Saturday, April 25, 2009

ပန်းကလေးတွေ အကြောင်း

စာတွေဖတ်နေတယ်။ assignment တွေလုပ်နေတယ်ဆိုပြီး သံယောဇဉ်မပြတ်နိုင်ဘဲ ကိုယ့်ဘလော့ကိုခိုးဝင် လိုက်မိခြင်းရဲ့ရလာဒ်ကတော့ စိတ်မကောင်းဖြစ်ရတာပါပဲ။ ကိုယ့်ဘလော့ကနေ သူများအိမ်ကိုဆက်သွား လည်မိတယ်လေ။ (ခြေရှည်တာပေါ့။) အဲဒီသူရဲ့ဘလော့က ဟာသတွေ၊ ရယ်စရာတွေရေးတတ်တော့ အသစ်တင်ထားတာတွေ့တာနဲ့ စိတ်လည်းအပန်းပြေအောင်ဆိုပြီး သွားဖတ်မိလိုက်ပါတယ်။ (ဆင်ခြေပေးတာပေါ့လေ။) သူရေးထားတဲ့အကြောင်းအရာအစုံကို ပြန်မပြောတော့ပါဘူး။ မှတ်လည်းမမှတ်မိဘူး။ ဒါပေမယ့် အဲဒီအထဲမှာ သူရေးထားတာက G-talk Custom message အဆင့်လောက်ကို ပိုစ့်လုပ်ပြီးရေးထားတဲ့ ဘလော့မျိုးတွေကိုသူမဖတ်ပါဘူးတဲ့။ ဘုရားပုံကို ဘလော့စောင့်လုပ်ထားတဲ့ ဘလော့မျိုးကိုလည်း သူမသွားဘူးတဲ့။ ကျွန်မနားမလည်ဖြစ်မိလို့ပါ။ ဘုရားပုံကိုဘလော့စောင့်လုပ်ထားတယ်ဆိုတဲ့အသုံးအနှုန်းကိုတည်းက စိတ်ကတိုလာပါတယ်။ ထားပါတော့။ ဘုရားပုံကိုတင်ထားတဲ့သူတိုင်းကတော့ သူပြောသလိုဟုတ်ချင်မှ ဟုတ်မှာပါ။ တချို့ကဗုဒ္ဓဘာသာ အကြောင်းရေးတဲ့ ဘလော့တွေလည်းရှိနေတာပဲ။

G-talk custom message အဆင့်လောက်ပဲရှိတယ်ဆိုတဲ့ ပို့စ်ဆိုတာဘယ်လိုပို့စ်မျိုးလဲ။ ကျွန်မတကယ်ကို နားမလည်လို့ပါ။ ပြီးတော့ ကိုယ်ရေးကိုယ်တာအကြောင်းရေးထားတဲ့ဘလော့တွေကို မဖတ်ဘူးတဲ့။ အဲဒီလူကို အရင်တုန်းကတော့ သူ့စာတွေဖတ်ပြီး ပျော်တတ်မယ့်သူ၊ သဘောကောင်းမယ့်သူလို့ထင်ပါတယ်။ မတွေ့ဘူးပေမယ့် ခင်လည်းခင်မိပါတယ်။ ဒါပေမယ့် ဘာလို့များသူများတွေကို အဲလိုစော်ကားရတာလည်းလို့တွေးမိပါတယ်။ သူကတော့ အဲလိုစိတ်မျိုးရှိချင်မှာရှိမှာပေမယ့် ကိုယ်ကအဆင့်တခုကိုတင်ထားလိုက်မိတဲ့သူတယောက်က အဲလိုမျိုးပြောလိုက်လို့လည်း ပိုစိတ်မကောင်းဖြစ်မိတာနေပါလိမ့်မယ်။


ကျွန်မဘလော့စရေးဖြစ်တဲ့ရည်ရွယ်ချက်လို့များ တစုံတယောက်ကမေးလာရင် ကျွန်မမှာဖြေလိုက်ဖို့အဖြေ မရှိပါ။ ဘာလို့လဲဆိုတော့ ကျွန်မစာရေးချင်တယ်။ ဒီမှာစာရေးလို့ရတယ်။ ဒါကြောင့်ကျွန်မရေးတယ်။ ကျွန်မဘယ်လို စာမျိုးကိုမှရေးမယ်။ မြန်မာစာပေလောကကိုဘယ်လိုတိုးတက်အောင် လုပ်မယ်လို့ပြောရလောက်တဲ့ အဆင့်မျိုး၊ အနေအထားမျိုးကျွန်မမှာတကယ်မရှိပါ။ ကျွန်မဒီဘလော့မရေးခင် Friendster မှာရေးတယ်။ အဲဒီမတိုင်ခင်က Ourstory.com မှာစာရင်းဝင်ထားပြီး မေးသမျှမေးခွန်းတွေကို အင်္ဂလိပ်လိုဖြေရေးပါတယ်။ ကျွန်မရဲ့စာရေးချင်စိတ်၊ စကားပြောချင်စိတ်ကို အဆာဖြေတာပေါ့။ ကျွန်မစကားများပါတယ်။ နောက်ငယ်ငယ်ကတည်းက စာတွေအများကြီးဖတ်တော့ နောက်ပိုင်းစာရေးချင်လာပါတယ်။ ကိုယ်ဖတ်ခဲ့တဲ့စာတွေဟာ အခုအချိန်အကို၊ အမတွေသူတို့ဖတ်ပြီးတာတွေကိုရေးထားတဲ့အခါ ကိုယ့်အဆင့်ကဘာမှမရှိဘူး။ ဆက်ပြီး အများကြီးလေ့လာရဦးမယ် ဆိုတာကိုသိလာတယ်။

