနေအထားကို ဖုံးလွှမ်းနေစေရမည်။ သူရှေ့ဆက်လျှောက်ရမယ့် လမ်းကအရှည်ကြီးပဲမဟုတ်ပါလား။

Wednesday, June 3, 2009

လျို့ဝှက်ချစ်

နေရဉ္ဇရာမြစ်ကမ်း အိပ်မက်ပန်းတို့ ဒိုင်ယာရီ ကဗျာစာအုပ်ထဲမှာ မေ့သမီးရေးတဲ့ကဗျာကိုဖတ်ချင်တယ်လို့ ကိုလူထွင်းကတောင်းဆိုထားတာကြောင့်တင်ပေးလိုက်ပါတယ်။ (ကိုယ်တိုင်လည်းကြွားချင်ချင်ပါ) :P အဲဒီတုန်းက ဒီကဗျာကိုထည့်ဖို့သူငယ်ချင်းတွေကရွေးတာပါ။ ကိုယ့်ကိုရွေးခိုင်းတော့ရွေးမပေးတတ်ဘူးလေ။ ကိုယ်ကဗျာတွေရေးထားတဲ့စာအုပ်ကိုယူသွားပြီး သူတို့ထည့်ချင်တဲ့ကဗျာကိုထည့်ပေးလိုက်တာပါ။ ဒါပေမယ့် အမှန်အတိုင်းပြောရရင်အဲဒီတုန်းက အခြေအနေနဲ့အလိုက်ဖက်ဆုံးကဗျာလို့ပြောလို့ရပါတယ်။ လူတယောက်အကြောင်းရေးခဲ့တဲ့ကဗျာပါ။ သူကလည်းဖွင့်မပြော၊ ကိုယ့်ဘက်ကလည်း ဘာမှန်းမသိဆိုတဲ့ အနေအထားတခုကနေ ရေးဖြစ်လိုက်တဲ့ကဗျာပါ။ ဒါပေမယ့် ကဗျာထဲကလို ခံစားချက်တွေသိပ်ပြင်းထန်ခဲ့သလား ဆိုတာတော့ သံသယရှိစရာပါပဲ။ :P (ကိုယ့်ပေါင်ကိုယ်ထောင်းရတာ နာလိုက်တာ)

လျို့ဝှက်ချစ်

မင်းကိုပြောဖို့
ရည်ရွယ်လာတဲ့
ကိုယ့်စကားတွေ
မင်းကိုတွေ့တော့
ရင်ထဲမှာပဲ
သိမ်းဆည်းခဲ့ရတယ်…။

မင်းကိုပေးဖို့
ကိုယ်ယူလာတဲ့
အချစ်တွေလဲ
မင်းစိတ်မဆိုးဖို့
နှလုံးသားမှာပဲ
သော့ခတ်လိုက်ရတယ်...။

မင်းအတွက်ဆိုပြီး
ကိုယ်သယ်လာတဲ့
လက်ဆောင်တွေဟာ
မင်းကိုမပေးဝံ့လို့
ကိုယ်နဲ့အတူ
အိမ်ပြန်ခဲ့ရတယ်။

မင်းဖတ်ဖို့လို့
ကိုယ်စပ်ခဲ့တဲ့
သီချင်းကဗျာတွေလဲ
မင်းမငြိုငြင်ဖို့
ကိုယ့်လွယ်အိတ်ကလေးရဲ့
ထောင့်စွန်းတနေရာမှာ
အိပ်ပျော်သွားရှာတယ်……

နောက်ဆုံးတော့
မင်းမသိတဲ့
ကမ္ဘာမြေတနေရာမှာ
မင်းကိုချစ်တဲ့
အချစ်စိတ်များနဲ့အတူ
ကိုယ်ဟာ
တိမ်မြုပ်နေခဲ့ရတယ်။ ။

Tuesday, June 2, 2009

ကံ့ကော်လမ်း

လမ်းအမော်

ကံ့ကော်နံ့သင်း။

ချိုးအကွေ့

ကြည်မွေ့ဖို့ဘယ်ညာ

ငွေဝတ်လွှာခင်း။

လမ်းတလျှောက်

ပန်းကောက်စို့အတူ

တေးကျူလို့လေး။

နောင်စခန်း

တို့လမ်းဆိုင်ရင်ဖြင့်

ပန်းမပြိုင်ကြေး။

ဇင်