ည

ညနေစောင်းတဲ့အထိတော့
ဒါကဘတ်စကတ်ဘောကွင်း
အခုသူက ကိုယ့်ရဲ့နိဗ္ဗာန်ငယ်
ကျောချလိုက်တဲ့အခါ
သံပန်းကွက်ခုံတန်းလေးက အေးမြလို့
မီးခိုးရောင်ကောင်းကင်ရဲ့အရှေ့မှာ
တိမ်တွေကတရွေ့ရွေ့နဲ့ လမ်းသလားနေကြတုန်း
လေပြေလေးတွေကတော့ ၀င်တချက်ထွက်တချက်နဲ့
ညကတော့ စက်သပ်ထားသလို ငြိမ်သက်နေလေရဲ့
မလှမ်းမကမ်းက မီးလင်းနေတဲ့အခန်းတွေကိုကြည့်
တချို့က ခန်းဆီးတွေချ
တချို့က ကန့်လန့်ကာတွေမလို့
စာကြည့်နေတဲ့ ကျောင်းသားအချို့ကို
မသဲမကွဲမြင်ရတယ်
ငါ ဒီညစာမဖတ်ချင်ဘူး
စိတ်ကူးတွေရပ်လိုက်ရမှာစိုးလို့
ဂစ်တာမတီးချင်ဘူး
ညရဲ့ဂီတကိုရင်ခုန်ချင်သေးတယ်
မီးလုံးကလေးတွေ မှိတ်
ကြယ်ကလေးတွေလည်းအိပ်လို့
နောက် ငှက်အော်သံတွေတိတ်ဆိတ်လာတဲ့အခါ
(ဖုန်း)နံပါတ်တစ်ခုချင်းစီကိုနှိပ်
ရင်ခုန်သံတဒိတ်ဒိတ်နဲ့
ဒီညအိပ်မက်လေးလှပါစေလို့ ဆုတောင်းရင်းပေါ့...။

၁၈.၀၂.၂၀၀၉