ဒီဘလော့ကိုလုပ်တဲ့အခါလည်း ဘာရေးမယ်၊ ညာရေးမယ်ဆိုတာထက် ကိုယ်ရေးချင်တာ ရေးဖို့ကိုလုပ်တာပါ။ နောက်ပိုင်းကျတော့ ကိုယ့်ကဗျာလေးတွေ၊ စာအပိုင်းအစလေးတွေကို အကြံပေးကြ၊ ၀င်အားပေးကြလုပ်တဲ့ အကို၊ အမတွေ၊ မောင်လေး၊ ညီမလေးတွေ၊ သူငယ်ချင်းတွေ ရလာတဲ့အခါကျတော့ စိတ်ထဲမှာကိုယ့်ဘာသာရေးချင်တာ ရေးနေတယ်ဆိုတာထက် ကိုယ်ပြောချင်တာကို အဲဒီကိုယ့်သူငယ်ချင်းတွေကို ပြောပြသလိုမျိုးခံစားရပါတယ်။ ပိုလည်းရေးရတာအားရှိလာတာပေါ့။ ကိုယ်ပြောချင်တာတွေ၊ ကိုယ့်အကြောင်းတွေ၊ လတ်တလောခံစားချက်တွေကို ကိုယ့်ဆီကိုအလည်လာကြတဲ့ လူတွေကိုပြောပြရသလိုပဲ။ ဒိုင်ယာရီရေးတာက ကိုယ်ဖတ်ဖို့ပဲကိုယ်ရေးတာ။ ဒီဘလော့ထဲမှာ ရေးတဲ့အခါကျတော့ ဖတ်တဲ့သူတွေက မှားတယ်၊ မှန်တယ်၊ ကောင်းတယ်၊ ဆိုတယ် ဝေဖန်နိုင်တယ်လေ။ နှစ်ဦးနှစ်ဖက်စကားပြောနေသလိုပေါ့။ ကိုယ်ပြောချင်တာတွေကို စိတ်ရှည်ရှည်နားထောင် ပေးမယ့်သူတွေကို ရနေတာတော့ပျော်နေတာပေါ့။ ၀တ္ထုတိုလေးတွေ၊ ကဗျာလေးတွေရေးတော့လည်း ကိုယ်ရေးဖြစ်တာတွေကို ကိုယ့်သူငယ်ချင်းတွေ၊ ကိုယ်ချစ်တဲ့သူတွေကို ပေးဖတ်ရသလိုမျိုးပေါ့။



ကျွန်မကပန်းပွင့်တွေကိုချစ်တတ်တဲ့သူဆိုတော့ ဘလော့တွေကို ပန်းပင်တွေနဲ့တင်စားချင်တယ်။ တချို့သူတွေက ပန်းပင်စိုက်တယ်။ ကိုယ်တိုင်ရေလောင်းတယ်။ ပေါင်းသင်တယ်။ ကိုယ့်ပန်းပင်ကအပွင့်လေးတွေကို မပြောမဆိုခူးသွားတာမျိုးမကြိုက်ဘူး။ ကိုယ့်ပန်းပွင့်တွေကို အမြတ်တနိုးလာကြည့်တာကိုကြိုက်တယ်။ သူများတွေကို လည်းဒီလိုလှအောင်စိုက်ချင်စိတ်ဝင်လာအောင် ဆွဲဆောင်နိုင်တယ်။

တချို့သူတွေကတော့ ပန်းပင်စိုက်တယ်။ ရေလောင်းတယ်။ ပေါင်းမသင်ဘူး။ ပန်းပွင့်ပဲပွင့်ပွင့်၊ မြက်ပင်ပဲသီးသီး ပန်းအိုးထဲရှိသမျှကို ရေလောင်းလိုက်တာပဲ။ အဲဒီတော့ ပန်းရိုင်းတွေလိုပေါ့။



တချို့လူတွေကတော့ ပန်းပင်စိုက်တယ်။ ရေမလောင်းပေါင်းမသင်ချင်ဘူး။ အပွင့်မပွင့်လာလဲ သေမသွားရင် ပြီးရော သဘောထားတယ်။ တချို့တွေကတော့ အိမ်နောက်ဘေးမှာ ပန်းအလှစိုက်တယ်။ သူများကို ကြည့်ခွင့်မပေးဘူး။ သူများလာကြည့်ရင်လည်း စိတ်တော့မဆိုးဘူး။ တချို့တွေက ပန်းတမျိုးတည်းကို စိုက်တယ်။ တချို့ကတော့ အရောင်စုံ၊ အမျိုးစုံစိုက်တယ်။ တချို့တွေကတော့ ကိုယ်တိုင်ပန်းပင်မစိုက်ဘူး။ သူများရဲ့လှပတဲ့ ဥယျာဉ်တွေထဲကို ပျားပိတုန်းတွေလိုပျံဝဲပြီး ပန်းဝတ်ရည်စုပ်တယ်။ ဒါပေမယ့် အဲဒီပျားပိတုန်းလေးတွေဟာလည်း ကျွန်မတို့ပန်းဥယျာဉ်တွေပိုသာယာဖို့ ၀တ်မှုန်ကူးပေးတဲ့သူတွေအဖြစ် ကျွန်မတို့လိုအပ်တယ်။



ကျွန်မပေးတဲ့ဥပမာကတော့ သိပ်ကောင်းချင်မှကောင်းမယ်။ ဒါပေမယ့် ဒါကကျွန်မရဲ့အမြင်။ ကျွန်မသဘောထားကတော့ ဘယ်လိုနည်းနဲ့ပန်းတွေပွင့်နေ၊ ပွင့်နေ အလှတွေစုံတဲ့၊ အရောင်တွေစုံတဲ့ ပန်းလေးတွေကိုချစ်တယ်။ အဲဒီပန်းတွေကိုပျိုးပေးတဲ့ ဥယျာဉ်မှုးတွေကိုလေးစားတယ်။ ကျွန်မရောက်သွားတဲ့ ပန်းခင်းထဲက ပန်းလေးတပွင့်စီရဲ့ရနံ့၊ အသွင်အပြင်တခုစီကိုကျွန်မဂရုတစိုက်မှတ်သားတယ်။ တချို့ပန်းပွင့်လေးတွေ အကြောင်းကိုကျွန်မသိပ်မကြာခင်မှာမေ့သွားတယ်။ တချို့ပန်းပွင့်လေးတွေအကြောင်းကို အချိန်တော်တော်ကြာတဲ့ အထိအမှတ်ရနေတယ်။ တချို့ပန်းပွင့်လေးတွေက ကျွန်မစိတ်ရဲ့အစာဖြစ်လာတယ်။ တချို့ပန်းပွင့်လေးတွေကတော့ ကျွန်မမသိတဲ့ပုံပြင်တွေကိုပြောတယ်။

တချို့ဥယျာဉ်ထဲကိုကျွန်မမကြာခဏသွားတယ်။ တချို့ဥယျာဉ်ထဲကို ကျွန်မလမ်းကြုံရင်းနဲ့ ရောက်သွားပြီး ဥယျာဉ်မှုးကိုနှုတ်ဆက်မယ်။ တချို့ဥယျာဉ်ကျတော့ အဆိပ်ပန်းလို့ကျွန်မတို့သတ်မှတ်တယ်။ တခါရောက်ပြီး နောက်တခါမသွားတော့ဘူး။ တချို့တွေက ကျွန်မဥယျာဉ်ထဲကိုပြန်လာလည်တယ်။ တချို့တွေကတော့ ပြန်လိုက်မလာဘူး။ တချို့တွေက ကျွန်မပန်းကလေးတွေအတွက်မြေသြဇာတွေပေးသွားကြတယ်။ တချို့တွေက ကျွန်မအတွက်နောက်ထပ်စိုက်ပျိုးဖို့အားအင်တွေပေးခဲ့တယ်။ ဒီလိုနဲ့ ကျွန်မမှာဥယျာဉ်မှုးမိတ်ဆွေတွေလည်း အများကြီး ရှိလာခဲ့တယ်။ ဘယ်လိုဖြစ်ပါစေ။ ကျွန်မကတော့ ဒီပန်းတွေဝေဆာတဲ့ ဥယျာဉ်တိုင်းကိုချစ်တယ်။ ကျွန်မသွားသည်ဖြစ်စေ မသွားသည်ဖြစ်စေ အဲဒီဥယျာဉ်တခုချင်းစီမှာပန်းကလေးတွေ ဝေဆာဖို့ကျွန်မ မျှော်လင့်တယ်။ အဲဒီပန်းကလေးတွေက ကျွန်မတို့ရဲ့စိတ်ကျန်းမာရေး၊ ပျော်ရွှင်မှု၊ သာယာမှုကို တဖက်တလမ်းက ကူညီနေတာလို့ကျွန်မယုံကြည်တယ်။ ဘလော့ပန်းကလေးတွေ ဒီထက်ပိုပြီး အရောင်အသွေးစုံ၊ ရနံ့တွေစုံလာပါစေ၊ ပန်းပျိုးသူတွေလည်း ပိုပြီးများပြားလာပါစေလို့ကျွန်မလှိုက်လှိုက်လှဲလှဲဆုတောင်းမိပါတယ်။


(အပေါ်ကကာတွန်းက Google ကရတာပါ။)


Wednesday, April 22, 2009

သတင်းပေးခြင်း

စာတွေများနေပေမယ့် သတင်းကောင်းလေးတခုမျှဝေ ပေးချင်စိတ်ပေါ်လာလို့ပါ။ International Passport လျှောက်လို့ရတဲ့ဆိုဒ်တစ်ခုပေးမလို့ပါ။ အဲဒီဆိုဒ်ကနေ ကိုယ့်နာမည်အပြည့်အစုံ၊ ပတ်စ်ပို့ကိုင်ထားတဲ့ နိုင်ငံရိုက်ထည့်လိုက်ရင် ကိုယ့်ရဲ့ပတ်စ်ပို့သူတို့ထဲက database မှာရှိမရှိရှာကြည့်ပေးပါတယ်။ နိုင်ငံတကာပတ်စ်ပို့ကိုင်ရရင် ကောင်းတာပေါ့နော်။ သွားချင်ရင် ဒီလင့်ကို နှိပ်နော်။

Sunday, April 19, 2009

အမှတ်တရ ဒါလတ် (၂)


နှုတ်ဆက်ခဲ့ပါတယ် ဒါလတ်ဆိုတဲ့မြို့ကလေးရေ။ အေးစက်စက်ကြိုဆိုခဲ့ပေမယ့် လှပတဲ့မင်းရဲ့အသွင်အပြင်၊ အထပ်ထပ်ထုပ်ထားတဲ့ အနွေးထည်တွေကြားကို ရောက်အောင်တိုးဝင်တတ်တဲ့ အေးစိမ့်စိမ့်လေပြည်၊ မြင်လေရာမှာ လှပတဲ့ပန်းတွေရဲ့ရနံ့နဲ့အတူ မင်းကိုသတိရနေဦးမှာပါ။ မင်းရင်ခွင်မှာ ငါပျော်ခဲ့တယ်။ ငိုခဲ့တယ်။ တွေ့ဆုံချိန် ၃ညမှာ သုံးလတာလောက်ခံစားမှုတွေရှိခဲ့တယ်။ လူတွေရဲ့သဘော၊ ငါကိုယ်တိုင်ရဲ့မနောကို အားလုံးလေ့လာတွေ့ရှိခဲ့တာ ပေါ့။ မင်းကြောင့်ငါ့နှလုံးသားပိုမာကျောလာခဲ့တယ်ဆိုလည်း မမှားပါဘူး။ မင်းရင်ခွင်မှာ လူးလာခေါက်တုံ့ငါပျော်ပါး ခဲ့တယ်။ ပြန်ရမယ့်ညမှာတော့ ငါတယောက်တည်း ကန်နံဘေးက သစ်ပင်ရိပ်အောက်မှာ ငိုခဲ့တယ်။ ညဘက်သန်းခေါင်ရောက်တော့မယ့်အချိန်မှ လှည်းကလေးနဲ့ရောင်းတဲ့ အီတလီအစားအစာပေါင်မုန့်ဝက်သားညှပ် ကို မြိန်ရည်ယှက်ရည်စားခဲ့တယ်။


ပြန်ရောက်လာခဲ့ပြီးချိန်မှာတောင်မှ မင်းကငါ့အိပ်မက်တွေထဲကို ခဏခဏရောက်လာတယ်။ တခါတလေ ငါက ကန်နံဘေးမှာ ရှိုက်ကြီးတငင်ငင်ငိုလို့။ တခါတလေ ပန်းတွေကြားမှာ လိပ်ပြာတွေနဲ့အပြိုင် မြူးတူးပျော်ပါးလို့။ တခါတလေ အေးစက်စက်လေပြည်ကြားမှာ ဆိုင်ကယ်လီဗာကို အရှိန်ပြင်းပြင်းဆွဲမိလို့။ ညသန်းခေါင်မှာ စေ့ထားတဲ့ဟိုတယ်အ၀င်တံခါးကို ယောင်ယောင်ဖွင့်မိတယ်။ ဟိုတယ်ရှေ့က ခရစ္စမတ်ပင်ကြီး အခုလောက်ဆို သိမ်းပြီးလောက်ရောပေါ့။ နွေ၊ မိုး၊ ဆောင်းသုံးရာသီမှာ လူတွေကတော့ တသုတ်ပြီး တသုတ်ရောက်လာကြဦးမယ်။ တချို့ကဟိုချီမင်းက၊ တချို့ကညကျမ်းကတဆင့်ပေါ့။ သူတို့မင်းအလှမှာမိန်းမောကြ ဦးမယ်။ မင်းရင်ခွင်ထဲက ပန်းကလေးတွေရှေ့မှာ ကင်မရာမီးတွေတဖျတ်ဖျတ်လက်ကြဦးမယ်။ ထင်းရှုးရိပ်မှာ သူတို့တွေတရေးအိပ်ကြဦးမယ်။ ညဦးပိုင်းမှာစည်ကားတတ်တဲ့ ဈေးတန်းလေးမှာလည်း လူတွေစည်မြဲစည်ဦးမယ်။ နောက်တော့သူတို့ပြန်သွားကြ ဦးမှာပဲ။ မင်းအလှကို တဖွဖွပြောကြရင်း။ မင်းဆီကို နောက်တခေါက်ပြန်လာဦးမယ် လို့ မျှော်လင့်ရင်းပေါ့။ ငါလဲဒီလိုပဲ ပြန်လာခဲ့တယ်။ ဘယ်အချိန် မင်းအရိပ်အောက်တခေါက်ရောက်လာဦးမယ် ငါမသိဘူး။ အနာဂါတ်ဆိုတာ ငါမပိုင်ဆိုင်တဲ့တခဏပါ။ ဒါပေမယ့် ငါ့နှလုံးသားထဲက မင်းပုံရိပ်ကတော့ ထာဝရလေ။



(ပထမ အမှတ်တရဒါလတ်ဆိုတဲ့ကဗျာလေးကို ၂၀၀၈ ဒီဇင်ဘာ ဗီယက်နမ်ခရီးစဉ်ကပြန်ရောက်ရောက်ချင်း ရေးခဲ့ဖူးပါတယ်။ ဒီမှာဖတ်လို့ရပါတယ်။ လာလည်ကြတဲ့အကို၊ အမတွေကျေးဇူးပါ။ အခုတော့ စာမေးပွဲက တပါတ်ပဲလိုတော့တာမို့ ဘလော့မလည်နိုင်သေးလို့ပါ။)

Sunday, April 12, 2009

စိတ်ထဲရှိရာ

ကိုယ့် profile မှာခံစားတတ်တဲ့ လူမလေးတယောက်လို့ ရေးထားတာတခြားမဟုတ်ပါဘူး။ အရမ်းကိုခံစားလွယ် လို့ပါ။ ကိုယ်ချစ်တဲ့ခင်တဲ့သူတွေက ကိုယ်နဲ့မတည့်တဲ့သူတွေနဲ့ အရမ်းအလွမ်းသင့်နေတာတွေ့ရင်တောင် မုဒိတာမပွားနိုင်ပဲ စိတ်မကောင်းတွေဖြစ်။ အခုတလောလည်း ကျောင်းကအကိုတွေနဲ့ခဏခဏစိတ်တိုနေရပါတယ်။ ကြက်တောင်ရိုက်တိုင်းလည်း ကိုယ်ကကြက်တောင်မှန်ရင်တောင်နာလို့ငို။ ကြက်တောင်ရိုက်ပါတယ်ဆိုမှ ကြက်တောင်မှန်မှာကို မကြောက်သင့်ဘူးပေါ့။ ဒါပေမယ့် ကိုယ်တိုင်ကငယ်ငယ်တည်းက အသားနာမှာကို အရမ်းကြောက်ပါတယ်။ သူများကိုလည်း နာအောင်မလုပ်သလို ကိုယ့်ကိုနည်းနည်းနာလာရင်တောင် သည်းမခံနိုင်ခဲ့တာပါ။ အားကစားတောင်မှ အသားမနာရတဲ့ အေရိုးဗစ်ပဲလုပ်ခဲ့တာပါ။ (အေရိုးဗစ်လုပ်တယ်ဆိုလို့ အထင်မကြီးပါနဲ့။ နှစ်တိုင်းပြိုင်ပွဲအတွက် camp ၀င်မှ အသည်းအသန်ဆော့။ ပွဲပြီးတာနဲ့ အေရိုးဗစ်လည်း နင်နေ၊ငါသွားပဲ။ အတူပြိုင်တဲ့အမတွေက ညတိုင်းကျင့်တယ်တဲ့။ သူတို့ရဲ့ကိုယ်လုံးလေးတွေကြည့်ပြီး အားကျပေမယ့် မလှရင်နေ၊ အပင်ပန်းမခံဘူးဆိုတဲ့အစားထဲကလေ။)

အခုတော့ ကြက်တောင်ရိုက်တိုင်း ကြက်တောင်မှန်နေတဲ့ဒဏ်ကို မခံနိုင်တော့ဘူး။ ဒီနေ့ဆို နောက်ကအကိုက ရိုက်လိုက်တာ လက်မောင်းကိုဘက်တံနဲ့ လာထိတယ်။ အဲတော့ စိတ်ကတိုရော။ သူတို့လည်း တမင်လုပ်တာမ ဟုတ်ဘူးဆိုတာသိတယ်။ ကိုယ်ကလည်း သည်းခံသင့်တာပေါ့။ ဒါပေမယ့် သည်းခံတာ သည်းမခံတာထက် အသားနာရင် မျက်ရည်ကအရင်ကျတတ်တဲ့ကိုယ့်ကိုကိုယ်ပဲ ဒေါသအရမ်းထွက်တယ်။ ပြီးတော့ ကိုယ်အသားနာ ပါတယ်ဆိုမှ လာရယ်နေကြတော့ စိတ်ကလုံးဝမကြည်တော့ဘူး။ ပြန်လာတော့ ကြက်တောင်ရိုက်တဲ့ရက်ကက်လည်း အိမ်ဘေးကမြက်ခင်းပေါ်ဝဲပစ်လိုက်ပြီ။ ဆုံးဖြတ်လိုက်တယ်။ အသားနာလို့သည်းမခံနိုင်ဘူးဆိုရင် ဆက်ဆော့စရာအကြောင်းမရှိတော့ဘူးလို့။ ခံနိုင်ရည်နည်းလွန်းတဲ့ ကိုယ့်ကိုကိုယ်ပဲ အပြစ်တင်မိတယ်။

သင်္ကြန်အမှတ်တရများ


နှစ်စဉ်နှစ်တိုင်း ရင်ခုန်ခဲ့ရတဲ့အချိန်ကိုရောက်လာပြန်ပါပြီ။ ငယ်ငယ်ကတည်းက ဖေဖော်ဝါရီလမှာ စာမေးပွဲဖြေပြီးတာနဲ့ စာမေးပွဲနောက်ဆုံးနေ့မှာ သူငယ်ချင်းတွေနဲ့ အချင်းချင်းရေတွေပက်ကြပါတယ်။ ကျောင်းပိတ်သွားတာနဲ့ သင်္ကြန်ကိုမျှော်ပါပြီ။ စားလည်းဒီစိတ်၊ အိပ်လည်းဒီစိတ်ဆိုသလိုပါပဲ။ သင်္ကြန်ကကိုယ့်ကိုတော်တော်ဖမ်းစားနိုင်တာပါ။ သင်္ကြန်မရောက်ခင်တည်းက အိမ်ကမိဘတွေကို လည်း ရေဖလားဝယ်ပေးဖို့ပူဆာတော့တယ်။ တော်တော်ငယ်ငယ်တုန်းကတော့ ရေပြွတ်နဲ့ပက်ပါတယ်။ ဒါပေမယ့် ရေပြွတ်နဲ့ပက်တာက တမနက်တောင်မခံပါဘူး။ အားမရလို့ခွက်တွေနဲ့ပဲပြောင်းပက်ပါတယ်။

၎တန်းအောင်ပြီးတော့ ကိုကြီးနဲ့အကိုဝမ်းကွဲတွေကိုပေါင်းပြီး ရှင်ပြုကြပါတယ်။ ကိုယ်ကလည်းသီလရှင်ဝတ်ပါတယ်။ အစတုန်းကတော့ ၁၀ရက်လောက်ဝတ်မယ်ပေါ့။ သင်္ကြန်လူမထွက်ဘူးပေ့ါလေ။ ၄ရက်အထိသီလရှင်ဝတ်ပြီးတော့ အကြိုနေ့မတိုင်ခင်တရက်ကို ရောက်လာပါတယ်။ သင်္ကြန်သီချင်းတွေလည်း ဟိုက၊ ဒီကနေအသံကြားနေရပါပြီ။ တချို့အိမ်တွေရှေ့မှာ အုန်းလက်မဏ္ဍပ်တွေတောင်ထိုးနေကြပါပြီ။ အဲဒါနဲ့နေ့ခင်းဘက်အိမ်ကိုပြန်ပါတယ်။ ဘုန်းကြီးကျောင်းက အိမ်နောက်ဘေးမှာတင်လေ။ အိမ်မှာကအမေကလည်း ကျောင်းကိုကိစ္စရှိလို့သွားနေ၊ အဖေကလည်းရုံးမှာဆိုတော့ ဟိုဘက်အိမ်ကအဘွားတို့အိမ်မှာ တနေ့လုံးသွားနေပြီး အမေတို့ပြန်အလာ ကိုစောင့်ပါတယ်။ အမေထမီအစိမ်းရောင်လေးကို လဲဝတ်ထားပြီး အဲဒီအိမ်ကအန်တီက စက်ချုပ်တာဆိုတော့ ဖျင်စတွေနဲ့ အရုပ်လုပ်ဆော့လိုက်၊ အကျီ င်္အပ်တဲ့သူတွေကြည့်တဲ့ မှန်အကြီးကြီးရှေ့သွားပြီး သင်္ကြန်သီချင်းဆိုလိုက် ကလိုက်လုပ်နေပါတယ်။ ကတုံးကြီးနဲ့သီလရှင်အကျီ င်္ဝတ်ပြီး ထမီအစိမ်းရောင်နဲ့ မှန်ရှေ့မှာကနေတာဆိုတော့ စဉ်းစားသာကြည့်ပါတော့။ အဲဒါတညနေလုံး။ အဘွားက နင်ကသီလရှင်မဟုတ်တော့ဘူး။ သီလပျံတဲ့။ အမေပြန်လာတော့ လူထွက်မယ်လို့ပြောလိုက်တာပေါ့။ နောက်နေ့ကျတော့ ကတုံးလေးနဲ့သီလရှင်လူထွက် ရေပုံးတလုံးနဲ့ကဲပါတော့တယ်။

နောက်မှတ်မိနေသေးတာတခုက ၈တန်းစာမေးပွဲဖြေပြီးတဲ့နှစ်က ကိုယ်ကအဲဒီတုန်းက အဲလက်စ်ကေ လို့ခေတ်စားတဲ့ ဆံပင်အလယ်ခွဲအတိုလေးနဲ့ပါ။ အိမ်ရှေ့မှာ ရေအိုးတွေချ၊ ရေပုံးတွေချပြီး ရေပက်တဲ့အချိန်ဆို အိမ်ရှေ့ကနေစက်ဘီးစီးပြီးနေ့တိုင်းဖြတ်သွားတတ်တဲ့ အကိုကြီးတစ်ယောက်ရှိပါတယ်။ သူကအဲလက်စ်လို့ ဖြတ်သွားတိုင်းကိုယ့်ကိုစပါတယ်။ နောက်ညပိုင်းဆို မဏ္ဍပ်တွေမသွားတဲ့ရက်တွေမှာ ဈေးနားက၀င်းလွင် စာအုပ်ဆိုင်မှာ စာအုပ်သွားငှားရင်အဲဒီဆိုင်ဘေးက ကျားရေခဲချောင်းအိမ်က အမကြီးတယောက်က ကိုယ့်ကို အဲလက်စ်နဲ့တူလို့၊ ချစ်ဖို့ကောင်းလို့ဆိုပြီး ရေခဲချောင်း ၃၊၄ချောင်းအိတ်နဲ့ထည့်ထည့်ပေးပါတယ်။ အဲဒီအမကြီးက တော်တော်ချောပါတယ်။ ခေတ်လည်းဆန်တဲ့ပုံပါ။ တခါတလေ နေ့ခင်းဘက်သူငယ်ချင်းတွေနဲ့ သင်္ကြန်ရေပက်ခံ ထွက်လို့ သူ့အိမ်ရှေ့ကဖြတ်တဲ့အခါ သူရေပက်နေတဲ့အချိန်ဆို အဲဒီနားမှာအကိုကြီးတွေ ယောင်လည်ယောင်လည် လုပ်နေတတ်တာတွေ့ဖူးတယ်။ ကိုယ်က ရေခဲချောင်းတွေရလာလို့ အိမ်ကိုပြန်ပြောပြတော့ ဖေကြီးက အဲဒါသမီးကို ရုပ်ဆိုးတယ်လို့ပြောတာတဲ့။ အဲလက်စ်ကရုပ်ဆိုးတယ် တဲ့။ အဲလက်စ်ရုပ်ဆိုးလား ရုပ်ချောလားမကြည့်တတ်ပါဘူး။ ဒါပေမယ့် အဲလက်စ်ကိုကြိုက်တော့သူနဲ့တူတယ်ပြောလည်း မနာပါဘူး။ ရေခဲချောင်းလည်း အလကားစားရတာကိုး။ နောက်ပိုင်းအဲဒီအမကြီးကို မတွေ့ရတော့ပါဘူး။

အဲဒီနှစ်သင်္ကြန်မှာပါပဲထင်တယ်။ မြို့ထဲဘက်ကပြန်လာတဲ့ အကိုကြီးတယောက် အိမ်ရှေ့မှာဆိုင်ကယ် ပျက်သွား ပါတယ်။ နောက်ခဏကြာတော့ သူ့သူငယ်ချင်းတယောက်က စက်ဘီးနဲ့ဖြတ်အသွားတွေ့တော့ရပ်ပြီး သူ့ကိုကူညီပြီး နှစ်ယောက်သားဆိုင်ကယ်ပြင်ကြပါတယ်။ ကိုယ်ကရေပက်နေရင်းနဲ့ မီးခြစ်ယူမလားလို့ လှမ်းစပါတယ်။ (တော်တော်ကဲတာနော်။ အမှန်အတိုင်းဝန်ခံရရင် ငယ်ငယ်ကတည်းက အစအရမ်းသန်ပါတယ်။ ) အဲဒါအဲဒီအကိုကရယ်နေပါတယ်။ ခဏကြာတော့ အိမ်ကသံတွေ၊ ပလာယာတွေလာတောင်းပြီး ပြင်လိုက်တာရသွား ပါတယ်။ မီးခြစ်မလိုတော့ဘူးပေါ့။ တခါတလေအဲဒီအကိုက အိမ်ရှေ့ကဖြတ်သွားရင်မီးခြစ်ဆိုပြီးစပါတယ်။ (ငယ်ငယ်ကတော့ ရထားတဲ့နာမည်တွေလည်း တော်တော်များပါတယ်။ သူများကိုလည်း ထိပ်ဆုံးကနာမည်ဖျက် ပါတယ်။) :)

ဆယ်တန်းအောင်ပြီးတဲ့နှစ်ကစပြီးတော့ အိမ်ရှေ့မှာရေမပက်တော့ပါဘူး။ လိမ္မာသွားပြီလို့မထင်လိုက်ပါနဲ့။ တံတားကြီးတန်းလမ်းမှာရှိတဲ့သူငယ်ချင်းယောက်ျားလေးတစ်ယောက်ရဲ့အိမ်ရှေ့မှာ မဏ္ဍပ်ထိုးပါတယ်။ အဲဒီလမ်းက လမ်းမဆိုတော့ လူလည်းပိုစည်တယ်လေ။ အဲဒီမှာသူငယ်ချင်းတွေစုပြီးရေပက်ကြ၊ ဆိုင်ကယ်တွေနဲ့ရေပက်ခံထွက် ကြပေါ့။ နောင်နှစ်တွေကစပြီး အဲဒီအိမ်ဟာ ကိုယ်တို့သူငယ်ချင်းတွေရဲ့စုရပ်ဖြစ်လာပါတယ်။ မကွေးမှာ၊ ရန်ကုန်မှာ ကျောင်းသွားတက်တဲ့သူတွေအကုန်လုံးကလည်း သင်္ကြန်ပြန်လာပြီဆို အဲဒီမဏ္ဍပ်ကိုရောက်လာပါတယ်။ အဝေးမှာအလုပ်လုပ် နေတဲ့သူတွေကလည်း ဒီအချိန်ဆိုမြို့ကိုပြန်လာကြပြီလေ။ သင်္ကြန်ဟာ ကိုယ့်အတွက်တော့ ကိုယ်ချစ်တဲ့သူငယ်ချင်းတွေအားလုံးနဲ့ဆုံစည်းရာ အချိန်ဖြစ်လာပါတယ်။ သင်္ကြန်ရောက်တော့မယ်ဆိုရင် ပွဲတော်မို့လို့ပျော်တာရယ်၊ သူငယ်ချင်းတွေကို အစုံအလင်တွေ့ရတော့မယ်ဆိုတာရယ်က တွေးတိုင်းကိုယ့်ကိုကြည်နူးစေခဲ့တာပါ။ ကိုယ်ဂုဏ်ထူးတန်းပြီးလို့ ရန်ကုန်မှာ အလုပ်ဝင်နေတော့လည်း ကိုယ်ပြန်လာတိုင်းသူငယ်ချင်းတွေက ရေပက်ခံထွက်ဖို့ကားကအစစီစဉ်ပြီးသား။ ကားထဲမှာ ပါတဲ့မိန်းကလေးအကုန်လုံးကသူ့လူနဲ့သူ။ ကိုယ်ကတော့သူငယ်ချင်းတွေက အတင်းခေါ်လို့ ပါလာတာဆိုတော့ မီးသတ်ပိုက်တွေ၊ ခွက်စောင်းခုတ်တဲ့မဏ္ဍပ်မျိုးတွေဆိုရင် သူငယ်ချင်းတွေက ကိုယ့်ကိုဝိုင်းကာပေးတတ်ကြပါတယ်။ ဒီကြားထဲမှာ ကိုယ်ကသူတို့ကားနဲ့လိုက်ပြီး သူတို့နဲ့ကြမလိုက်ဘူးဆိုပြီး အုပ်စုကွဲရန်တွေ့ကြတာမျိုးကိုလည်း ပြေလည်အောင်နှစ်သိမ့်ရပါသေးတယ်။ အခုချိန်ဆို ဒီကောင်တွေတော့ ထုံးစံအတိုင်း သင်္ကြန်အတွက်ပြင်ဆင်နေလောက်ပြီ။ ကိုယ်ကတော့ အဝေးမှာ။ သူငယ်ချင်းတွေကို လွမ်းလိုက်တာလေ။ ဒီနှစ်ကတော့ အခန်းထဲမှာကွန်ပျူတာရှေ့ထိုင်ပြီး Assignment တွေလုပ်ရင်းပဲနှစ်သစ်ကိုကြိုဆိုပါတော့မယ်။ အားလုံးလည်း နှစ်သစ်မှာပျော်ရွှင်ကြပါစေ။

(မေ့သွားလို့ ထပ်တင်လိုက်တာ။ ကိုဖိုးစိန်က အလှုလုပ်တဲ့အကြောင်းရေးလို့လေ။) လွန်ခဲ့တဲ့ ၂နှစ်ကစပြီး သင်္ကြန်ပြီးသွားတဲ့ နှစ်ဆန်းတရက်နေ့မှာ ကုသိုလ်ကောင်းမှုနဲ့စမယ်လို့စိတ်ကူးပြီး မြို့မှာရှိတဲ့ မိဘမဲ့ကလေးကျောင်းကို ငွေလှုခဲ့ပါတယ်။ ပထမနှစ်ကတော့ သူငယ်ချင်းအနည်းငယ်ကိုစည်းရုံးပြီး နည်းနည်းပဲလှုနိုင်ခဲ့ပေမယ့် နောင်နှစ်ကိုယ်ပြန်လာတဲ့အချိန်မှာ သူငယ်ချင်းတွေကအကုန်ပိုက်ဆံတွေကောက် လူစုပြီးနေလို့ ကိုယ်စည်းရုံးစရာမလိုပဲ အလှုလေးဖြစ်မြောက်သွားပါတယ်။ ဒီနှစ်လည်း သင်္ကြန်ပြီးရင် အလှုလုပ်ဖို့ ဖုန်းဆက်ပြောရပါဦးမယ်။

(ပုံကကိုသစ်နက်ဆူးဆီက မလာတာ။)